Sport | Спорт

[new wave]

[new wave]

[new wave]

[new wave]

[new wave]

[new wave]

[new wave]

[new wave]

[new wave]

[new wave]

[new wave]

[N23SK]

Не е баш за пофалба после она што го кажа у петокот, ама сепак доаѓа од Македонија и е прв кој ја освоил Евролигата.


Перо Антиќ е шампион на Европа!
13 мај 2012 22:22

Капитенот на македонската кошаркарска репрезентација, Перо Антиќ, дојде до шампионската титула во кошаркарската Евролига откако неговиот Олимпијакос речиси магично успеа да ја совлада руска ЦСКА (62-61) во големото финале на завршницата што се одржа викендов во Истанбул.

Тимот на Антиќ дојде до пехарот со феноменална игра во последната четвртина и со победнички кош на само 0,7 секунди пред крајот.

Иако на овој меч имаше релативно епизодна улога со 18 минути поминати на теренот, од кои ниту една во клучните моменти за триумфот на Олимпијакос и седум постигнати поени (0/3 за 3п, 2/3 за 2п, 3/4 за 1п), Антиќ сепак успеа да се запише во историјата на македонската кошарка како прв играч што дошол до европски трофеј со настап во големото финале. Претходно две титули освои Петар Наумоски со сплитска Југопластика, но тој воопшто не стапна на теренот во двете финални средби.

За Олимпијакос ова е втор триумф во Евролигата по 1997 година, кога исто така од клупата беше предводен од феноменалниот српски стратег Душан Ивковиќ. Кошаркарите на ЦСКА долго ќе жалат за пропуштената шанса да дојдат до седмиот трофеј откако пропуштија предност од најмногу 17 поени. Во 28. минута Русите имаа плус 16, но потоа следуваше неверојатна серија од 11-0 на грчките кошаркари, по што се влезе во неизвесна завршница, во која црвено-белите од Атина подобро се снајдоа.

Костас Папаниколау со 18 поени беше најефикасен кај Олимпијакос, Василис Спанулис постигна 15 поени додека Принтезис, херојот што го постигна победничкиот кош застана на 12 поени. Милош Теодосиќ со 15 поени беше најефикасен кај ЦСКА, каде што клучни за неуспехот беа двете промашени слободни фрлања на Рамунас Шишкаусас на десетина секунди пред крајот.

Третото место и бронзениот медал им припаднаа на кошаркарите на Барселона, кои во малото финале беа подобри од Панатинаикос (74-69). За најкорисен, МВП-играч на турнирот беше избран предводникот на новиот европски шампион, Спанулис.

извор: http://www.mkd.mk/31382/sport/pero-a...ion-na-evropa/

[new wave]

Двајцата вљубени тајно се венчаа во Скопје
12.06.2012 - 13:54 | Фудбал
Дарко Тасевски заедно со својата сакана Ромина Андонова ќе прават две свадби, една во Бугарија и една во Македонија.Ромина и фудбалерот имаат склучено само граѓански брак во друштво на своите најблиски луѓе.


За свои кумови ги избрале фудбалерот на Левски Владо Гаџев и неговата сопруга Лили

Покрај нив на неочекуваната свадба биле присутни родителите на младоженците и најблиските пријатели и роднини.

Идната мајка изјави дека е исклучително среќна што веќе е законска сопруга на Дарко, но не се откажала од големата свадба и црковен брак.

Тоа ќе се случи, откако ќе се роди ќерката.

Бебето се очекува во август.И покрај поодминатата бременост на Ромина Андонова, возбудени и среќни венчаните, сепак одлучија да имаат мал меден месец во Грција во друштво на своите кумови.

[new wave]

И Македонија во конкуренција за организацијата на ЕП за ракометарки
06.06.2012 - 11:04 | Ракомет
Европската ракометна федерација (ЕХФ) официјално објави дека Холандија се откажа од организацијата на првенството на Европа за ракометарки, а кандидати за организација на шампионатот кој треба да се одржи од 4 до 16 декември годинава се дури 10 земји.


Шведска, Данска и Норвешка се три од заинтересираните земји.

- Едно од решенијата би можело да биде организацијата да им се додели на Норвешка и Данска, вели Лена Рунстромер од Ракометниот сојуз на Шведска.

Шведски медиуми јавуваат дека останатите заинтересирани земји се Хрватска, Македонија, Исланд, Полска, Русија, Србија и Словачка.

Одлуката за тоа која земја или кои земји ќе ја добијат организацијата на ЕП за ракометарки се очекува да биде донесена во наредните две недели.

[TrueBulgarian]

Originally Posted by new wave

Двајцата вљубени тајно се венчаа во Скопје
12.06.2012 - 13:54 | Фудбал
Дарко Тасевски заедно со својата сакана Ромина Андонова ќе прават две свадби, една во Бугарија и една во Македонија.Ромина и фудбалерот имаат склучено само граѓански брак во друштво на своите најблиски луѓе.

Честито, живи и здрави да са, велик футболист

[new wave]

Македонија е на Светското првенство во Шпанија!
16.06.2012 - 23:22 | Ракомет
Ниту најавите за пеколна атмосфера во Виена, ниту провокаторските способности на голманот Бауер, ниту оптимизмот дека можат да го елиминираат нашиот национален тим, ниту пак очигледната наклонетост на судиите, не им помогнаа на Австријците да стигнат до Светското првенство 2013.


Напротив, очигледниот наш квалитет подржан и од македонските навивачи дефинитивно пресуди кој следната година ќе биде присутен во Шпанија, и покрај поразот од 30-27 вечерва во „Алберт Шулц хале“ во Виена, кој за нас беше доволен за пласман на СП по претходниот триумф од 26-21 во Скопје.

Во првото полувреме од самиот почеток се играше гол за гол без позабележителна предност на двете страни.

Австријците се обидоа да наметнат некоја своја игра под тензија, но наспроти максималната смиреност на нашата страна апсолутно ништо не им успеа.

Во 10. минута по двата гола на капитенот Лазаров ние имавме предност од 4-3, па иако потоа домашните со агресивна игра имаа во 16. минута и водство од 9-6, сепак до крајот на првиот дел квалитетот, кој апсолутно е на наша страна, дојде до израз за наша предност по првите 30 минути од 14-13.

Но, во второто полувреме веднаш ја презедовме играта во свои раце. Преку нашите лидери Кирил Лазаров и Наумче Мојсовски, како и расположениот Борко Ристовски на голот, веќе во 39. минута имавме предност и од 16-19 која потоа рутински ја одржувавме се до десеттина минути пред крајот.

Кога веќе беше очигледно кој ќе биде вкупниот победник од бараж пресметката последните осум минути следеше мало опуштање во нашата игра дозволувајќи домашните да го преземат водство и на крајот да стигнат до за нив недоволна победа од 30-27.

Најефикасен во нашите редови беше Кирил Лазаров со девет гола, додека Наумче Мојсовски забележа седум погодоци.

Четири гола на крајот зад своето име запиша искусниот Стевче Алушовски, три постигна Филип Миркуловски, додека два имаше Ванчо Димовски. По еден постигнаа Стоилов и Манасков. На голот Борко Ристовски заврши со 12 успешни одбрани.

Македонија по трет пат во својата историја, по Египет и Хрватска, обезбедува пласман на најголемата ракометна манифестација во светот, овој пат од 13. до 27. јануари следната година во Шпанија.

[new wave]

Рожман и Ефремов учесници на Олимписките игри во Лондон
15.06.2012 - 14:18 | Спорт плус
Ивана Рожман и Кристијан Ефремов се двајцата атлетичари кои Атлетската федерација на Македонија ги предложи до Македонскиот Олимписки комитет како учесници на Летните Олимписки Игри во Лондон.


По писмото добиено од ИААФ каде национални федерации кои немаат атлетичари-ки со обезбедена норма, имаат право да пријават без норма по еден претставник во двете конкуренции.

Извршниот одбор на АФМ до МОК ги пријави Ивана Рожман и Кристијан Ефремов, кои според ИААФ табелите имаат најдобри резултати.

Ивана Рожман ќе се натпреварува во дисциплината 100 метри, нејзиниот личен рекоред во оваа трка е 12 секунди и 1 стотинка, додека оваа година има истрчано најдобро време 12.42 секунди.

Кристијан Ефремов ќе трка на 400 метри, а најдобриот резултат е воедно и личен рекорд истрчан на 9.јуни во Софија 48 секунди и 26 стотинки.

Рожман и Ефремов ќе учествуваат и на Европското првенство во атлетика што од 27.јуни до 1.јули ќе се одржи во Хелсинки, Финска.

Македонија досега има четири пртставници на ЛОИ во Лондон, покрај атлетичарите „вајлд карти“ добија и пливачите Симона Маринова и Марко Блажевски.

Секако останува да го очекуваме и резултатот на нашата кошаркарска репрезентација, која од 2 до 8.јули ќе учествува на Олимписките квалификации во Каракас, Венецуела.

[srbija]

wow wow wow AMAZING NEWS FROM MACEDONIA :-)

27 јуни 2012 - 01:49 PM
Турција ќе го помага развојот на хокејот во Македонија
Првите луѓе на Хокеарските федерации на Македонија и Турција, Никола Тасев и Орхан Думан, во средата, во просториите на Агенцијата за млади и спорт, потпишаа Меморандум за соработка.

Договорот предвидува МХФ да добива неколку нивоа на помош меѓу кои обука и посета на кампови на млади македонски хокеари, присуство на судии тренери и други официјални лица од Македонија на натпревари и семинири организирани од Турската хокеарска федерација, помош во опрема и реквизити, како и помош за изградба арена за хокеј на мраз и арена за „ин лајн хокеј“ (хокеј на ролерки).

Според првичните планови арените ќе се градат во Општина Кисела Вода. Директорот на Агенцијата за млади и спорт Лазар Поповски очекува во денешните тешки услови за развојот на било кој спорт поради финансиската криза, поддршката од Турција да допринесе хокејот на мраз да се врати на старите патеки од пред триесетина години кога хокејот се играше во нашата држава и беше дел од нашата традиција.

„Ова е историски момент за македонскиот спорт, а посебно во развојот на зимските спортови. Да се биде дел од семејството на спортот хокеј на мраз е значајна работа, бидејќи хокејот е пред се спорт на големите спортски нации. Аспирациите на Турција и Македонија не се само да бидат дел од овој спорт, туку да претставуваат и значеан фактор во хокејот на мраз, ќе се остварат преку еден концепт кој многу го има во развојот на било кој спорт. Овој концепт предвидува тип на соработка кој ги опфаќа вистинските спортски вредности, а тоа се вредностите на почитувањето, вистинска доверба и пријателство, како и вистински стремеж за спортски успех“, изјави Поповски.

За вложувањата на Турција во овој спорт говорат и фактите дека во последниве неколку години имаат постигнато видни резултати. Следната година Турците ќе учествуваат на три Светски првенства, а во нивната земја има околу 7.000 регистрирани хокари, од кои половината се од младинските категории.

Македонија и Турција, во четврток, во Скопје ќе учествуваат на годишниот митинг на Балканската хокеј федерација во која освен овие две држави членуваат уште седум земји. крај/со/нц

[new wave]

Одличен распоред за Македонските ракометари на престојното СП
20.07.2012 - 18:03 | Ракомет
Ден по извлекувањето на групите за престојното Светско ракометно првенство во Шпанија (12 до 27 јануари 2013) во Шпанија, познат е и распоредот на натпревари на нашата репрезентација.


Македонсите ракометари, доби неверојатно добар распоред на натпревари во рамките од групата „Б“ чиј домаќин ќе биде градот Севиља.

Избраниците на селекторот Звонко Шундовски походот кон осминафиналето за кој се потребни најмалку две победи ќе го започнат протиовжв аутсајдерите Чиле и Катар со средбите на 12 и 14 јануари.

На 15 јануари следи пресметка со Русите, а еден ден подоцна (16 јануари) дуелот со Исланд.

Во последното пето коло Македонија на 19 јануари ќе игра против селекцијата на актуелниот европски првак Данска.

Пласман во осминафиналната рунда во Барселона, обезбедуваат првопласираните четири селекции од секоја група.

Љубителите на спортот во македонија и овојпат ќе имаат можност ЕДИНСТВЕНО НА СИТЕЛ ТВ да ги следат настапите на нашите ракометари на Мундијалот во Шпанија, за кој Сител ТВ ги откупи ексклузивните права.

[new wave]

За капитенот Лазаров групата е доста силна
19.07.2012 - 17:37 | Ракомет
Со оглед на рејтингот што го имаме мислам дека добивме силни противници во групната фаза на СП во Шпанија кое ќе се одржи од 11-27 јануари идната година, нашиша на својата официјална интернет-страница капитенот на ракометната репрезентација на Македонија, Кире Лазаров.


Македонија се најде во групата Б, каде ќе игра со актуелниот европски првак Данска, потоа Исланд, Катар, Русија и Чиле.

Македонските ракометари добија три силни европски противници, кои не се непобедливи. Данска секако е фаворит за освојување на првото место во групата, но оваа репрезентација ни е должник од Европското првенство во Србија, па затоа нашите ракометари сигурно ќе бидат екстра мотивирани за одмазда.

Со Русија игравме на Светското првенство во 2009 во Хрватска и победивме, а со Исланд исто така имаме долга историја, која е доста негативна, освен нашата победа во баражот за пласман на Мундијалот пред три години.

Катар и Чиле се аутсајдери во групата, но секако не смеат да се потценат. .

-Позитивна страна на ждрепката е тоа што со репрезентации како Русија и Исланд имаме одиграно добри натпревари и имаме позитивни искуства. Токму тоа ни дава за право да не ги респректираме премногу како велесили. Што да се каже? Најважно од се ќе биде нашиот пристап, условите и организираноста на нашата репрезентација за време на подготвителниот период. Од нас се зависи, заклучува Лазаров.

Македонија своите натпревари ќе ги игра во Севилја, а првата фаза ќе се игра од 11 до 19 јануари. Нашата група Б во осминафиналната фаза вкрстува со репрезентациите од Групата А, Франција, Германија, Аргентина, Тунис, Црна Гора и Бразил.