[AL] Projekte të Ndryshme | Construction Projects

[Mr_Albalover]

Ballsh - Rikonstruktimi i stadiumit “Adush Muça”

Në Ballsh dje ka zbarkuar një grup specialistësh të FSHF-së, të kryesuar nga shefi i Departamentit të Investimeve, Arben Dervishi. Kjo vizitë është bërë në kuadër të projekt-planit për të rikonstruktuar stadiumin “Adush Muça”. Impianti që mban emrin e lojtarit të njohur të Bylisit, do të pësojë disa ndryshime kryesisht në tapetin e stadiumit, por edhe në ambiente të tjera të tij. Të dërguarit e FSHF-së kanë treguar interes për përmirësimin e kushteve të stadiumit që prej vitesh është amortizuar totalisht. Presidenti Besnik Kapllanaj është shprehur optimist për gjithçka që do të bëhet për përmirësimin e infrastrukturës.

Bashkia – Delegacioni FSHF-së, ka takuar gjithashtu kryetarin e Bashkisë së Ballshit, Ilir Çela dhe me të është diskutuar për detajet e punës. Është ideuar mundësia që Bashkia e Ballshit të marrë një kredi nga FSHF-ja për të bërë të mundur nisjen e punimeve dhe mbulimin e faturave financiare që kërkon rikonstruksioni i planifikuar.


Projekti - Gjatë muajve të verës do të rinovohet tapeti i stadiumit “Adush Muça” e bashkë me të do të rregullohet edhe fusha e aneksit ku stërvitet skuadra. Për këtë të fundit është menduar të instalohet një tapet me bar artificial, ku do të kenë mundësi të stërviten edhe skuadrat e moshave. Gjithashtu, është menduar të rikonstruktohen edhe dhomat e zhveshjes. Në sezonin e ardhshëm mendohet të jetë gjithçka gati.

http://www.sportekspres.com/contenti...&idjadok=23844

[JoniTTML]

Komiteti i Zhvillimit të Rajonit miraton 520 projekte. Berisha: Do hapen 30 mijë vende pune



Në mbledhjen e sotme të komitetit të Zhvillimit të rajonit u miratuan 520 projekte të reja me një vlerë prej 27.6 miliardë lekë nga Komiteti i Zhvillit dhe Fondi shqiptar i Zhvillimit, të cilat do të shërbejnë për investime në infrastrukturë, në ujësjellësa, në shëndetësi, shkolla dhe bujqësi, duke i dhënë kështu një zhvillim të ri Shqipërisë. Të gjtiha këto projekte sipas kryeministrit do të ulin ndjeshëm papunësinë në vend dhe do të krijojnë 30 mijë vende pune.
Kryeministri Sali Berisha tha se këtu nuk përfshihen rreth mbi 4 mijë projekte, që janë 2348 hektarë në fondin e Ministrisë së Bujqësisë për ullishte dhe arrorë dhe po kaq në fondin e pyllëzimit. Sipas tij 1% i fondit të pyllëzimit të qeverisë vendore është i destinuar me ligjin e buxhetit për mbjelljen e drurëve frutorë.

Investimet në infrastrukturë
Berisha e vuri theksin kryesisht tek infrastruktura dhe ndërtimi i 1200 kilometrave rrugë rurlae dhe dytësore, të cilat do t’u ofrohen të gjitha fshatrave të Shqipërisë edhe në zonat më të thella, që sipas tij janë premtimi më i vështirë i qeverisë por që do e shdnërrojnë Shqipërinë në vend me zhvillim të qëndrueshëm.
“Ky është një nga premtimet më të ëvshtira për ky është një nga projektet më themelorë për Shqipërinë vend i zhvilluar, për zhvillimin e qëndrueshëm të tij dhe një nga projektet vendimtare për të bërë të mundur pasuritë e shumta në mbarë komunat dhe territoret e Shqipërisë, që të shndërrohen në vlera për qytetarët e vendit. Investimi në 1200 km rrugë rurale dhe dytësore bën të mundur që çdo qytetar të kapë Tiranë duke kursyer 70% të kohës që shpenzonte. Do bëjmë gjithçka që qytetarët të mos ndjehen të braktisur por të ndjehen zotër në vendet e tyre”-deklaroi Berisha.

Investimi në ujësjellësa
Në këto projekte sipas kryemisnitrit përfshihet edhe ndërtimi i 125 ujësejllësave dhe kanalizimeve, që do të garaqntojnë ujë 24 orë për rreth 250 mijë banorë. Duke e konsideruar furnizimin me ujë si një nga objektivat më madhorë të qeverisë së tij Berish u shpreh se: “aktualisht ujë të rrjedhshëm marrin 90% e shqiptarëve, ndërsa përpjekjet tona do vazhdojnë që ata të furnizohen me ujë në 24 orë”- theksoi kryeministri.

Investime në shkolla
Sipas kryeministrit projektet përfshijnë ndërtimin e shkollave të reja dhe ristrukurimin e shkollave për të krijuar kushte më të mira për nxënësit dhe studentët.
“Do ndërtohen rreth 219 shkolla të reja ose do ristrukturohen shkollat ekzistuese, të cilat do përmirësojnë cilësinë e afro 100 mijë nxënësve e studentëve në Shqipëri, ndërsa vazhdon përpjekja e madhe e jona për të krijuar kushte më të mir atë mësimit në shkolla”-thksoi shefi i qeverisë.

Investime në Shëndetësi
Projektet do të prekin edhe investimet në fushën e shëndetësisë si♪5është dnërtimi I 224 qebdrave shëndetësore për 142 mijë banorë.
“Do bëjmë gjithçka që qendrat moderne të gjenden pranë qyteraëve shqiptarë. Ne ndërrmarrim këtë pranverë një prej projekteve më të mëdha të investimeve në Shqipëri projekt me një impakt të madh në zhvillimin e gjithanshëm e të qëndrueshëm të vendit, duke hapur 30 mijë vende pune”-deklaroi Berisha

Investimet në Bujqësi
Këto investime i japin një frymëmarrje të re punësimit në vend, duke ulur ndjeshëm papunësinë u shpreh kryeministri Berisha

Investimet Publike
Të gjitha kreditë e marra janë për investimet publike nënvizoi kryeministri, të cilat kanë patur përqindjet më të larta rreth 8-10% të prodhimit të brendshëm bruto, duke bërë që ekonomia sdhqiptare të mos e njohë krizën, ai shtoi se për 1 vit, do ndryshojë jeta e qytetarëve.
“Qeveria jonë në gjithë këto vite ka investuar 2-4 herë në vit më shumë se të gjitha qeveritë e tjera të kontinentit dhe më gjerë investimet publike, duke vënë nën kontroll të plotë investimet kanë patur përqindjet më të larta nga 8-10 të prodhimit të brendshëm”-tha ai.

Gjithashtu kryeministri se në të gjitha këto projekte objekti më madhor është që të gjitha komunat e vendit të lidhen me akset automobilistike,ndërkohë që 50 komuna do të kenë infrastrukturë të re rrugore. Ai i konsideroi emergjente ato komuna që nuk kanë marrë fare investime, të cilave u bëri thirrje edhe njëherë që të dorëzojnë projektet për të përfituar këto investime.

Gjatë mbledhjes së sotme Berisha e konsideroi censusin si një proces shumë të suksesshëm,i cili u vlerësua si i tillë edhe në Bruksel, që lejon qeveritë të bëjnë një shpërndarje më të ndershme, ndërsa shtoi se viti 2014 do të jetë viti i finalizimit të plotë të sistemit rrugor.

http://www.tvklan.al/lajmi.php?id=24155

[Kumanovari]

Originally Posted by JoniTTML

Berisha: Do ndërtohen 14 impiante pastrimi për ujërat e zeza në vend

Kryeministri në mbledhjen e KRRTRSH diskutoi për pesë projekte të mëdha

Në mbledhjen e Këshillit të Rregullimit të territorit të Shqipërisë tëe drejtuar nga kryeministri i vendit z. Sali Berisha janë diskutuar një sërë projektesh me rëndësi për zhvillimin dhe ekonominë e vendit që do të miratohen brenda dy javëve nga ky këshill. Së pari është diskutuar ndërtimi i impianteve të kanalizimit të ujërave të zeza për pastrimin e ujërave në të gjithë territorin. Një nga këto projekte është edhe ndërtimi i impiantit për pastrimine ujërave të zeza për Tiranën, një investim i qeverisë japoneze me vlerë 90 milionë euro. Kryeministri Berisha ka folur për ndërtimin e 14 impianteve të tillë në të gjithë vendin duke mundësuar kështu pastrimin e të gjitha ujërave të bregdeteve shqiptare. Një tjetër project i rëndësishëm është ndërtimi i disa hidrocentraleve në kaskadën e lumit Mat. Kreu i qeverisë ka thënë se në këtë kaskadë do të ndërtohet një zinxhir hiodrocentralesh të tjera duke e shndërruar Shqipërinë në një superfuqi energjetike. Një tjetër projekt i rëndësishëm në këtë sector është edhe ndërtimi i hidrocentralit në lumin Valbonë. Gjatë kësaj mbledhje u diskutua edhe projekti për ndërtimin e një depozite hidrokarburesh në Porto Romano në Durrës. Një stacion i rëndësishëm pompimi për ngarkim shkarkimin e boteve të karburanteve. Ndërsa projekti tjetër me rëndësi jetike, sic e ka konsideruar kryeministri, jo vetëm për Vlorën por edhe për të gjithë jugun, eshte shndërrimi i parkut industrial-energjitik të Vlorës në një park vetëm industrial. Për këtë projekt i është kërkuar KRRTRSH shtyrja e afatit të lejes nga kompania petrolifere për investimet që do të kryhen në këtë park. Kryeministi e ka konsideruar parkun industrial të Vlorës si një iniciativë të shkëqyer, një model ku duhet të frymëzohen industrialistët e qyteteve të tjera të vendit. Sipas kryeministrit ky park industrial do të krijojë me mijëra vende pune dhe do të rrisë potencialin e qytetit të Vlorës.

http://abcnews.al/lajme/aktualitet/2/16793

kur do te kryhen keta problema

[JoniTTML]

[ipapami]

Radhima Tourist Village







Me duket se qekam per Radhime ket ver un :P
Copyright http://www.facebook.com/propertyalbania

[JoniTTML]

http://www.bashkiabajramcurri.al/

[JoniTTML]

Riformatim shumplanësh i Cirkut të Tiranës

Cirku që nga shkurti me vendim të Këshillit të Ministrave është shndërruar në Kombëtar


Cirku i Tiranës që nga muaji shkurt me vendim të Këshillit të Ministrave është shndërruar në Kombëtar tashmë, ky institucion varet drejtpërdrejt nga Ministria e Kulturës. Kjo ka çuar në një riformatim shumëplanësh dhe përmirësim të kushteve të artistëve dhe mbi të gjitha në dyfishim të pagesave të tyre kështu deklaron drejtori Fatos Roshi.

Ajo çka është më e rëndësishme për Roshin është rikthimi i turneve artistikë në sezonit verore përgjatë gjithë vijës bregdetare.
Sezoni artistik në çadrën e Cirkut mbyllet në fund të majit për tu zhvendosur në muajt e verës në zonat e populluara nga turistët vendas dhe të huaj në bregdet.

http://abcnews.al/lajme/kulture/4/18768

[Huti]

pa kafshe, shpresoj!

[JoniTTML]

Originally Posted by Huti

pa kafshe, shpresoj!

Po ku gjen kafsh qe te punoj me ato far rrogash per cirkun shqiptar

megjithse shyqyr qe ja paskan dyfishuar rrogat ketyre ''mjeraneve''

[Huti]

Originally Posted by JoniTTML

Po ku gjen kafsh qe te punoj me ato far rrogash per cirkun shqiptar

megjithse shyqyr qe ja paskan dyfishuar rrogat ketyre ''mjeraneve''

[Tartanzan]

Të reja \ Punë dhe Shërbime në Komunitet

Shërbime në Komunitet

Viti 2012 ka iniciuar implementimin e projektit për Shërbimet Komunitare. Qëllimi i tij është ruajtja e traditës dhe kulturës pogradecare për një Qytet të Pastër Turistik. Me iniciativën e Kryetarit të Bashkisë, z. Artan Shkëmbi, dhe nën kujdesin e Drejtorisë së Shërbesave Ndaj Komunitetit, çdo muaj, në bazë të një grafiku të veçantë, kryefamiljarët dhe personat e aftë për punë do të realizojnë në qytetin e Pogradecit shërbime komunitare për mirëmbajtje, pastrim dhe gjelbërim. Fazat e para të projekti kanë filluar të zbatohen. Në datat 16-17 prill u krye pastrimi, mirëmbajtja dhe rregullimi i varrezave të publike të qytetit. Në këtë aksion morrën pjesë 50 kryefamiljarë nga Skema e Ndihmës Ekonomike. Një tjetër shërbim komunitar u realizua në datat 16-18 maj në pastrimin e bregut të liqenit, me pjesmarrjen e 45 personave të aftë për punë. Këto shërbime do të vazhdojnë edhe në muajt pas ardhës.

Bashkia e Pogradecit

[mendje-madhi]

"ka iniciuar implementimin e projektit ......." Hajde gjuhe hajde. Me qa di une kjo ne shqipt i bie "ka filluar/nisur zbatimi i projektit", apo jo? Po ku dreqin shkollohen keta njerez, te gjithe ne universitetin Kristal jane dipllomu?

[rene1234]

Lushnjë, nis restaurimi i monumenteve të kulturës
19/05/2012


Me nje inisiativë të kryetarit të Bashkisë ka nisur në qytetin e Lushnjës restaurimi monumenteve të kulturës.

Restaurimi i iniciuar nga kreu i bashkise do te nise me monumentin 'Toka Jone' qe ndohet ne qender te qytetit per te vazhduar me pas me bustin e Vace Zeles, e me pas me gjithe monumentet te tjera qe ndodhen ne qytet.

Sipas nenkrytarit te bashkise se Lushnjes restaurimi do te behet nga persona e eksperience dhe kjo do i jape nje pamje tjeter qytetit.

Kjo nismë eshte ndermare perpara nisjes se festivalit tipologjik folklorik, qe do te mbahet ne Lushnje ne fund te muajit maj.
http://www.top-channel.tv/artikull.php?id=235014

[JoniTTML]

Projekti per sistemimin e Lagjes "28 Gushti" ne qytetin e Bajram Currit

[JoniTTML]

Per skeptiket e kti rikonstruksioni :

[Mr_Albalover]

Disa lajme nga Gostivari - qytet me shumice Shqiptare ne Maqedoni - po i vendos ketu :

Në vijim rregullimi hortikulturor i qytetit

25.05.2012
Me ardhjen e stinës së pranverës Ndërmarrja Publike “Komunalec”, ndërmori aktivitete në terren për rregullimin e sipërfaqeve të gjelbra. Ekipe të ndërmarrjes bëjnë rregullimin hortikulturor të sipërfaqeve të gjelbra në pjesët qendrore të qytetit, duke bërë zëvendësimin e drunjve dekorativ dhe mbjelljen e luleve të stinës.

“Në përfundim e sipër është zëvdnësimi i drunjve dekorativ përgjatë bulevardeve të qytetit nga se drunjtë ekzistues u dëmtuan tej mase nga bora gjatë dimrit të kaluar. Ndërmarrja publike vazhdoi me punën e filluar në vjeshtë, respektivisht me prerjen dhe mënjanimin e drunjve të vjetër dhe të njëjtat u zëvendësuan me drunj të ri. Gjithashtu, kemi mbjellur lule nëpër unazat e trafikut në qytet. Lulet janë të përshtatshme për këtë periudhë kohore dhe që rriten gjatë stinës së pranverës dhe verës. Aksioni do të vazhdojë edhe gjatë stinës së vjeshtës me mbjelljen e luleve që i përshtaten asaj stine”, njoftoi Kurtish Salija, drejtor në Ndërmarrjen Publike “Komunalec”.

Rregullimi hortikulturor i qytetit, krahas angazhimit dhe përkujdesjes së institucioneve, kërkon edhe vetëdije sociale për mirëmbajtjen e tyre. Nga Ndërmarrja Publike komunale apelojnë deri tek qytetarët që të tregojnë kujdes dhe të mos i dëmtojnë ato, pasi që si të tilla janë një e mirë dhe pasuri e përbashkët publike.

“Apeloj deri te qytetarët që gjitha drunjtë dhe lulet e mbjella të kenë kujdes që të mos i dëmtojnë. Janë pasuri publike dhe duke i ruajtur ato do të kontribuojmë në zbukurimin dhe mirëmbajtjen e pjesëve të gjelbra të qytetit”, potencon Salija.





Komuna Gostivar

[Mr_Albalover]

Gostivar - Përfundojnë punët rreth rikonstruktimit të plotë të disa rrugëve të qytetit

25.05.2012
Sot përfundojnë punimet rreth rikonstruktimit të plotë të rrugës prej te ura deri te ndërtesat nga ana e majtë e lumit Vardar, rrugës te lagja e romëve dhe rrugës prej te SHF “Bashkimi” kah tregu i qytetit.

Rrugët në gjatësi prej 700 metra dhe me sipërfaqe të përgjithshme prej rreth 6000 metrash katrorë, fituan asfalt të ri dhe trotuare të shtruara me pllaka bekatoni. Kostoja e përgjithshme e investimit kap shifrën prej mbi 100 mijë euro.

Në ndërkohë përfundoi zgjerimi nga ana perëndimore e bulevardit “Vëllezërit Gjinoski” prej te Qendra për kulturë deri te unaza në lagjen Maleardi, ndërsa së shpejti do të fillojë edhe zgjerimi nga ana lindore.

Në përfundim e sipër është përgatitja për asfaltim e disa rrugëve në Lagjen Zona e VII, ku hapen rrugë të reja dhe ndërtohet kanalizim.



Komuna Gostivar

[Tartanzan]

Pallati i Sportit i Bajram Currit do dali shume bukur.

Originally Posted by Mr_Albalover

Disa lajme nga Gostivari - qytet me shumice Shqiptare ne Maqedoni - po i vendos ketu :

Pse nuk hap teme perkatese?

[Tartanzan]

[Mr_Albalover]

Originally Posted by Tartanzan

Pse nuk hap teme perkatese?

Te hap nje teme te tipit [MQN] Projekte te ndryshme ? Dolem tek llafet e kontir-it

Me mire te ndryshohet titulli i temes aktuale perndryshe mir jan ketu.