Lajme për Mjedisin | Environmental News

[ardenica]

Korpusi Vullnetareve ne Gose

[ardenica]

Per me shume:
http://www.facebook.com/photo.php?pi...06961272678590

[EdiAlb]

Interesting

http://wikileaks.org/wiki/Bankers_Pe...ons_9_Oct_2009

[Grupi_Armiqsor]

What's interesting? A memo from an un-named source who names no names and doesn't say where or how this info came about, other than "we learned this and that happened". Who is "we"?

For all you know...I wrote this. Or Erjonka Velia.

[Huti]

I'm very happy it exists:
http://www.partiaegjelber.org/

http://www.youtube.com/user/PartiaeGjelber


http://www.pgjk.org/kuvendi3.htm

[AltinD]

Originally Posted by Tartanzan

Deti kërcenon Tokën (Top Channel)

Masat e qeveris: Pyllezim i zones bregdetar! Mase e mire!

C'lidhje kane pemet e mbjella 50 - 100 metra nga bregu me gerryerjet nga rrymat nenujore dhe dallget ne vijen bregdetare?

Erozioni nga deti eshte natyror dhe zgjidhja e vetme eshte devijimi i rrymave detare me barriera nenujore ose rimbushja e plazheve me rere. Pemet nuk bejne asgje, dhe as nuk kane si te bejne.

Me siguri do ja kete sygjeruar ndonje "specialist" me kurs 6 mujor.

[RolexAL]

[alb_trc]

Originally Posted by RolexAL

Per mua ky eshte nga krimet me te medha...sidomos Lura njehere qe ka qene nje mrekulli.

[Huti]

Fier, lumi i vdekjes dhe naftës

http://top-channel.tv/video.php?id=22473

keq

[Tartanzan]

NËNSHKRUHET MARRËVESHJA PËR PROJEKTIN: "MENAXHIMI I MBETJEVE URBANE NE SHQIPËRINË JUGLINDORE"



U nënshkruan sot ndërmjet ministrit të Punëve Publike dhe Transportit, z.Sokol Olldashi dhe ambasadores gjermane të akredituar në Shqipëri, Zj. Karola Myller-Holtkemper, marrëveshja për projektitn: “ Menaxhimi i mbeteve urbane në Shqipërinë Juglindore”, konkretisht në qarkun e Korcës.

Projekti në fjalë është në kuadër të një bashkëpunimi të konsolidur tashmë ndërmjet qeverisë Shqiptare dhe qeverisë së Republikes Federale Gjermane dhe synon përmirësimin e cilësisë së mjedisit, shëndetit publik dhe mbrojtjen e burimeve natyrore.
Në saj të kësaj marrëveshje qeveria Gjermane i akordon qeverise Shqiptare një grant prej 2 milion Euro, dhe kjo vetëm për fazën e parë të këtij projekti, e cila do të shërbej për mbulimin e përiudhës së ndërmjetme deri në realizimin e landfillit për qarkun e Korces, i cili do të jetë gati në vitin 2013.

Gjatë fjalës së tij ministri Olldashi u shpreh:

“Investimi i qeverisë Gjermane në sektorin e ujit dhe mbetjeve të ngurta vazhdon të mbetet primar, dhe përben investitorin kryesor në këtë sektor qoftë përmes fondeve apo bankave të saj , përfshirë këtu dhe Bankën Gjermane për Zhvillim.”
Më tej ministri Olldashi duke folur për projektin në fjalë sqaroi se faza e parë e këtij projekti parashikon punime për mirëmbajtjen e fushës ekzistuese, përmirësimin e depozitimit të mbetjeve, mbajtjen nën kontroll të situatës së mbetjve, si dhe mbrojtjen e mjedisit dhe shëndetit publik të banorëve të Shqipërise Juglindore, konkretisht te qytetit të Korcës, Pogradecit dhe fshatrave përreth.
“Ky është një projekt i ndërmjetën që do ti praprij ndërtimit të landfillit me një paket të siguarar financimi prej 9.8 milion Euro .”

Në fund të fjalës së tij ministri Olldashi falenderoi qeverine Gjermane për vëmendjen e jashtëzakonshme që i kushton këtij sektori si dhe Bankën Gjermane për Zhvillim (Kfw ) për përkushtimin e saj dhe për angazhimin në projekte te tilla në të gjithë territorrin e Shqipërisë.

Gjithashtu një falenderim I shkoi edhe ambasadores Gjermane në Shqiperi Zj. Karola Myller-Holtkemper, për angazhimin e saj personal në këto projekte.

Gjatë fjalës së saj ambasadorja gjermane ,Zj. Karola Myller-Holtkemper u shpreh:

“Marrëveshja që nënshkruajmë sot, permbush një boshllëk të bashkëpunimit tonë të deri tanishëm, pasi mbetjet janë bërë një problem i cili dëmton peisazhin mjaft të bukur të këtij vendi, vecanërisht luginat e lumenjëve, problem që shpesh herë është konstatuar edhe nga turistët e huaj.
Projekt në fjalë do të ketë një ndikim shumë të rëndësishëm jo vetem për sa i përket mjedisit dhe shëndetit të qytetarëve shqiptar por edhe në drejtim të turizmit.

Sensibilizi I qytetarëve për hedhjan e mbeturinave është një tjetër element shumë I rëndësihëm I këtij projekti ku sigurisht përfitues të drejtëpërdrejt janë qytetarët e Korces,Pogradecit dhe Komunave përreth’’.

Tiranë 19 Korrik 2011

Ministria e Puneve Publike dhe Transportit

[RolexAL]

[Tartanzan]

Une mendoja, qe Shqiperia ka me shume Parqe Kombetar. Por sic duket, qenkan "vetem" 15:
Parqet Kombetare te Shqiperise (Ministria e Mjedisit, Pyjeve dhe Administrimit te Ujrave)

Ja edhe Zonat e Mbrojtura te Shqiperise (Ministria e Mjedisit, Pyjeve dhe Administrimit te Ujrave) dhe Lista me Zonat e Mbrojtura

[Tartanzan]

Sa shume mbeturina ne liqen.
Nuk e di, nese mjafton te vendosish nje rrjete ne kufi. Me siguri, qe nje pjese e ketyre mbeturinave vijne nga Maqedonia dhe Kosove nepermjet Drinit te Bardhe dhe atij te Zi. Por problemi nuk eshte vetem i importuar, por edhe prodhuar vete ne Kukes.
Duhen me shume fushata sensibilizuese, qofte ne shkolla ne gjithe Shqiperine, ne rruget e qyteteve shqiptare apo edhe ne mediat shqiptare, sidomos ne TV per ceshtjen e ambientit.

[Mr_Albalover]

Duhet percaktuar nje denim shume i ashper , shembullor per zjarrevenesit. Na i dogjen pyjet!

[Mr_Albalover]

[FijuBriju]

Ku po jetojmë

Në Enciklopedinë e Akademisë së Shkencave dhe Arteve, Kosova paraqitet si vendi me ujin, ajrin dhe tokën më të ndotur në Europë. Ajri ndotet nga korporatat, uji nga kanalizimet e toka shkatërrohet nga ndërtimet. Express sjell pjesë ende të pabotuara të Enciklopedisë, që ofron shifra alarmante për mjedisin jetësor.

Nga Jeton Musliu më 28 gusht 2011 në ora 08:03
Kosova e ka shumë të ndotur ujin, ajrin dhe tokën. Për më tepër, ndotja dhe degradimi i tyre vazhdon çdo ditë.

Përmasat e kësaj fëlliqësie mjedisore bëhen edhe më shqetësuese kur vërtetohen edhe nëpërmjet hulumtimeve shkencore dhe zyrtare.

Kosova së shpejti pritet ta ketë të botuar dhe të nxjerrë në shitje Enciklopedinë e saj të parë, e cila tashmë është dërguar në botim.

Ndryshe nga enciklopeditë e rajonit, Akademia e Shkencave dhe Arteve të Kosovës (ASHAK), për herë të parë, në një botim kaq të veçantë, ka vendosur të përfshijë edhe mjedisin.

Një kopje të tillë e ka siguruar edhe Express, në të cilën, përkundër natyrës së bukur, sipas Enciklopedisë, mjedisi në vend cilësohet mjaft i ndotur dhe atë nga shumë faktorë.

Pjesa për mjedisin, e hartuar nga profesori dhe eksperti i çështjeve të mjedisit, Zeqir Veseli, për llogari të Enciklopedisë së ASHAK-ut, nis me konstatimin se pjesë të veçanta të Kosovës, tash për tash janë në gjendje shumë të rëndë.

Toka, uji e ajri janë të ndotura jashtëzakonisht shumë, sidomos në disa pjesë, të cilat edhe cilësohen si pika shumë të nxehta.

Mitrovica, Obiliqi, Hani i Elezit apo Drenasi përmenden në Enciklopedi si vendet ku është më së shumti e përqendruar ndotja e këtyre tre elementëve të rëndësishëm për jetë.

Ajri

Enciklopedia shpjegon se 97 për qind e sektorit energjetik është e përqendruar në shfrytëzimin sipërfaqësor të linjitit, i cili përkundër rezervave prej 12 deri 14 miliardë tonë, është i cilësisë së ulët.

Në këtë rast, me mihjen e tij, bëhet edhe degradimi i tokës dhe krijohet ndotje e theksuar para dhe pas procedimit. Sa i përket cilësisë së ajrit, ai ndryshon në zonat urbane dhe ato rurale.

Derisa në pjesët rurale të Kosovës cilësia e ajrit ende është duke u ruajtur, në ato urbane ndotësit kryesorë janë CO2, bloza, pluhuri, tymi etj.

Kjo ndotje del të jetë më së shumti e përqendruar përreth termocentraleve të Korporatës Energjetike të Kosovës, si dhe zonat përreth Mitrovicës.

Në listën e zonave të ndotura të ajrit, Enciklopedia thekson se tash së fundi është përfshirë edhe ajo e Drenasit, për shkak të rifillimit të punës nga ana e Ferronikelit.

Sa i përket ndotësve më të mëdhenj, Enciklopedia thekson se KEK-u është një nga më kryesorët, që përfshin të gjitha hallkat e saj - që nga vetëndezja e thëngjillit, mihjet sipërfaqësore, shkarkimet nga blloqet që kanë teknologji të vjetruar, e deri te shpërndarja e hirit nga era.

Enciklopedia saktëson se për efektin serrë, gjatë një viti, vetëm KEK-u e përkeqëson dukshëm situatën pasi lëshon rreth 5.8 milionë tonë CO2.

Kësaj ndotjeje të madhe të ajrit të Kosovës i shtohen dhe shkarkimet që madje përfshijnë metale të rënda, siç është plumbi. Matjet kanë treguar se përqendrimet e tij janë mjaft të larta në Vushtrri e Han të Elezit.

Përveç kompanive të ndryshme, ajri i vendit në sasi të madhe ndotet edhe nga djegiet e brendshme të automjeteve, ku saktësohet se Kosova ka mbi 332 mijë automjete të regjistruara.

Në këtë shifër nuk përfshihen automjetet e trupave të KFOR-it dhe institucioneve të tjera ndërkombëtare, numri i të cilave vlerësohet të jetë mjaft i madh.

Enciklopedia thekson se pas mbarimit të luftës, në Kosovë u sollën automjete të vjetra, shumica dërmuese e të cilave me naftën si lëndë djegëse, duke bërë që ajri të ndotet edhe më shumë.

Pas korporatave apo fabrikave e automjeteve, ndotësit më të mëdhenj të ajrit në Kosovë janë sektori i bujqësisë, djegia e mbeturinave dhe shpesh zjarret në ara e pyje.

“Vetëm në vitin 2007 janë djegur 6 mijë e 690 hektarë pyje”, thuhet në Enciklopedi.

Uji

Ndotjes së vazhdueshme, përveç ajrit, nuk i ka shpëtuar as uji i Kosovës, edhe pse ai vlerësohet të jetë në sasi mjaft të paktë e të shpërndarë në mënyrë jo të njëtrajtshme.

Enciklopedia vëren se Rrafshi i Dukagjinit ka rezerva më të mëdha të ujit, kurse vetëm 30 për qind e popullatës ka qasje në sistemin e kanalizimit.

Për më tepër, në tërë vendin nuk ka asnjë impiant që do të pastronte ujërat e zeza. I vetmi ndodhet në Skenderaj, por edhe ai nuk është lëshuar ende në funksion.

Shumë prej lumenjve të vendit ndoten nga derdhjet industriale që bëhen pa asnjë kriter, duke i degraduar ata nga klasa e dytë, në atë të tretë dhe katërt.

73 për qind e popullatës së vendit ka qasje në ujësjellës publik, kurse rreth 58.4 për qind e resurseve ujore vijnë nga akumulacionet artificiale.

Enciklopedia vëren se ndotja e ujërave në vend bëhet edhe nga eksploatimi i pakontrolluar i zhavorrit në shtratet e lumenjve, me theks të veçantë në ata të Rrafshit të Dukagjinit.

Toka

Rreth 53 për qind e sipërfaqes së tokës së Kosovës konsiderohet si bujqësore, respektivisht 0.15 deri 1.18 hektar për kokë banori.

Dendësia e popullatës është relativisht e lartë, ose thënë ndryshe janë 204 banorë për kilometër katror.

Enciklopedia thekson se Kosova është vazhdimisht duke e humbur tokën e saj, sidomos atë bujqësore, për shkak të ndërtimeve në përmasa shqetësuese, aktiviteteve minerare, erozionit apo përdorimit të pesticideve.

“Sipas të dhënave zyrtare, llogaritet se viteve të fundit rreth 1 mijë hektarë tokë bujqësore të kualitetit të lartë janë zënë me ndërtime të ndryshme, sidomos përgjatë akseve rrugore”, shkruan më tej në Enciklopedinë e ASHAK-ut.

Degradimit të tokës i shtohet dhe eksploatimi sipërfaqësor i linjitit për nevoja të furnizimit të KEK-ut, me sipërfaqe prej 1 mijë e 470 hektarë, kurse djerrinat e mihjeve mbulojnë 1.599 hektarë, pa llogaritur gurëthyesit që janë duke shkatërruar sipërfaqe të tëra në mënyrë enorme.

Për më keq, në as një prej këtyre djerrinave dhe shkatërrimeve që bëhen nuk ndërmerret asnjë hap drejt rikultivimit për rikthim të gjendjes sikur në kohën e para shfrytëzimit të asaj sipërfaqe të tokës.

Në këtë rast, shkatërrimi është duke ndodhur edhe për shkak të erozionit të madh, për shkak të prerjes së pakontrolluar të pyjeve, ku nga tërë sipërfaqja e vendit, vetëm 10 për qind është duke u ruajtur nga kjo gërryerje.

Sa u përket pesticideve, në Enciklopedi shkruan se vetëm në vitin 2005 është importuar një sasi prej rreth 4.7 milionë kg dhe ato, përveç ndotjes së tokës, ndotin edhe ujërat nëntokësore.

Mbeturinat janë ndotësi i radhës i tokës së Kosovës, ku brenda vitit krijohen 1 milion e 675 mijë e 977 tonë, të cilat pastaj ndahen në ato që njihen si komerciale, hiri, zgjyra, të amvisërisë etj.

Megjithatë, Enciklopedia vëren se viteve të fundit ka pak përparim në drejtim të përmirësimit të gjendjes, sa i përket deponimeve të mbeturinave.

[Tartanzan]

Berisha: Jo plehra ne rruge (Vizion Plus)

[Tartanzan]

me fal...

[L1nk1g]

Lajm per ambientin?

[Tartanzan]

PERFUNDON PROJEKTI I “REHABILITIMI I ZONËS SË NXEHTË TË PORTO ROMANOS”



MINISTRI MEDIU: I RIKTHYEM BANOREVE TE ARDHMEN, ZONES POTENCIALET E ZHVILLIMIT

Ministria e Mjedisit, Pyjeve dhe Administrimit te ujerave, inaguroi perfundimin e projektit te Bankes Boterore, “Rehabilitimi i Zonës së nxehtë të Porto Romanos”. Ne prani te kryeministrit te vendit, si dhe autoriteve lokale, ministri i Mjedisit, zoti Fatmir Mediu, se bashku me drejtorin ekzekutiv te BB, zotin Cipollone, prene shiriti e kesaj vepre, te cilesuar si shume te rendesishme per zonan e Porto Romanos. Ne fjalen e tij pershendetese ministri Mediu u shpreh:
I nderuar Z. Kryeminister,
I nderuar Drejtor Ekzekutiv i Bankes Boterore, Z Cipollone,
Te nderuar eksperte dhe qytetare...
Zbatimi i projektit “Rehabilitimi i Zonës së nxehtë të Porto Romanos” ka qene përgjegjësi direkte e Ministrisë së Mjedisit, Pyjeve dhe Administrimit të Ujërave, e cila me mbështetjen e Bankës Botërore realizoi pastrimin dhe kthimin e 78000m2 sipërfaqe te ndotur në tërësisht të pastra. I cilësuar si një nga hot spotet më të rrezikshme në Ballkan, sipas nje studimi te UNEP te vitit 2004, implementimi i këtij Projekti me vlerë 5 milion USD, të dhuruara nga granti i Qeverisë Hollandeze, bëri të mundur rehabilitimin e 3 pikave të nxehta të kësaj zone, punimet e te ciles u iniciuan në pranverë të vitit 2010 dhe përfunduan në Qershor të këtij viti.
Në këtë zonë ku para viteve ’90 funksiononte Ndërmarrja Kimike, kishte një përqëndrim të madh të elementëve të rrezikshëm kimik si: lindan dhe krom. Këto pesticide cënonin rëndë shëndetin publik të banorëve të kësaj zone dhe kishin përkeqësuar të gjitha standartet mjedisore në atë zonë. Duke u cilësuar si një nga Projektet më të nevojshme dhe domosdoshme, nëpërmjet një këmbëngulje të Ministrisë së Mjedisit dhe Bankës Botrore, u bë e mundur largimi dhe inkapsulimi i 60 000 m³ dhera të ndotur. Sipas direktivave të BE-së së vitit 2003 u ndertua një kapsulë izolimi, e para kjo per mbetje të rrezikshme e ndërtuar në Shqipëri, ku në të njëjtën kohë është përpiluar me iniciativën tonë një Plan “ Menaxhimi, Monitorimi dhe Mirëmbajtje” për periudhën pas ndërtimit.
Është i pari i këtij lloji që po zbatohet në vendin tonë e cila financohet nga Banka Botërore dhe granti hollandez, me vlerë rreth 10 milion lekë për të garantuar integritetin e financimit të përbashkët midis qeverisë Shqiptare dhe asaj Hollandeze. Të nderuar qytetarë, Do t’ju bëj një thirrje. Më shumë se sa miqësore, jetësore për ju, dhe për të gjithë banorët e Porto Romanos, që këtë projekt kaq të realizuar nga të gjithë ne, të mos lejojmë askënd të ketë mundësinë ta degradojë apo të cënojë integritetin e tij fizik. Një ndër çështjet sociale më të rëndësishme e inciuar me përkushtim nga Ministria e Mjedisit, Pyjeve dhe Administrimit të Ujërave dhe mbështetjen e Këshillit të Ministrave, ishte kalimi i titullit të pronësisë për banorët e shpërngulur në Porto Romano dhe të vendosur në NPA, Shkozet.
Ky vendimi i Këshillit të Ministrave u mor me datë 8 Qershor 2011 dhe ai përmbush finalizimin e marrëveshjes midis Qeverisë Shqiptare dhe IDA-s, duke bërë të mundur realizimin në afatet e paracaktuara 100 % të gjithë komponentit të Porto Romanos. Këtu vlen për t’u theksuar edhe kontributi i Bashkisë Durrës dhe i Këshillit Bashkiak të cilët kanë një kontribut në realizimin e kësaj pike me karakter social të marrëveshjes midis qeverisë dhe Bankës Botrore. Referuar të gjitha misoneve të periudhës së punëve civile kryer nga Banka Botërore, ky projekt është njohur si nga më të sukseshmit, si në aspektin profesional ashtu edhe në atë administrativ.
Mbi të gjitha vlen të theksohet cilësia, e cila ka garantuar realizimin e objektivave kryesorë në shërbim të një jete më të mirë për banorët e Porto Romanos. Dikur era e lindanit shoqëronte këta banorë edhe në veshjet që ata mbanin. Sot ju e shihni që me përkushtimin e Qeverise shqiptare dhe mbështetjen e partnerëve ndërkombtare, kjo zonë inspiron potenciale zhvillime dhe te ardhme per banoret e saj. Aq sa Banka Botërore ne një reportazh promovues, qe do publikohet në faqen zyrtare të Bankës Botërore në Washington dhe Tiranë, e cilëson si një nga projektet më të suksseshme në rajon. Gjithashtu, me realizimin e këtij Projekti MMPAU ka përmbushur me sukses qëllimin kryesor të tij duke mbajtur në konsideratë prevalimin dhe primatin e një zhvillimi të qëndrueshëm konceptual në mbështetje të parimeve mjedisore.
Ju faleminderit!

Ministria e Mjedisit, Pyjeve dhe Administrimit te Ujerave