Скопје инфраструктура | Skopje road infrastructure

[Srdjan Adamovic]

Почеток на поставувањето на подземните контејнери за одлагање на комунален отпад

[Srdjan Adamovic]

Се бара концесионер за скопскиот трамвај

Градот Скопје распиша тендер со кој бара концесионер за планираната градска трамвајска линија број 1. Концесионерот ќе треба да ја проектира трамвајската инфраструктура, да изработи оценка за влијанието врз животната средина, да ја изгради првата линија во должина од 12,1 километар заедно со станиците, депото и другата пропратна инфраструктура, како и да набави најмалку 22 трамвајски возила за одвивање на сообраќајот по истата. За возврат, потенцијалниот инвеститор ќе може да стопанисува со системот во период од 35 години, сметано од денот на потпишување на договорот.



Заинтересираните субјекти мораат во секоја од последните три години да имаат остварено добивка од најмалку 20 милиони евра и вкупен промет од најмалку 700 милиони евра. Како критериум исто така е наведено тие да имаат извршено минимум четири договори за трамвајски или метро системи (дизајн, изградба, одржување и стопанисување) и тоа три договори направени индивидуално или здружени во конзорциум, со должина на трасата од најмалку 15 километри по принцип „клуч на рака“ и еден реализиран договор за стопанисување со трамвајски или метро систем во времетраење од најмалку три години.

Пријавувањето на понудувачите ќе трае најдоцна до 3 април 2013 година. Рангирањето ќе се врши според четири критериуми, од кои најголем број на бодови (30) ќе носи степенот на субвенции кои ќе ги бара идниот оператор. Инфраструктурата ќе носи 26 бодови, трамвајските возила 24 бодови, а за нивото на услугата ќе можат да се добијат најмногу 20 бодови.

Градот досега не ја објави физибилити студијата за проектот, но според достапните информации, линијата број 1 ќе ги поврзува населбите Ново Лисиче и Ѓорче Петров, минувајќи по булеварот Јане Сандански, центарот на градот, и булеварот Партизански Одреди. Според планот нема да има издвојување на шинскиот превоз од колскиот, ниту денивелација на одредени сегменти, односно трамваите ќе се движат по коловозите на постоечките сообраќајници долж целата траса на линијата, што наиде на негативни реакции кај експертите, исто како и нетранспарентноста на целиот процес. Проценките на надлежните власти околу цената на проектот константно растеа и според последните информации достигнаа 243 милиони евра, иако во меѓувреме не беше соопштено дека се направени битни измени во првичниот план за инфраструктурата или другите сегменти на проектот.

Во соработка со build.mk

http://www.skopjeinfo.mk/gradot/3386...pskiot-tramvaj

[bench_mark_2]

Като гледам, този трамвай ще осъществява поне 80% от пътуванията в града (без околоградските пътувания, до съседните села). Така ще може да се закрият повечето автобусни линии.

Оправдано ли е обаче в такъв малък град да се строи трамвай? Аз съм почти сигурен, че няма да се появи инвеститор...

По оправдано е да се построи като тролейбусна линия (и една перпендикулярна на нея), а крайградските направления да се обслужват от автобуси.

[Skopje/Скопје]

„Босна и Херцеговина“ ќе прерасне во булевар

Кандидатот за прв човек на Скопје Коце Трајановски и кандидатот за градоначалник на општина Бутел Петре Латиновски од редовите на ВМРО-ДПМНЕ, денеска најавија дека „Босна и Херцеговина“ ќе се реконструира и проширува на потегот од „Христијан Тодоровски Карпош“ до „Кемал Сејфула“ и булеварот „Словенија“ во повеќе фази.

-Оваа сообраќајница ќе се прошири во должина од 1200 метри, каде ќе се добие модерно сообраќајно решение со 4 сообраќајни ленти. Истата ќе се реализира фазно, во зависност од решавањето на имотно-правните односи, истакна Трајановски.

Доколку ја добијат подршката од граѓаните, најавија дека ќе го реализираат и продолжувањето на улицата „Христијан Тодоровски Карпош“ од улицата „Босна и Херцеговина“ до заобиколницата.

По изработката на техничката документација ќе се пристапи на реализација на овој проект, кој ќе се реализира во зависност од расчистувањето на имотно-правните односи кои се на неговата трасата. Трасата на која ќе се пробие новиот дел од булеварот „Христијан Тодоровски Карпош“ е во должина од околу 1.750 метри.

- Пробивање на булеварот „Христијан Тодоровски Карпош“ е од големо значење за Градот Скопје и општина Бутел, бидејќи тука гравитираат и општините Чаир и Гази Баба и со неговата реализација ќе се овозможи алтернативен влез на општина Бутел до Градот Скопје, бидејќи сега улицата „Бутелска” е единствениот влез и излез кон градот и таа е сообраќајно оптеретена, пред се во сообраќајниот шпиц, изјави Трајановски.

Кандидатот за градоначалник на Бутел Латиновски, истакна дека овие два проекти се едни од приоритетните за неговиот нареден мандат.

http://www.kurir.mk/republika/skopje...ref_map=%5B%5D

[Skopje/Скопје]

Ќе се гради нова улица покрај кејот на Вардар

Со изградбата на новата улица ќе се овозможи полесен пристап до објектите што се градат покрај кејот на Вардар, а ќе се добијат и 120 нови паркинг-места. Бенефит од изградбата на улицата со паркиралиште ќе имаат не само корисниците на објектите, туку и сите граѓани во општината, а најмногу жителите на населбата Јане Санданскии, изјави градоначалникот на Општина Аеродром, Ивица Коневски.

Станува збор за изградба на нова сервисна улица со паркиралиште, која ќе се гради на потегот од спортскиот центар Јане Сандански" до булеварот Србија" и ќе биде паралелна на булеварот АСНОМ".

Новата улицата, која ќе биде целосно осветлена, е со вкупна површина од над 12.000 квадратни метри и должина од 940 метри и ќе има нови паркинг-места за 120 возила.

Според проектот, градежните активности, исто така, опфаќаат изградба на тротоари со комплетна комунална инфраструктура, атмосферска и фекална канализација, водовод, и асфалтирање на улицата.

Се очекува изградбата на улицата да се реализира во текот на оваа и наредната година, односно по завршувањето на тендерската постапка која е во завршна фаза.

http://vecer.mk/?ItemID=9A16AC901A22...101A6E2773A7EF

[Skopje/Скопје]

Зимата ги пролонгираше работите на булеварот Илинден

Поставувањето на финален асфалтен слој на коловозот е последниот градежен зафат што треба да се реализира пред пуштањето во употреба на третата фаза од проширувањето и реконструкцијата на булеварот Илинден, на потегот од бензинската пумпа Макпетрол до улицата Љубљанска. Градските власти напоменуваат дека завршувањето на проектот било одолжено поради неможноста да се изведат потребните градежни активности во текот на зимските месеци. „Работите на проширувањето на булеварот Илинден се минимално пролонгирани затоа што во периодот од 15 ноември до 15 март е сезона на зимско одржување на улиците и не се изведуваат големи асфалтни зафати, а освен тоа во овој период беа затворени сите асфалтни бази за производство на асфалтна маса“, велат од Одделението за односи со јавност на Град Скопје.



Оттаму најавуваат дека во најскоро време ќе заврши зафатот за проширување и реконструкција на трасата во должина од 1.100 метри. Реализацијата на третата фаза од проширувањето на булеварот Илинден започна на крајот од јули минатата година и требаше да заврши во рок од 90 работни дена. Со проектот е предвидено сообраќајницата да добие четири коловозни ленти широки по 3,5 метри, средишен зелен појас, нови тротоари со ширина од 2,5 метри од двете страни на булеварот и енергетски ефикасно улично осветлување. Изведувач на градежните работи е компанијата „Гранит“ од Скопје, а вредноста на проектот изнесува 64 милиони денари.

http://www.build.mk/?p=24021

[Skopje/Скопје]

Се асфалтира кружниот тек на улицата „Лазо Трповски" (Топанско Поле)

[Skopje/Скопје]

Кружниот тек на улицата „Лазо Трповски" (Топанско Поле), фотографии од денес

[IMG]image hosted on flickr
DSC00233 by george k. 1981, on Flickr[/IMG]

[IMG]image hosted on flickr
DSC00234 by george k. 1981, on Flickr[/IMG]

[IMG]image hosted on flickr
DSC00235 by george k. 1981, on Flickr[/IMG]

[IMG]image hosted on flickr
DSC00236 by george k. 1981, on Flickr[/IMG]

[Skopje/Скопје]

[IMG]image hosted on flickr
DSC00237 by george k. 1981, on Flickr[/IMG]

[IMG]image hosted on flickr
DSC00238 by george k. 1981, on Flickr[/IMG]

[IMG]image hosted on flickr
DSC00239 by george k. 1981, on Flickr[/IMG]

[IMG]image hosted on flickr
DSC00240 by george k. 1981, on Flickr[/IMG]

[Skopje/Скопје]

Улицата „Тоше Проески“ ќе се продолжи кон населбата Јане Сандански

За најмногу една година жителите на општина Аеродром ќе добијат ново катче за прошетка, одмор и рекреација. Локалната самоуправа потпиша договор за обнова и доизградба на пешачката улица „Тоше Проески“. Улицата наскоро ќе се продолжи кон населбата Јане Сандански и истата ќе се состои од два крака, првиот со должина од 552 метри, додека вториот со должина од 252 метри. Патеката ќе биде со ширина од седум метри и планирано да се поплочи со гранични плочки, да се постави јавно осветлување и урбана опрема. За изведувач на градежните работи е избран „Транс Мет“ од Скопје, а Општината за остварување на проектот ќе потроши 41.157.010 денари или околу 670 илјади евра.



Изведувачот е должен да ја изгради пешачката патека најдоцна до април 2014 година, додека локалните власти претходно напоменаа дека зафатот би требало да се заврши во период од неколку месеци. Пред три години на дотогаш виканата „детска улица“ во населбата Ново Лисиче беше изградена меморијалната фонтана во чест на Тоше Проески. Како автор на целокупниот проект во спомен на познатиот македонски музичар фигурира архитектот Филип Богатинов.

http://www.build.mk/?p=24769

[Skopje/Скопје]

Кружниот тек на улицата „Лазо Трповски" (Топанско Поле)

[Skopje/Скопје]

Отворена за сообраќај проширената делница на булеварот Борис Трајковски до „Стакларница“



Премиерот Никола Груевски и градоначалникот на Скопје Коце Трајановски, денеска официјално ја отворија за сообраќај проширената и реконструирана делница на булеварот Борис Трајковски (поранешната улица Првомајска) на потегот од крстосницата со булеварот Србија до влезот во поранешната фабрика „Стакларница“, во должина од 1.126 метри. Со зафатот сообраќајницата наместо досегашните две доби вкупно четири коловозни ленти широки по 3,5 метри, асфалтирани со полимеризиран асфалт-бетон на површина од околу 16.000 метри квадратни. Од едната страна на коловозот е изведен тротоар со ширина од 2 метри, а од другата тротоар со велосипедска патека со вкупна ширина од 4 метри.









Проширувањето беше искористено за да се постави атмосферска канализација по целата должина на делницата, со променлив профил од Ф 500 до Ф 800 милиметри, а исто така беше реконструиран и проширен постојниот армирано бетонски мост над Усјанскиот канал. Од двете страни на коловозот се поставени 64 столбови за улично осветлување.

Градежните активности започнаа во март минатата година, при што се работеше и на сегментот помеѓу „Рампа“ и крстосницата со улицата Народни херои во должина од 1.380 метри. Првично беше најавено дека целиот зафат ќе биде завршен за 9 месеци. Проектот го реализираа градежните компании „Алпине Бау“ и „Жикол“ и во него Градот Скопје вложи околу 4 милиони евра, пари обезбедени од градскиот буџет и од кредит преку Европската банка за обнова и развој.

http://www.build.mk/?p=24924

[Skopje/Скопје]

Нов кружен тек на ул. Лазо Трпковски / new roundabout on Lazo Trpkovski street

[Skopje/Скопје]

[Skopje/Скопје]

пред и потоа / before and after

[Skopje/Скопје]

Менување на асфалт на бул. Илинден / changing the asphalt layer on Ilinden blvd.