Plani Urbanistik i Tiranës | Tirana Urban Plan

[L1nk1g]

Nisin konsultimet për Planin Urbanistik, në Njësinë Bashkiake numër 8

Basha: Jo më diskriminim banorëve të Tiranës, trajtim i barazvlefshëm i pronës së qytetarëve kudo ku jetojnë.

Kanë nisur me Njësinë Bashkiake numër 8, konsultimet për Planin Urbanistik të Tiranës. Për rreth tre orë, drejtues të Bashkisë së Tiranës dhe ekspertët që janë marrë me hartimin e Planit Urbanistik i janë përgjigjur interesit të qytetarëve për projektin e zhvillimit të zonës së tyre e cila siç u shprehën vetë banorët, ka qenë e diskriminuar për vite me rradhë. Studimi urbanistik sjell një vlerësim të barabartë të pronës private, si në rastet kur ndërtohet pallat, ashtu edhe kur është e destinuar për lulishte apo për rrugë, sikundër ka një rritje deri në 6-fishim të koeficientit të shfrytëzimit të pronës, në krahasim me parashikimet e planit zvicerian.

“Ne kemi mbrojtur dhe vazhdojmë të mbrojmë monumentet e kulturës, shenjat e trashëgimisë historike të qytetit tonë, por nuk do të lejojmë kurrë, që për asnjë motiv klientelist, parapolitik apo politik, të paragjykohet asnjë lagje e këtij qyteti, e vjetër si kjo apo të reja si ato që shtrihen në periferinë e kësaj njësie vendore apo njësive të tjera. Ne do i japim me këtë plan urbanistik çdo qytetari të Tiranës, mundësinë për të zhvilluar pronën e tij apo të saj, në parametrat më optimalë të mundshëm. Ky është një nga ndryshimet kryesore, në rezultatet që ne ju paraqesim sot, të Planit Urbanistik të Tiranës, mundësia për të zhvilluar pronën në mënyrë të barazvlefshme, jo arbitrare, jo që dikujt t’i mundësohet një zhvillim dhjetëra katësh dhe dikujt tjetër ngjitur me të, mos t’i mundësohet asgjë. Formulat e zhvillimit të pronës si dhe paraqitja transparente e tyre para jush dhe jo në dhoma të errëta, nënshtrimi i gjykimit tuaj, duke filluar nga sot e në ditët në vazhdim nëpërmjet mbledhjeve të tilla e mekanizmave të tjerë të konsultimit, do të bëjnë të mundur pikërisht që ky rezultat paraprak i planit, të kthehet në një rezultat përfundimtar, ligjërisht të vlefshëm dhe të detyrueshëm për t’u ekzekutuar dhe të parashikueshëm për të gjithë ata që duan ta zhvillojnë pronën e tyre” - u shpreh Kryebashkiaku Basha.

Në planin e prezantuar para banorëve të Njësisë Bashkiake numër 8, nga drejtuesi i grupit teknik të Planit Urbanistik është hequr koncepti i zonës historike, për shkak se u konsiderua një lloj penalizimi për zonën dhe në ruajtje do të jenë vetëm ato objekte të cilat ligjërisht janë shpallur si të tilla. Plani zvicerian në zona autoktone, kishte parashikuar në pjesën dërrmuese ndërtime me dy kate, ndërkohë që në planin e prezantuar sot, intensiteti i ndërtimit përcaktohet të jetë arrin në 3.81 deri ne 3.18 çka do të thotë 6,7 deri në 8 kate.

“Në qoftë se deri dje, madje dhe në planin zvicerian funksiononte llogjika se ky shesh është 8 katesh, ky ngjitur dy katësh dhe sheshi më pas lulishte, në formulën e planit tonë, ky element është shuar. Intensiteti është i njëjtë për të gjithë bllokun e banimit, për të gjithë sheshet e ndërtimit, pra s’ka dikush 5 e dikush dy. E dyta. Kur do të hartohet plani pjesor i cili do të jetë për gjithë bllokun dhe jo si ka ndodhur vetëm një pjesë, se për kaq kam kontratë unë, ai do të ketë detyrimin të dalë me formulën e menaxhimit. Një shesh mund të ketë pallat dhe një tjetër lulishte por pronari i lulishtes do të jetë brenda dakortësisë për tu kompensuar tek pallati ngjitur. Ky është rregulli i vendosur në këtë plan urbanistik” - u shpreh zoti Kuçi.

Në Njësinë Bashkiake numër 8 është parashikuar dhe një zonë mikse, zona industriale, ku do të ketë dhe industri të lehtë, industri ushqimore, tregti, magazinim, zyra, biznese dhe institucione. I vetmi kusht është që industritë që do të operojnë aty, të mos jenë ndotëse.

Më poshtë, fjala e plotë e Kryetarit të Bashkisë z. Lulzim Basha, në çeljen e konsultimeve për Planin Urbanistik të kryeqytetit, në Njësinë Bashkiake nr.8:

“Të dashur banorë të njësisë vendore nr. 8, z. Kryetar, të nderuar pjesëmarrës!

Para një viti, nga kjo njësi vendore unë nisa fushatën, jo si kryetar por si kandidat për kryetar bashkie dhe në fakt një nga takimet e para, ka qenë pasditen e ditës sime të parë të fushatës, jo shumë larg sallës ku ndodhemi sot, një nga rrugët e vjetra të kësaj zone të vjetër të qytetit të Tiranës. Ishte në një oborr të një shtëpie të vjetër, të një familjeje të vjetër tiranase. Një nga çështjet kryesore që diskutuam atë pasdite, ishte çështja e zhvillimit të pronës, shanset e pabarabarta për të zhvilluar pronën, veçanërisht në këtë pjesë të qytetit. Kjo zonë, e cila për nga vlerat që mbart, mund të krahasohet fare mirë me një institucion kulture qytetare, nuk është dhe nuk mund të jetë kurrë një lagje e vdekur apo një lagje muze, nocion ky i prezantuar padrejtësisht dhe pa asnjë konsultim në përvijimet e mëparshme të Planit Urbanistik të Tiranës. U premtova atëherë dhe vij sot para jush me një premtim të mbajtur, me një shans të barazvlefshëm për zhvillimin e pronës, për çdo qytetar të Tiranës , duke nisur pikë së pari nga lagjet e vjetra të Tiranës dhe banorët e vjetër të saj.

Plani që sot do të paraqitet para jush mishëron pikërisht këtë. Ne kemi mbrojtur dhe vazhdojmë të mbrojmë monumentet e kulturës, shenjat e trashëgimisë historike të qytetit tonë, por nuk do të lejojmë kurrë, që për asnjë motiv klientelist, parapolitik apo politik, të paragjykohet asnjë lagje e këtij qyteti, e vjetër si kjo apo të reja si ato që shtrihen në periferinë e kësaj njësie vendore apo njësive të tjera. Ne do i japim me këtë plan urbanistik çdo qytetari të Tiranës, mundësinë për të zhvilluar pronën e tij apo të saj, në parametrat më optimalë të mundshëm. Ky është një nga ndryshimet kryesore, në rezultatet që ne ju paraqesim sot, të Planit Urbanistik të Tiranës, mundësia për të zhvilluar pronën në mënyrë të barazvlefshme, jo arbitrare, jo që dikujt t’i mundësohet një zhvillim dhjetëra katësh dhe dikujt tjetër ngjitur me të, mos t’i mundësohet asgjë. Formulat e zhvillimit të pronës si dhe paraqitja transparente e tyre para jush dhe jo në dhoma të errëta, nënshtrimi i gjykimit tuaj, duke filluar nga sot e në ditët në vazhdim nëpërmjet mbledhjeve të tilla e mekanizmave të tjerë të konsultimit, do të bëjnë të mundur pikërisht që ky rezultat paraprak i planit, të kthehet në një rezultat përfundimtar, ligjërisht të vlefshëm dhe të detyrueshëm për t’u ekzekutuar dhe të parashikueshëm për të gjithë ata që duan ta zhvillojnë pronën e tyre.

Ky nuk ka qenë proces i lehtë. Siç e dini shumë mirë ju, banorë të kësaj lagjeje, zhvillimi pa plan për një kohë të gjatë, ka bërë të mundur që hapësira të tëra të zaptohen dhe arterie të tëra infrastrukture të cungohen. Qëllimi i planit është jo vetëm të ngrijë situatën aktuale por ta zmbrapsë atë, duke bërë të mundur që me zhvillimin e pronës private, të lirohen sa më shumë hapësira, për qëllime publike, për shkolla të reja, për kënde të reja për fëmijë dhe të moshuar dhe për rrugë me parametra normal, rrugë me parametra modernë, trotuarë, ndriçim, me gjelbërim. Nuk ka qenë e lehtë, pasi në qytetin tonë, përvijimet e Unazave të ndryshme kanë ekzistuar në letër dhe në gojëdhënat e qytetarëve, ndërsa duke filluar që nga ky moment, siç keni vënë re në Unazën e Madhe, ne fillojmë të ndërtojmë të gjithë rrjetin unazor dhe të arterieve kryesore të qytetit. Plani i ri Urbanistik ka parashikuar edhe këto elementë.

Më e rëndësishme mbi të gjitha, për mua personalisht në këtë proces, është që plani në fund të fundit, të mbartë vulën tuaj, ndaj edhe jam ulur sot sëbashku me drejtuesit e lartë të Bashkisë së Tiranës, bashkë me ju, që të ndiej pulsin e këtij konsultimi, si një konsultim të vërtetë dhe domethënës, dhe jo një formalitet. Bashkë me ju, duke vlerësuar punën e madhe të ekspertëve, të cilët gjej rastin t’i falenderoj edhe në emrin tuaj dhe shumë të tjerë që nuk ndodhen sot në sallë, ne do të vendosim përfundimisht binarët në të cilët do të ecë qyteti ynë, jo vetëm për ne që jemi mbledhur sot në këtë sallë por edhe për këta fëmijë të vegjël, dhe për fëmijët e fëmijëve të tyre. Kjo mund të bëhet vetëm me një planifikim afatgjatë, ku prona respektohet dhe zhvillimi trajtohet në mënyrë të barazvlefshme.

Sapo të dalim nga kjo sallë, do të dëgjojmë shumë anatemime. Kryesori prej tyre mund të jetë “po shkatërrojmë qytetin”, “po prishim lagjen muze”. Të gjithë e dimë që lagjja muze ishte një koncept i gabuar, një koncept i lidhur me një realitet që s’ekziston prej kohësh. Unë kam lindur dhe jam rritur në këtë lagje dhe e di fare mirë, ashtu si ju, se ç’përfaqëson ajo realisht në kujtesën tonë, atmosferën e veçantë, kulturën dhe edukatën e veçantë që gëlonte në familjet dhe rrugët e kësaj lagjeje. Por të gjithë e dimë se banorët e kësaj lagjeje pothuajse janë dyfishuar në këto 20 vite, se nuk ka një shtëpi të vetme që të mos ketë të paktën dy kurora e më shumë se sa para 20 vitesh dhe se për shkak të paaftësisë e pamundësisë për ta zhvilluar ashtu siç duhet, të gjithë jemi detyruar të bëjmë urbanistin, arkitektin dhe t’ i shtyjmë muret e shtëpive tona, për të bërë një dhomë më shumë apo një sallon më shumë, për të akomoduar shtimet natyrale të familjeve tona. Në këtë proces, për fat të keq ka humbur prej kohësh karakteri fillestar i lagjes. Procesi është rënduar më shumë nga ndërtime prej të cilave kanë përfituar vetëm një grusht banorësh të kësaj zone ndaj duke respektuar të gjithë normat dhe parimet e legjislacionit shqiptar për mbrojtjen e trashëgimisë kulturore, jemi të vendosur të mos e ndërshkojmë më këtë lagje dhe t’u japim pronarëve të saj, banorëve autoktonë apo të sapoardhur, të njëjtat të drejta që u janë dhënë banorëve të tjerë të Tiranës, sa i përket zhvillimit të pronës së tyre.

Këto janë parimet dhe objektivat kryesore që unë personalisht i kam dhënë stafit, sa i përket kësaj pjese të qytetit dhe tani do kemi rastin të dëgjojmë hollësisht shpjegimet e tyre. Shpresojmë dhe urojmë një pjesëmarrje sa më aktive dhe të gjallë dhe konkrete nga ana juaj, bashkëqytetarët e mi të dashur!

Bashkia Tiranë

[rene1234]

[rene1234]

[ROADFAN]

http://tirana.e-pjesemarrje.gov.al/

[Mr_Albalover]

Plani Urbanistik konsultohet me banorë të Njësisë Bashkiake nr. 4

Basha: Plani Urbanistik garanton cilësinë e jetës në kryeqytet

Njësia Bashkiake nr.4 ka qenë ndalesa e rradhës e konsultimeve për Planin e Përgjithshëm Rregullues të Tiranës. Kryetari i Bashkisë së Tiranës Lulzim Basha tha se plani do të shënojë një transformim rrënjësor për Tiranën në përgjithësi dhe Njësinë Bashkiake nr. 4 në veçanti.

“Urbanistët dhe arkitektët, ekipi i ekspertëve vjen sot me propozime rinovuese për të gjithë morfologjinë e kësaj zone, që nga investimi i madh strategjik i rehabilitimit të lumit të Tiranës dhe ndërtimit të Unazës në dy drejtimet e saj, që nuk do të jetë thjesht një rehabilitim lumi dhe një Unazë, por do të jetë një mundësi më shumë për të krijuar të paktën 3 momente, parqesh çlodhëse dhe rekreative në territorin e kësaj njësie bashkiake. Shkolla e Bashkuar, që për të gjithë ne është një territor i rrethuar ushtarak, ky plan e parashikon si një zonë mikse universitare dhe rekreative për banorët e kësaj zone, me funksione qendre. Po keshtu kemi dhe zona te tjera, duke përfshirë këtu zonën e Rrapit Trish, ku studimi parashikon ambiente rekreative, sportive dhe universitare si dhe zona të tjera me funksione mikse, ekonomike, sociale, tregtare” – u shpreh z. Basha.

Në njësinë Bashkiake nr. 4 parashikohet ndërtimi i 11 çerdheve, 5 kopshteve, 2 shkollave 9-vjeçare dhe një shkolle të mesme. Risi për këtë plan është krjimi i unazës së katërt, e cila vijon nga kryqëzimi me rrugën “5 maji” deri në rrugën “Niko Avrami”, për të zbritur poshtë në rrugën “Imer Ndre Gjoni” dhe për t’u lidhur me rrugën “Xhanfize Keko”. Gjithashtu, një element i rëndësishëm është edhe zgjatimi i rrugës “Karaman Ylli” , e cila është futur që tashmë në planet e Bashkisë së Tiranës për vitin 2012. Një tjetër faktor shumë i rëndësishëm për të lehtësuar qarkullimin dhe për të ofruar gjithë mundësitë që u prezantuan më parë për zhvillimin është edhe krijimi i rrugëve radiale, të cilat mendohen të zgjerohen, duke arritur deri në 15 metra gjerësi të trupit të rrugës. Ajo që vlen për t’u theksuar është që linja e tramvajit e cila do të kalojë përgjatë rrugës së ”Dibrës”, deri në stacionin e fundit të linjës së Kombinatit.

Intensiteti ndërtimor është një koncept relativisht i ri, që është futur në planin urbanistik. Drejtuesi i grupit të punës për hartimin e planit urbanistik z. Flamur Kuçi ka sqaruar përllogaritjen e intensitetit:

“Në qoftë se intensiteti i një zone është 3, në një shesh 1000 m2, do të thotë që në këtë shesh mund të ndërtohen 3000 m2. Këto 3000 m2 mund të ndërtohen një 6 katësh me 500 m2, pra me 50 % shfrytzueshmëri, ose edhe një 8 katësh, por duke e shfrytëzuar territorin më pak, në mënyrë që të krijohet mundësia për të patur hapësira publike, për të cilat ka shumë nevoje qyteti. Ne synojmë që ky qytet të mos jetë thjesht, si të thuash subjekt ndërtimi, por të ketë edhe një lloj estetike, të cilën qyteti e ka të nevojshme ta ketë”.

Fjala e plotë e Kryebashkiakut Lulzim Basha në konsultimin, për Planin Urbanistik, në njësinë bashkiake nr.4:

“Është kënaqësi që ndodhem sot para jush, sëbashku me ekipin e ekspertëve, për të kryer jo thjesht një detyrim ligjor por një domosdoshmëri në raport me miratimin e planit, dëgjimin e zërit tuaj dhe marrjen parasysh të kërkesave, komenteve e sugjerimeve tuaja, para se këtë instrument të rëndësishëm ligjor, të planifikimit urban të qytetit tonë, ta çojmë për vendimarrjen finale para Këshillit Bashkiak dhe më pas Këshillit Kombëtar të Territorit.

Ky plan para së gjithash është vizioni që ne paraqesim për rrugën që do të ecim, duke filluar që nga miratimi i tij e deri pas disa brezash, një vizion i cili i përkthyer në vepra publike dhe në zhvillim privat bën një transformim rrënjësor të qytetit tonë dhe të cilësisë së jetës në këtë qytet. Ky vizion është ndërtuar mbi një sërë propozimesh transformuese për secilën nga njësitë vendore të qytetit tonë. Ndokush prej jush mund të thotë çfarë transformimi, ku e ka fjalën ky, nuk e shikon ku jetojmë?! E kam fjalën pikërisht për potencialet e kësaj zone dhe prapë skeptikët mund të pyesin, çfarë potencialesh? Potencialet e kësaj zone të qytetit janë të mëdha por ato janë anashkaluar dhe nuk janë parë si të tilla, për shkak të përqëndrimit të padrejtë të vëmendjes së pushtetit vendor dhe si rezultat edhe i investitorëve, në zona të kufizuara të qytetit tonë, aty ku leku mund të nxirrej shpejt dhe me bollëk, në kurriz të një planifikimi dhe zhvillimi afatgjatë dhe të qëndrueshëm. Është ky zhvillim afatgjatë dhe i qëndrueshëm, të cilit ne i rikthehemi me këtë plan dhe pikërisht në këtë zonë është vendi për të përmendur edhe njëherë këto potenciale. Cila është kjo zonë? Kufizohet nga rruga e “Dibrës”, nga rruga “5 Maji”, nga lumi i Tiranës dhe nga Rrapi Trish. Banorët e vjetër njohin zonën e Alliasit, njohin Babrrunë, i njohin si zona me zhvillim të vonë dhe problematik. Urbanistët dhe arkitektët, ekipi i ekspertëve vjen sot me propozime rinovuese për të gjithë morfologjinë e kësaj zone, që nga investimi i madh strategjik i rehabilitimit të lumit të Tiranës dhe ndërtimit të Unazës në dy drejtimet e saj, që nuk do të jetë thjesht një rehabilitim lumi dhe një Unazë, por do të jetë një mundësi më shumë për të krijuar të paktën 3 momente, parqesh çlodhëse dhe rekreative në territorin e kësaj njësie bashkiake. Shkolla e Bashkuar, që për të gjithë ne është një territor i rrethuar ushtarak, ky plan e parashikon si një zonë mikse universitare dhe rekreative për banorët e kësaj zone, me funksione qendre. Po keshtu kemi dhe zona te tjera, duke përfshirë këtu zonën e Rrapit Trish, ku studimi parashikon ambiente rekreative, sportive dhe universitare si dhe zona të tjera me funksione mikse, ekonomike, sociale, tregtare. Plani parashikon një transformim tërësor të kësaj zone, shumëfishimin e hapësirës së blertë për banorët, këndeve të lojrave për fëmijë,kopshteve, çerdheve dhe objekteve të tjera, shkollave 9-vjeçare dhe të mesme, për t’iu përgjigjur nevojave që ky komunitet tashmë i dyfishuar ka për fëmijët e tij, por edhe ndërhyrje të thella në infrastrukturën ekzistuese, ndërhyrje për të cilat nuk kemi pritur, kemi nisur që në këtë vit, me buxhetin e Bashkisë dhe do të vazhdojmë së shpejti edhe me paratë e taksapaguesev evropianë, sepse në këtë zonë është një nga dy projektet pilot të Bashkimit Evropian i cili parashikon rehabilitimin e plotë të nje blloku banimit, blloqe që kanë lindur si rezultat i nevojë së njerëzve për të lëvizur të lirë dhe për të vendosur të lirë se ku do të jetojnë. Ne më anë të këtij projekti do të garantojmë jo thjesht lirinë por edhe standartin e jetesës, duke ndërtuar nga fillimi kanalizimet, ujësjellësin, rrugët, trotuarët, gjelbërimin dhe ndriçimin e po kështu shkollat, kopshtet apo çerdhet sipas nevojës”.
Mare nga: Lulzim Basha - Faqja Zyrtare

[AlbanPOLIMI]

Sistemi rrugor dhe transporti publik:



Një vëmendje e veçantë i është kushtuar rrjetit rrugor dhe transportit. Tirana do të ketë një rrjet prej 5 unazash. Unaza 2 është ajo që dikur quhej Unaza e Mesme, që gjithashtu do të funksionojë me sens unik lëvizjeje, por në drejtimin e kundërt të lëvizjes me Unazën 1. Unaza 3 është praktikisht Unaza ekzistuese e qytetit, por që sugjerohet plotësimi i saj për pjesën jugore të qytetit. Plotësimi i saj në pjesën jugore është tejet i vështirë, në krijimin e një gjurme të plotë, ndaj mund të pranohet një ridimensionim i saj, duke komprometuar një pjesë të fluksit të lëvizjes. Unaza 4 është risi për Tiranën, pasi sot nuk ekziston as si gjurmë në asnjë prej planeve. Duke qenë se distanca nga Unaza 3 deri te Unaza 5 është relativisht e madhe, konsiderohet e rëndësishme që të vendoset Unaza 4, në gjurmën e së cilës mund të shtrihet dhe një nga linjat e Tramit.

[AlbanPOLIMI]

Tirana Policentrike:

Ky Draft Plan parashikon krijimin e 7 poleve të zhvillimit të Tiranës:



- Një pol zhvillimi është ai që shtrihet poshtë Stacionit të Trenit dhe që merr një hov të madh zhvillimi, me zbatimin e projektit të “Grimshaw Architects”, për Bulevardin e ri dhe rehabilitimin e lumit të Tiranës.

- Një tjetër pol shtrihet në zonën e spitaleve, i cili ka dimension kryesor aktivitetin shëndetësor, por natyrisht do të ketë edhe shërbime të tjera për qytetarët.

- Një pol tjetër do të shtrihet në qytetin Studenti, me funksion kryesor arsimin, por Plani sugjeron pasurimin e kësaj zone me shërbime të tjera rekreative, sociale dhe administrative, në mënyrë që të pasurohet dhe forcohet roli i këtij poli.

- Një pol i ri, ai jug - perëndimor do të krijohet rishtas, duke akomoduar shërbime që Tirana i ka me mangësi, kryesisht do të jenë shërbimet rekreative dhe sportive.

- Një tjetër pol është ai që shtrihet përgjatë Fushës së Aviacionit, në të cilin planifikohen shërbime biznesi dhe rekreacioni. Gjenerimi i këtij poli do të katalizojë dhe rizhvillimin e kësaj zone, si një nga zonat më të neglizhuara të qytetit.

- Në Polin e Kombinatit është parashikuar dhe akomodimi i disa funksioneve sportive, me sfond olimpik.

- Ndërsa, poli veri-perëndimor parashikon forcimin e funksionit arsimor të Kodër -Kamzës dhe pasurimin e shërbimeve dhe funksioneve në këtë zonë.

[Mr_Albalover]

Basha në njësinë numër 6: Projektet janë afatgjata

[JoniTTML]

Plani urbanistik konsultohet me banorë të njësisë bashkiake nr. 11

Basha: Kjo njësi shndërrohet në një qendër të fuqishme zhvillimi dhe punësimi



Kanë vijuar sot konsultimet me banorët e njësisë bashkiake nr. 11, për Planin e Përgjithshëm Rregullues të Tiranës. Ky plan urbanistik, sipas kryetarit të Bashkisë i jep edhe njësisë 11, zonë e lënë pas dore nga pikëpamja e investimeve, parametra të fuqishëm të zhvillimit. Kryetari i Bashkisë së Tiranës Lulzim Basha ka shprehur angazhimin dhe vendosmërinë, për t’i dhënë zhvillim të qëndrueshëm dhe të barabartë, çdo pjese të qytetit.

“Nëse nuk do të kishim këtë vizion, nëse Bashkia do të vazhdonte ta shikonte Tiranën nga vrima e çelësit, për të parë se ku janë pronat që mund të zhvillohen sa më shpejt, sa më mirë, sa më shtrenjtë, normalisht që Lapraka, Kodër-Kamza, Kinostudio, Kombinati, Selita, Alliasi nuk do te ishin në vëmendjen e Bashkisë, nuk do tu vinte radha, ndaj edhe virtyti i këtij plani, pas miratimit është barazia e qytetarëve para ligjit dhe barazvlefshmëria e pronës dhe trajtimit të saj” – u shpreh Kryebashkiaku Basha.

Me planin urbanistik dhe projektet strategjike të cilat kanë nisur të marrin jetë, njësia bashkiake nr. 11 kthehet në një zonë të fuqishme të zhvillimit ekonomik. Në këtë njësi bashkiake do të ndërtohet terminali multimodal i pasagjerëve dhe marrëveshja për studimin e fizibilitetit të tij, u nënshkrua pak ditë më parë.

“Kjo është edhe “kërthiza” e transportit publik të qytetit të Tiranës. Këtu do të gërshetohen treni, trami, autobusët urbanë dhe interurbanë, taksitë por edhe funksionet e tjera të shërbimit dhe këtu do të zgjidhen në mënyrë të përhershme dhe përfundimtare, sfidat me të cilat transporti urban është përballur për një kohë të gjatë. Është një gjenerator i fuqishëm punësimi dhe do të jetë një ndër zhvillimet kryesore afatmesme që do të nisë së shpejti nga puna dhe që do u japë mundësi jo vetëm banorëve të kësaj zone, por banorëve të Tiranës anembanë, për të përfituar nga një ofertë e mirë punësimi. Nga ky stacion multimodal, e gjithë ajo që sot njihet si Hekurudhë, deri tek Stacioni Hekurudhor (Stacioni i vjetër, për sa kohë do të jetë akoma aty) dhe që ka pasur jo pak problematika për këtë njësi bashkiake, shndërrohet në një arterie të fuqishme urbane, zhduket traseja e trenit, zëvendësohet në kohë me shinat e tramit me rrugë urbane e trotuarë në të dy krahët”- theksoi Basha.

Bulevardi i ri dhe rehabilitimi i lumit të Tiranës, së bashku me ndërtimin e arterieve rrugore, në të dy anët e tij do të sjellin në këtë njësi bashkiake, jo vetëm një infrastrukturë moderne por mundësi të zhvillimit të pronës e si rrjedhojë zhvillim ekonomik e punësim. Z. Basha bëri gjithashtu të ditur se grupi i punës ka finalizuar opsionet për zhvendosjen e tregut të gjësë së gjallë, jashtë vijës administrative te Tiranës.

Unaza numër 4 e qytetit do të kalojë tek rruga “Pandi Dardha”, duke u lidhur me rrugën “Don Bosko” dhe duke vazhduar më tej, duke formuar këtë unazë në të gjithë qytetin. Plani nuk ka lënë në harresë dhe qarkullimin dhe zhvillimin e akseve kryesore brenda njësisë dhe për këtë janë propozuar jo vetëm zgjerimet, por edhe ndërtimet e akseve të segmenteve të munguar, siç është bashkimi i rrugës “Hysni Gërbolli” me rrugën “Egnatia” apo “Besnik Ceka“, duke shkuar deri tek “Qemal Draçini”, aksi kryesor i rrugës “Gjergj Legisi”, duke u bashkuar me rrugën “Allaman Dervishi”.

Plani ka parashikuar zgjerimin e akseve kryesore, rrugën e Kastriotëve, Gramozi, apo e Balshajve, por një aks me shumë rëndësi për lëvizjen në Kodër - Kamëz është edhe plotësimi i unazës së Kodër - Kamzës, duke lidhur rrugën “Ramadan Çitaku” me rrugën “Simon Rrota”. Një aks shumë i rëndësishëm që mendohet të zhvillohet, jo vetëm nga aspekti i transportit publik por edhe lëvizshmërisë së mjeteve, është ai që do të bëjë lidhjen me terminalin, duke shfrytëzuar trupin e sotëm hekurudhor. Përveç linjës së tramit, në të dy anët e saj do të ketë rrugë për mjete, sikundër do të krijohet edhe infrastruktura e nevojshme për këmbësorët.

Në Njësinë Bashkiake nr.11 parashikohet ndërtimi i 9 çerdheve, 7 kopshteve, 3 shkollave 9-vjeçare dhe një shkolle të mesme.

http://abcnews.al/lajme/aktualitet/2/24064

[ROADFAN]

http://www.standard.al/index.php/eko...gmentin-lindor

PLANI I PJESES LINDORE DHE VERI - LINDORE TE UNAZES SE MADHE

[Tartanzan]

[AlbanPOLIMI]

Originally Posted by ROADFAN

http://www.standard.al/index.php/eko...gmentin-lindor

PLANI I PJESES LINDORE DHE VERI - LINDORE TE UNAZES SE MADHE

aaaahahahahahahahahahah!!! a mos tall k* me kete foto!!! Car gazetare ordinere....

[rene1234]

Haha ajo foto jote eshte

[AlbanPOLIMI]

Jo vetem, por nuk eshte as e sakte. Un e kam bere shpejt e shpejte thjesht per motive illustrimi, per te ndare unazen ne segmente, se shume ne forum nuk e kishin te qarte cilet segmente kane perfunduar, e cilet jane drejt perfundimit apo ne faze projektimi.

Kam pershtypjen gazetari as qe ja ka idene fare, ka bere thjesht nje kerkim me emer "unaza e madhe" e ka publikuar te paren gje qe i ka dale perpara!!

[rene1234]

[KingGenti]

Gazetare truthare

[k0ntir]

Duhet te jete gazetar i kristalit me akses te limituar interneti

[vwgolf4]

ka ndonje planin urbanistik te tiranes me harta me te afruara qe te shohim me qarte kete plan me njesi bashkiake apo blloqe banimi, ose ndonje link qe mund ta shikojme? FLM

[gjergjkastrioti]

Originally Posted by AlbanPOLIMI

Sistemi rrugor dhe transporti publik:



Një vëmendje e veçantë i është kushtuar rrjetit rrugor dhe transportit. Tirana do të ketë një rrjet prej 5 unazash. Unaza 2 është ajo që dikur quhej Unaza e Mesme, që gjithashtu do të funksionojë me sens unik lëvizjeje, por në drejtimin e kundërt të lëvizjes me Unazën 1. Unaza 3 është praktikisht Unaza ekzistuese e qytetit, por që sugjerohet plotësimi i saj për pjesën jugore të qytetit. Plotësimi i saj në pjesën jugore është tejet i vështirë, në krijimin e një gjurme të plotë, ndaj mund të pranohet një ridimensionim i saj, duke komprometuar një pjesë të fluksit të lëvizjes. Unaza 4 është risi për Tiranën, pasi sot nuk ekziston as si gjurmë në asnjë prej planeve. Duke qenë se distanca nga Unaza 3 deri te Unaza 5 është relativisht e madhe, konsiderohet e rëndësishme që të vendoset Unaza 4, në gjurmën e së cilës mund të shtrihet dhe një nga linjat e Tramit.

Tallje bythe !

[AlbanPOLIMI]

Originally Posted by vwgolf4

ka ndonje planin urbanistik te tiranes me harta me te afruara qe te shohim me qarte kete plan me njesi bashkiake apo blloqe banimi, ose ndonje link qe mund ta shikojme? FLM

Raporti perfundimtar nuk ka dale akoma. Nga fundi i vitit kam pershtypjen do te publikohet.

Originally Posted by gjergjkastrioti

Tallje bythe !

eshte kategoria ku mund te japesh opinionet te faqja e bashkise pra. Se car opinionesh do japesh mbi nje prezantim me Paint!! Kaq shum lodheshin te benin nje prezantim ne DWG qofte edhe dy shkarravina!!