Restaurohet kompleksi i gurtë 300-vjeçar në Pazarin karakteristik

Bledar Shehu

Një prej komplekseve të gurta, më masivë në Pazarin tradicional të Gjirokastrës, së fundi i është nënshtruar një projekti restaurues. Bëhet fjalë për kthimin në identitet të godinës së gurtë 300-vjeçare në pronësi të familjes Babameto, në Pazarin karakteristik të Gjirokastrës. Kompleksi i gurtë trekatësh është ndër ndërtimet më masive në mjediset e ‘Qafës së Pazarit’ në Gjirokastër. Kthimi i tij në identitet u mundësua si një bashkëpunim i organizatës “Trashëgimia Kulturore pa Kufij”, në bashkëpunim me organizmat lokalë dhe qendrorë të monumenteve të kulturës. Sipas koordinatores së projektit, Lejla Haxhiç, e harruar në kohë, kjo godinë e gurtë ishte në një gjendje shumë të keqe ndërtimore. Probleme paraqiteshin në shembjen e çatisë së gurtë me pllaka guri që mbulonte kompleksin, dëmtimin e mureve mbajtëse etj. Përpjekjet për kthimin në identitet të këtij kompleksi nisën në vitin 2009. “Projekti u iniciua nga Fondacioni suedez “Trashëgimia Kulturore pa Kufij” me partnerë Ministrinë e Turizmit, Kulturës, Rinisë dhe Sporteve, Drejtorinë Rajonale të Kulturës Kombëtare në Gjirokastër, Zyrën për Administrimin e Qendrës Historike të Gjirokastrës dhe Organizatën për Ruajtjen dhe Zhvillimin e Qytetit të Gjirokastrës”, – thotë koordinatorja Haxhiç. Gjatë kësaj kohe procesi i matjes, dokumentimit dhe zhvillimit të të gjithë projektit restaurues u përdor si trajnim për arkitektë dhe restauratorë të rinj shqiptarë dhe të huaj në kuadër të organizimit të kampeve ndërkombëtare të restaurimit në qytetin e gurtë. E veçantë është se gjatë restaurimit të godinës së gurtë trekatëshe u përdorën materiale tradicionale të arkitekturës dhe ndërtimit në Gjirokastër. “Punimet restauruese që vënë në përdorim dhe ringjallin materialet e teknikat tradicionale janë mënyra më e mirë që të gjitha monumentet në Gjirokastër të tregojnë sërish historinë e tyre, neve dhe gjithë atyre që duan ta dëgjojnë”, – thotë Haxhiç ndërsa shpjegon se në këtë drejtim në godinën 300-vjeçare të Babametove u përdorën teknikat e dikurshme të ndërtimit apo materiale të tilla si: pigmente organike, ujë me hi dhe tullë të thërrmuar etj. Sipas koordinatorëve të projektit, pas restaurimit godina e gurtë do të përfshihet në një proces rijetëzimi, duke shërbyer si qendër artizanale dhe një vend për studiuesit e historisë së Gjirokastrës.
http://www.mapo.al/2012/04/04/restau...karakteristik/

Rehabilitohet shpati i kalasë së Gjirokastrës



GJIROKASTËR- Në prag të sezonit turistik, nis rehabilitimi i shpatit të kalasë së Gjirokastrës. Rindërtimi i shëtitores në pjesën muzeale ka çelur dhe punimet për të siguruar një ambient të përshtatshëm historik për vizitorët. Prej vitesh shëtitorja ka qënë e mbuluar nga mbeturinat dhe punimet mbi të rikthejnë pamjen e mëparshme.

Ndërkohë po në këtë pjesë gjendet edhe një prej monumenteve të gdhendur të figurës së Skënderbeut, e cila do të ndriçohet për të ekspozuar atë. Nënkryetari i Bashkisë, Vangjel Muco bën të ditur se ky investim vjen në prag të sezonit turistik ku janë ndërmarrë njëherazi edhe pastrimet dhe gjelbërimet e kësaj zone.
(ma.ar/News24/BalkanWeb)
http://www.balkanweb.com/kultur%C3%A...res-82300.html

Kishe e re ne ndertim - Gjirokaster

http://farm8.staticflickr.com/7150/6673847139_03a5dc8de5_o.jpg (http://www.flickr.com/photos/carpe_feline/6673847139/)
foto nga Carpe Feline

:)

qW5xv_kFX58

Gjirokastër, nis rikonstruksioni i 3 monumenteve të kulturës


GJIROKASTER- Ka nisur keto dite ne Gjirokaster rikonstruksioni i tre banesave monument kulture te kategorise se pare.

Burime zyrtare nga drejtoria e monumenteve ne Gjirokaster bejne te ditur se pasi eshte levruar nje pjese nga fondi prej 20 milion lekesh i planifikuar per rikonstruksionin e shtepive te Ficajve, Kokobobove dhe Cuberateve, kane filluar edhe nderhyrjet restauruese ne keto banesa. Ne muajt ne vijim, ndersa punimet do te vazhdojne normalisht pritet edhe celja e pjeses se mbetur te fondit dhe rikthimi ne identitet i ketyre banesave nga me te njohurat ne Gjirokaster.

Sipas drejtuesve te drejtorise se monumenteve, 7,6 milion leke jane akorduar per shtepine e Ficajve, qe eshte dhe me e demtuara, ku do te riparohen catia, dritaret, muret etj.

Drejtori i monumenteve te kultures ne Gjirokaster, Spartak Derrasa, tha se ne te tria banesat do te respektohen me rigorozitet projektet e pergatitura nga specialistet, duke ruajtur karakteristikat, sidomos ne tavane dhe dysheme, ku keto elemente jane me te spikatur.
(el.me/atsh/BalkanWeb)
http://www.balkanweb.com/kultur%C3%AB/2691/gjirokaster-nis-rikonstruksioni-i-3-monumenteve-te-kultures-86999.html

X6ZNNF39HMs

Gjirokastër, Këshilli i Qarkut miraton buxhetin 2012
http://i1247.photobucket.com/albums/gg636/MrAlbalover/gjirokaster.jpg


Këshilli i Qarkut të Gjirokastrës ka zhvilluar mbledhjen e parë pas rreth 10 muajsh përplasjesh gjyqësore për konstituimin.

Në mbledhjen ku ishin të pranishëm të 44 këshilltarët janë diskutuar cështje të miratimit të buxhetit të vitit 2011 dhe atij të programuar për 2012. Takimi i parë i të gjithë këshilltarëve është shoqëruar me debate të ashpra dhe fyerje nga të dy palët.

Të djathtët kanë ngritur pretendimi mbi parregullsi proceduriale dhe mungesë të analizës shpjeguese mbi buxhetin faktik të vitit të kaluar ndërsa pretendojnë për fryrje të administratës, punësime pa arsimin përkatës dhe shkurtim të detyruar të pagave për këtë vit.

Ndërkaq të majtët i kanë mohuar këto pretendime dhe kanë fajësuar për zvarritje të funksionimit këshilltarët e djathte. Sipas drejuesve të këshillit të ri të qarkut pengesat për realizimin e mbledhjes kanë penguar pagesën në kohë të ndërmarrjeve në varësi dhe njëherazi kanë frenuar vendimmarrjen.

Buxheti për vitin 2012 ka kaluar me votat e 23 këshilltarëve të majtë ndërsa në krye te ndërmarrjes së rrugëve rurale po me të njëjtin numër votash ka ardhur Skendër Seferi.

Pika të ndjeshme që janë bërë pjesë e debatit në këshillin e Qarkut janë investimet në disa rrugë dhe ura në Përmet dhe Tepelenë të cilat kanë ngelur jashtë skemës së finacimit për shkak të kostos së pamjaftueshme.

http://www.top-channel.tv/artikull.php?id=233828

Gjirokastër, Këshilli i Qarkut miraton buxhetin 2012

për shkak të kostos së pamjaftueshme.


Ky gazetari p.sh. eshte nje nder te paret qe meriton shkurtimin!!! Na bente nder te gjitheve :doh:

:lol:

Restaurohen tri banesa monument kulture
http://i1247.photobucket.com/albums/gg636/MrAlbalover/kokobobot.jpg

GJIROKASTER- Vazhdojnë punimet në tre nga ndërtesat monument kulture në zonën historike të Gjirokastrës. Prej disa muajve, tre nga banesat karakteristike gjirokastrite nën kujdesin e Ministrisë së Kulturës, Rinisë dhe Sporteve, si dhe nën mbikqyrjen e Drejtorisë Rajonale të Kulturës Kombëtare, i janë nënshtruar restaurimeve në pjesë të ndryshme. Banesat të cilat kanë përfituar nga investimet e radhës, figurojnë ato të shtëpisë së Ficove, Cuberajve dhe Kokobobot. Të trija banesat, ndodhen në lagjet “Palorto” dhe “Hazmurat” dhe përbëjnë trion e banesave që kanë patur më shumë se kurrë ndonjëherë vizita nga të interesuarit pasionantë të kulturës së hershme vendase.

Sipas Spartak Drasas, drejtori i Kulturës Kombëtare në Gjirokastër në muajin gusht, do të shihen rezultatet konkrete të investimeve në këto banesa të cila konsiderohen monument kulture i kategorisë së parë.

Punimet në këto shtëpi që datojnë nga fundshekulli i 19, do të vazhdojnë, duke u kujdesur për ruajtjen e vlerave origjinale si në arkitekturë, po ashtu dhe në afreske e piktura duke punuar në mënyrë të kujdesshme për kthimin e tyre në identitet të plotë. Vlera që është përdorur për rehabilitimin e tyre, shkon në 20 milionë lek, fonde këto të akorduara nga qeveria shqiptare.

http://www.panorama.com.al/lajmi-i-fundit/restaurohen-tri-banesa-monument-kulture/

Përkujtohet Vangjel Zhapa
10/06/2012

http://www.top-channel.tv/foto/lajme/Zhapa-Vangjel.jpg


Njeriu që ringjalli Lojërat Olimpike që sot mbahen rregullisht është Vangjel Zhapa, lindur në vitin 1800 në Labovë të Gjirokastrës.

Ndërsa në Athinë është një muze kushtuar atij, në Shqipëri, vendin e tij të lindjes, banesa e Zhapajve në Labovë është e rrënuar. Ai ka kontribuar shumë për Shqipërinë, ku ndërtoi 120 shkolla, Greqinë ku rikthehu Lojërat Olimpike moderne, por dhe Rumaninë ku jetoi gjatë dhe krijoi bizneset e tij.

Në nder të tij në vendin e lindjes është përkujtuar vepra e këtij filantropi të madh. Flaka olimpike është ndezur në këtë vend ku qëndron banesa ku është lindur dhe rritur njeriu që në vitin 1856 i propozoi mbretit gjerman të Greqisë, Otto, rilindjen e olimpianizmit modern. Ai investoi pasurinë e tij për këto lojëra.

Shtëpia e Vangjel Zhapës në Labovë, një momument arkitektonik i rrallë, është duke u shembur së bashku me emrin e tij. Restaurimi kërkon fonde që nuk mund të ofrohen nga komuna Odrie.

Vangjel Zhapa meriton të kujtohet për çeljen e më shumë se 120 shkollave brenda territorit shqiptar ku mësohej krahas greqishtes edhe shqipja. Ndërkaq emri i tij nderohet në nivel europian mes filantropëve më të mëdhenj të të gjitha kohërave.
http://www.top-channel.tv/artikull.php?id=236356&ref=onews

edit

Por ky Zhapa veten e ka identifikua si Grek, apo?

Por ky Zhapa veten e ka identifikua si Grek, apo?

Kshu thone greket, po perderisa Zhapa ka hapur shkolla dygjuheshe dhe shqip dhe greqisht i bie qe nuk eshte e vertete tamam:lol:

Kshu thone greket, po perderisa Zhapa ka hapur shkolla dygjuheshe dhe shqip dhe greqisht i bie qe nuk eshte e vertete tamam:lol:

flm :)

Masa për përmirësimin e sinjalistikës në zonën muzeale
http://www.balkanweb.com/foto/53455_2.jpg



GJIROKASTER- Duke parë fluksin e madh të turistëve që vizitojnë qytetin muze, si dhe qarkullimin e mjaft automjeteve, drejtoria e qarkulimit rrugor në Gjirokastër po merr te gjitha masat per permiresimin e sinjalistikes, që ka mjaft mangesi.

"Ndersa nga dita ne dite Gjirokastra dhe vecanerisht zona muzeale, po mbipopullohet nga vizitore te ndryshem, sinjalistika ne qytet lë shume per te deshiruar", thote Xhemil Biraci, drejtor i njesisë se qarkulimit, i cili evidentoi edhe disa nga masat e policise per qarkullimin e lirshem dhe pa probleme brenda qytetit. "Se pari, po bashkepunojme me bashkine e qytetit dhe po koordinojme veprimet per nje sinjalistike moderne", beri te ditur kreu i qarkullimit, duke shtuar se krahas policise bashkiake ne rruget e qytetit do te kete edhe postblloqe te njesise se qarkulimit, te cilat do te kryejne sherbim 24 oresh, ndersa ne ndihme te tyre do te jete edhe policia e rendit.

Sipas Biracit, te gjitha automjetet qe do te parkohen ne vende te gabuara dhe do te pengojne levizjen e turisteve do te bllokohen.
(BalkanWeb)
http://www.balkanweb.com/kultur%C3%AB/2691/masa-per-permiresimin-e-sinjalistikes-ne-zonen-muzeale-92922.html

Nga restaurimi i muzeut ne kalane e Gjirokastes

http://i1247.photobucket.com/albums/gg636/MrAlbalover/timthumb.png

Monumentet në Gjirokastër, MTKRS nis aksionion e restaurimit
http://i1247.photobucket.com/albums/gg636/MrAlbalover/gjirokaster_shtepi_muze12-267x200.jpg

Ministria e Kulturës ka ndërmarrë një aksion në qytetin e Gjirokastrës për restaurimin e disa prej monumenteve. Për të parë nga afër zhvillimin e punimeve ka qenë dhe ministri i Kulturës, Aldo Bumçi, i cili ka takuar pronarë shtëpish, punonjës së restaurimit, përfaqësues të organizatave, fondacioneve kombëtare dhe ndërkombëtare të fokusuara në ruajtjen dhe administrimin e Gjirokastrës si pjesë e UNESCO- s.

Në një deklaratë për media ai u shpreh se do të kryehet restaurimi i të gjitha banesave të dëmtuara, ndërsa po punohet dhe për përmirësimin e infrstrukturës rrugore, në mënyrë që të shtohet numri i turistëve.

“Lajmi i mire është se më në fund pas investimeve nga buxheti i shtetit është ngjallur një interesim i jashtëzakonshëm nga pronarët dhe biznesi, për rijetëzimin e monumenteve, për t’i vënë ato në shërbim të turizmit. U takova me disa investitore privatë që po realizojnë projekte të mrekullueshme në zonën historike të qytetit në përputhje të plotë me kriteret e ruajtjes së vlerave autentike”- tha Bumçi.

Sipas MTKRS- së do të kryhet restaurimi i Banesës Çuberi, e cila ndodhet në lagjen Partizani, dhe po kryet rindërtimi i çatisë pasi është dëmtuar tërësisht. Po restaurohet banesa Fico, po kryhet restaurimi i elementeve drusorë, pasi fasada e saj është punuar me dekoracione të rralla drusore. Gjithashtu do të bëhet dhe restaurimi i banesës Kokobobo, punimet janë përqëndruar tek restaurimi i çatisë, ndërtimi i murit të gurit, vendosja dritareve dhe mermetimi i qemereve.

Fondi i cili do të përdoret për restaurim është 1.2 milione i akorduar nga UNESCO, ndërsa do të vijojë punë edhepër restaurimin e objekteve të tjera.

http://www.gazetaidea.com/2012/06/22/monumentet-ne-gjirokaster-mtkrs-nis-aksionion-e-restaurimit/

Nga restaurimi i muzeut ne kalane e Gjirokastes

http://i1247.photobucket.com/albums/gg636/MrAlbalover/timthumb.png

sa mire qe paskan filluar te vene dore!! Kalaja e Gjirokastres eshte shume e bukur per mendimin tim :cheers:

xs5iua

Ruli inpekton punimet në Drino: Fund përmbytjes së Gjirokastrës
Lagjet periferike të Gjirokastrës dhe zona të tjera përgjatë brigjeve të lumit Drino nuk do të përmbyten më nga vërshimet e ujit. Prej mëse një viti mjete të specializuara po punojnë në të dy anët e lumit Drino duke pastruar dhe thelluar shtratin. Sipas projektit, ndërhyrja do të jetë në një gjatësi prej rreth 2.3 kilometra dhe deri më tani është kryer rreth 50 për qind e punimeve. Vetë ministri i Bujqësisë, Ushqimit dhe Mbrojtjes së Konsumatorit gjatë inspektimit të punimeve tha se ecuria e këtij projekti madhor për Gjirokastrën është shumë e mirë. Sipas ministrit Genc Ruli, në fund të muajit gusht mbyllet me sukses faza e dytë e punimeve, çka dhe shmang tërësisht rrezikun e përmbytjeve.

“Po inspektojmë punimet që po bëhen për fazën e dytë të projektit të madh të thellimit dhe risistemimit të lumit Drino. Duhet të kemi parasysh që ndërhyrjet në shtratin e këtij lumi kanë munguar prej mëse 50 vitesh, kjo ka krijuar problematikë, i gjithë shtrati është mëse i mbushur. Përmbytjet kishte me shiun më të parë që bëhej në zonën e Gjirokastrës. Për këtë arsye u mendua që të jetë një projekt kompleks, që t`i jepej një zgjidhje përfundimtare. Projekti është zhvilluar në tre faza, vjet u zhvillua faza e parë, sivjet është faza e dytë që vjen deri këtu, te ura e Ura e Tankeve”, - tha ministri Ruli. Për mediat, ministri i Bujqësisë, Ushqimit dhe Mbrojtjes së Konsumatorit bëri me dije se veç përmbytjeve, nga ky risistemim do ketë dhe përfitime ambientale nga banorët dhe fermerët.

http://www.balkanweb.com/shqiperi/2685/ruli-inpekton-punimet-ne-drino-fund-permbytjes-se-gjirokastres-96180.html

Kalaja e Gjirokastrës, nje muze i ri
29/09/2012
http://top-channel.tv/foto/lajme/gjirokaster.jpg

Një muze i ri me fokus të përgjithshëm është tashmë pjesë e kalasë së qytetit të Gjirokastrës. Muzeu i çelur pas të paktën 30 vitesh dokumenton jetesën e banorëve të luginës së Drinos dhe të qytetit të Gjirokastrës, figurat me te spikatura ne historine e qytetit, luftërave, por dhe te arsimit, si dhe gjetje arkeologjike te Lugines se Drinosit, veçanerisht te teatrit te Adrianopolit.

Ne stendat e muzeut shikon Çerçiz Topullin, Musine Kokalarin, Ismail Kadarene dhe Enver Hoxhen. Eshte hera e pare qe pas 1990 qe figura e diktatorit Hoxha perfshihet ne nje muze ne vendlindjen e tij. Ne stendat e muzeut bie ne sy nje koleksion armesh te vjetra, si dhe veshja tradicionale e Gjirokastres.

Çelja e ketij muzeu eshte perfshire brenda projektit per rijetezimin e kalase, i cili kap vleren e 500 mije eurove,ku perfshihen 4 donatore angleze dhe amerikane perfshire ketu edhe fondin e ambasadorit amerikan per trashegimine kulturore.

Sadi Petrela, kreu i fondacionit 'Gjirokastra', i cili u mor me ngritjen e muzeut pohon se çelja e tij na mesoi mbi te gjitha mundesine per te restauruar armet apo veshjet tradicionale qe gjenden ne muzeumet e vendit.

Jane 18.000 kostume ne te gjtha muzeumet shqiptare, nje pjese e te cilave sigurisht qe kane nevoje te restaurohen.Muzeu ende nuk ka formalizuar te plote lejen per hapjen e tij nga Komisioni Shteteror i Muzeve. Sipas Petreles kjo do te zgjidhet pas aprovimit te statusit te muzeut nga ana e keshillit bashkiak Gjirokaster.

Muzeu i Gjirokastrës i shtohet fondit të muzeumeve te tjere te ketij qyteti si Muzeu Kombëtar i Armeve dhe Muzeu Etnografik i vendosur në shtëpinë e Enver Hoxhës. Të dy këta muze që nuk u rikonceptuan asnjëherë që prej celjes së tyre po shkojnë drejt degradimit prej mungesës së investimeve.
http://top-channel.tv/artikull.php?id=243166

dT6sVtvcP_g

S3x_L7mINkI

IrhH18GpOSM

^^ Bukur. Por le te marrin shkas kete prjekt dhe te fusin kabllot nen toke.

5XNIsgDFbXs

Gjirokastër, dëmtohet monumenti i kulturës

"Shtëpia e Haderajve", nje monument kulture i kategorisë se dyte ne Gjirokastër është shembur pjesërisht mëngjesin e te enjtes, duke iu shtuar kështu listës se trashëgimisë qe po dëmtohet. Fasada e banesës qindra vjeçare, është rrezuar brenda oborrit per shkak te amortizimit te tejskajshëm te objektit. Sipërfaqja e demtuar e fasadës kap 30 metra katror dhe prej 5 vitesh kjo banese nuk jepej me as me qira pasi ishte rrënuar. Fqinjët ngjitur me shtëpinë, shprehen se nevojitet ndërhyrja e menjëhershme e strukturave lokale per shkak se rrezikohet edhe jeta e tyre. Por, nga drejtoria rajonale e monumenteve te Kulturës premtohet restaurimi i shpejte e ndërtesës. Sipas drejtuesve, vetëm 10 dite me pare eshte miratuar edhe projekti per ndërhyrjen ne çati. Banesa e qytetit qe mbrohet nga UNESCO, u përfshi nga zjarri prillin e vitit te kaluar, nga i cili u dëmtua edhe pjesa me e madhe e çatise.

4rOhe5YbZcc

:ohno:

Fqinjët ngjitur me shtëpinë, shprehen se nevojitet ndërhyrja e menjëhershme e strukturave lokale per shkak se rrezikohet edhe jeta e tyre.
[...]
Banesa e qytetit qe mbrohet nga UNESCO, u përfshi nga zjarri prillin e vitit te kaluar, nga i cili u dëmtua edhe pjesa me e madhe e çatise.


Pse mbrohet nga UNESCO, kjo nuk dmth. qe autoritet lokale duhen te merren me restaurimin dhe mirembajtjen. Mirembajtja eshte detyre e pronareve.

Video e vjeter (viti 2010), por prap se prap ja vlen te shikohet:
Q1H9oBEaKGU

Shtepia e Babametove eshte rindertuar:

uQx0WpJmT_Q