Pairedjam
September 12th, 2004, 01:08 AM
Un equipu de rescate alcuentra firíu nos Picos al escritor y biólogu Xuan Porta, desapaecíu fai tres díes.
Tres alcontrase’l so coche nel Mirador de la Reina, nos Picos , entamó la gueta a mediudía de güei por parte d’un helicópteru de Bomberos d’Asturies, la Guardia Civil de Montaña y perros adiestraos na gueta de persones. Alcontrándolu mancáu y inconsciente nuna zona próxima al Mirador de la Reina. dempués de face-y un primer reconocimientu foi tresladáu nel helicópteru al Hospital d’Arriondes.
Xuan Porta empobinóse a ver unos ñeros que taben a unos cincuenta metros del coche, esbarió y cayó unos 20 o 25 metros. Na cayida perdió’l móvil y rompió'l todiyu y la rodiella, amás de quedar nun llugar ensin visibilidá pa la xente que parase nel Mirador. Arrastrándose, pudo abellugase nuna sebe pa tapecese de la lluvia, nesi llugar foi onde lu atoparon l’equipu de salvamentu.
BIOGRAFIA
Nació Xuan Porta en Xixón en 1971 y llicenciose en Bioloxía pola Universidá d’Uviéu. Combina esti campu cola actividá en favor de la llingua asturiana, sobre too dende’l Conceyu pol Estudiu y Proteición de la Llingua Asturiana, CEPLA, del que ye presidente. Dirixe la publicación cultural El Canciu’l Cuélebre dende la so fundación en 1995. Fai collaboraciones radiofóniques y tien espublizaos artículos en prensa y dellos poemes en Lletres Asturianes, Suplementos del Norte, Sietestrellu y Lliteratura. Aficionáu a la fotografía naturalista consigue’l segundu premiu nel VIII concursu fotográficu Arte, Paisaxe y tradiciones d’Asturies de Sograndiu en 1996.
En 1997 publica a comuña con Mª Xesús Llope la recopilación Xuegos infantiles p’anguañu, editáu pol Conseyu de la Mocedá de Xixón, Llagares de sidra natural de Nava y Villaviciosa en collaboración con G. Palomo y R. Vallina, publicáu en Xixón pol El Duernu. Nesti mesmu añu el so primer poemariu Xirúa ye premiáu col VI Premiu Elvira Castañón, y publicáu por Editora del Norte.
Tres alcontrase’l so coche nel Mirador de la Reina, nos Picos , entamó la gueta a mediudía de güei por parte d’un helicópteru de Bomberos d’Asturies, la Guardia Civil de Montaña y perros adiestraos na gueta de persones. Alcontrándolu mancáu y inconsciente nuna zona próxima al Mirador de la Reina. dempués de face-y un primer reconocimientu foi tresladáu nel helicópteru al Hospital d’Arriondes.
Xuan Porta empobinóse a ver unos ñeros que taben a unos cincuenta metros del coche, esbarió y cayó unos 20 o 25 metros. Na cayida perdió’l móvil y rompió'l todiyu y la rodiella, amás de quedar nun llugar ensin visibilidá pa la xente que parase nel Mirador. Arrastrándose, pudo abellugase nuna sebe pa tapecese de la lluvia, nesi llugar foi onde lu atoparon l’equipu de salvamentu.
BIOGRAFIA
Nació Xuan Porta en Xixón en 1971 y llicenciose en Bioloxía pola Universidá d’Uviéu. Combina esti campu cola actividá en favor de la llingua asturiana, sobre too dende’l Conceyu pol Estudiu y Proteición de la Llingua Asturiana, CEPLA, del que ye presidente. Dirixe la publicación cultural El Canciu’l Cuélebre dende la so fundación en 1995. Fai collaboraciones radiofóniques y tien espublizaos artículos en prensa y dellos poemes en Lletres Asturianes, Suplementos del Norte, Sietestrellu y Lliteratura. Aficionáu a la fotografía naturalista consigue’l segundu premiu nel VIII concursu fotográficu Arte, Paisaxe y tradiciones d’Asturies de Sograndiu en 1996.
En 1997 publica a comuña con Mª Xesús Llope la recopilación Xuegos infantiles p’anguañu, editáu pol Conseyu de la Mocedá de Xixón, Llagares de sidra natural de Nava y Villaviciosa en collaboración con G. Palomo y R. Vallina, publicáu en Xixón pol El Duernu. Nesti mesmu añu el so primer poemariu Xirúa ye premiáu col VI Premiu Elvira Castañón, y publicáu por Editora del Norte.