[RKS] Zhvillimet Ekonomike | Economy News

[Arbenit]

Originally Posted by Rrenimi

Valla nese vjen Leku ne Kosove, atere krejt milionera bahem... hahaha

Leku eshte valute shume stabile.




Perndryshe, besoj, se kjo nisme eshte "matje e pulsit" e te gjitha paleve (ne Shqipni, Kosove, Serbi e ne perendim) per nje "integrim" qysh po i thojne ndryshe bashkimit.

[Rrenimi]

Une nuk thash dishka keq, 10'000 € dhe behesh milioner.

[Rrenimi]

Ministri i Punës dhe Mirëqenies Sociale (MPMS), Nenad Rashiq, ka thënë se papunësia në Kosovë është rreth 30 për qind.Rashiq ka bërë me dije se Kosova ka të regjistruar mbi 395 mijë punëtorë, ndërkaq numri i atyre që kërkojnë punë është 177 mijë.
Pensionet të cilat i kanë marrë më herët qytetarët e Kosovës në Zvicër sipas tij, varen nga miratimi i Ligjit për Pensionist, kurse ka theksuar se deri në fund të këtij viti do të bëhet amandamentimi i Ligjit të Punës. /Telegrafi/

http://www.telegrafi.com/ekonomi/177...-46-12062.html

- Lindje ne vit: 28'000
- nese lindin per 16 vjet ka 28'000 bajn: 448'000
don me than ne Kosove ka afer 450'000 femi se jan ne shkoll dhe nuk punojn.
- Te punsuar: 395'000
- Te papune: 177'000
- Afersisht 100'000 invalid
- Afer 250'000 Pensionist

Total: 28'000 + 450'000 + 395'000 + 177'000 + 100'000 + 250'000 = 1'400'000. Ata 500'000 tjert kumedit ku i ka harru. Ose mundet me kan se i ka vetem 1.4 mio. Banore Kosova se ka mujt me ba gabim ne rregjistrim. Kto jan edhe shifra prej entit statistik te Kosoves.

[Buki]

Tetë kompani në garë për privatizimin e PTK-së

Publikuar: 13.08.2012 - 18:48
Prishtinë, 13 gusht - Komisioni Qeveritar i Privatizimit të PTK-së, njofton opinionin publik, se sot në ora 16.00 ka mbaruar afati i dorëzimit të aplikacioneve për para kualifikim të kompanive të interesuar për pjesëmarrje në tenderin për blerjen e 75% të aksioneve të ndërmarrjes Publike Posta dhe Telekomunikacioni i Kosovës Sh.A. Kompanitë të cilat kanë dorëzuar aplikacionet e tyre për parakualifikim janë:

Albright Capital Management LLC ( Shtetet e Bashkuara të Amerikës )

Avicenna Capital LLC në konsorcium me Twelve HORNBEAMS ( Mbretëria e Bashkuar, Poloni )

Columbia Capital në konsorcium me ACP Axos Capital Gmbh ( Shtetet e Bashkuara të Amerikës, Gjermani)

Elkos LLC ( Kosovë )

Geni Capital (Luxemburg )

M1 International Limited ( British Virgin Islands )

Monaco Telecom International SAM ( Monaco )

Turkcell ( Turqi )

Numri i lartë i kompanive pjesëmarrëse në procesin e para kualifikimit tregon se ekziston një interesim shumë i madh dhe një konkurrencë e lartë për blerjen e aksioneve të kësaj ndërmarrje të rëndësishme publike.

Ofertat e pranuara, do të vlerësohen nga një komision profesional i përbërë nga zyrtarët e të gjitha ministrive të përfaqësuara në KQP. Komisioni vlerësues në punën e vet do të ndihmohet edhe nga këshilltari i transaksionit.

Thirrja për para kualifikim është shpallur me datë 25 qershor 2012, ndërsa në këtë periudhë nga këshilltari i transaksionit janë dhënë të gjitha sqarimet e kërkuara nga kompanitë e interesuara për aplikim, për formën dhe përmbajtën e aplikacionit për para kualifikim.

Pas analizimit të aplikacioneve të kompanive në pajtueshmëri me thirrjen për para-kualifikim, opinioni publik do të njoftohet për kompanitë e para kualifikuara dhe të njëjtat do të ftohen për pjesëmarrje në tender.

KQP mbetet e përkushtuar për ta kryer me sukses dhe me transparencë të plotë procesin e privatizimit të 75% të aksioneve të PTK-së.

KQP gjatë kryerjes së këtij procesi do ti kushtoj rëndësi të posaçme edhe zhvillimit të mëtutjeshëm dhe progresiv të sektorit të telekomit dhe veçmas të kompanisë ku shteti do të jetë aksionar me 25% dhe mirëqenies së punëtorëve të telekomit që do të jenë pjesë e kompanisë me kapital të përzier privat dhe publik.

Source: http://www.koha.net/?page=1,13,111348

Lajmi i keq eshte se T-Mobile nuk qenka ne listen e te parakualifikumve. Perpos, Turkcell kto kompanite tjera jane kerkah hic.

Sdi pse po e kam nje bidnje qe nese nuk fiton Devolli ka me fitu naj kompani fantome nga kjo liste e qe ne realitet eshte prap... Devolli.

[Lum Lumi]

Ky ka qene edhe qellimi; devalvimi i vleres se PTK-se nepermjet "tenderave" te dyshimte, qe do ta shkaktonte ikjen e T-Mobile e Austria Telekom, qe masnej me ja shit per nje kali e nje deve haverave te vet...

[Rrenimi]

Albright dhe Clark janë të interesuar për biznes në Kosovë


Dy liderët Medeleine Albright dhe Wesley Clark, të cilët janë interesuar më përpara për pavarësinë e Kosovës, kësaj here janë interesuar për diçka tjetër në Kosovë. Ata kanë shfaqur interesim për të bërë biznes në Kosovë.
Kompania e drejtuar nga ish sekretarja e shtetit Medeleine Albright, po garon për të blerë PTK-në ndërsa ish gjenerali i NATO-s, Wesley Clark po interesohet për investime në prodhimin e naftës sintetike nga thëngjilli i rajoneve të Dukagjinit.
Futja e këtyre po shihet me sy të mirë nga përfaqësuesit e bizneseve në Kosovë, te cilët kanë thënë se kjo do tr3ë ndryshonte rrjedhjen e investimeve të jashtme në Kosovë.



-------> Ka me i ardh fundi PTK dhe ka me u dhan per 150 mio. Euro. Kta e kan pas interesin me e shit ma lir dhe me fitu ma shum. As nje Company nuk eshte me fam botrore ne ket Privatizim. Pa kan firma si Vodavoni, Austria Telekom, D-Telekom ose do tjera ska gja prej kti Privatizimi. Jo se eshte dishka e quditshme se kjo eshte dit kur prej ja ka nis Privatizimi se ka me deshtu sikur edhe ata tjert.

[Buki]

Tregu multimilionësh

9:19 / 16.08.2012

Një raport i kompanisë botërore IDC e nxjerr Kosovën treg multimilionësh në teknologjinë informative. Mbi 125 milionë dollarë u gjeneruan fitime gjatë vitit 2011 nga tregu i IT’së. Kosovarët, sipas këtij raporti, po shpenzojnë me të madhe në blerjen e kompjuterëve, llaptopëve dhe pajisjeve me të reja elektronike.
Kompjuterë, llaptopë dhe iPadë. Pajisje elektronike si këto po del që ka pothuajse çdo familje në Kosovë. Një raport i kompanisë botërore IDC e nxjerr Kosovën treg milionësh në teknologjinë informative. Mbi 125 milionë dollarë u gjeneruan gjatë vitit 2001 nga tregu i IT-së.

Mesatarisht në vit shpenzimet për teknologji informative, duke përfshirë internetin dhe blerjen e pajisjeve elektronike, për kokë banori shkojnë deri në 70 dollarë.

Sipas raportit, kjo e fut Kosovën në konkurrencë edhe me vendet e rajonit. “Tregu i IT-së në Kosovë në vitin 2011 ka gjeneruar të ardhura në 126.75 milionë dollarë, që është 5.8 për qind më shumë krahasuar me rritjen nga viti në vit në valutën e dollarit. Nëse llogaritet në valutën e lokale, rritja ishte 0.8 për qind në krahasim me vitin e kaluar”, thuhet në hulumtimin e IDC-së, kompani kjo botërore që hulumton tregun e pajisjeve elektronike, shkruan Express.

Për me tepër, IDC-ja pret që tregu i IT-së në Kosovë të zgjerohet në 2.6 për qind nga viti paraprak në vitin 2012 dhe të këtë rritje në interes prej 4.0 për qind që deri në vitin 2016 të gjenerohen të ardhura prej 154 milionë dollarësh.

Drejtori menaxhues i IDC Adriatics, Boris Zitnik, i jep arsyet e rritjes se kërkesave për teknologji nga kosovarët. “Kërkesat në rritje për konsumatorin e IT-së ndërlidhet me rritjen e GDP-së, fondacionet e jashtme në projekte e IT-së dhe Strategjinë për qeverisje elektronike. Investimet në IT janë rritur më 2011 në të gjitha objektet e mëdha, duke përfshirë Qeverinë, telekomunikacionin dhe sistemin bankar”, ka thënë ai. /Telegrafi/

Source: http://www.telegrafi.com/ekonomi/tre...-46-12140.html

[Plisat]

Edhe 150 milion vine prej jashtit.

[Buki]

Mallrat nga Shqipëria, zëvendësojnë mallrat nga Serbia

21:42 / 19.08.2012
Që nga vendosja e masave të reciprocitetit vitin e kaluar, Serbia nuk po arrin të kthejë të njëjtin eksport të prodhimit në Kosovë. Zyrtarë të Doganave të Kosovës konfirmojnë se importet e Serbisë po vazhdojnë të karakterizohen me rënie dhe se kompanitë qe kanë ndërpre importin pas vendosjes së bllokadës nuk i janë kthyer më bashkëpunimit të mëhershëm me kompanitë serbe.
Mas reciprocitetit që u ndërmor në vitin e kaluar ne kemi parë një rënie të importit nga Serbia, e cila po vazhdon edhe tash të ketë më pak importe, ndërsa shtetet e tjera kanë pasur rritje. Si Shqipëria vitin e kaluar ka pasur ngritje thuajse për 60 për qind më shumë se një vit më parë dhe se eksportet shqiptare kanë arritur vlerën mbi 90 milionë euro”, ka thënë një zyrtarë i doganës.

Prodhimi i vetëm i cili nuk ka pësuar ndryshim nga shteti fqinjë është gruri dhe mielli, mirëpo pavarësisht këtij fakti pozitiv të humbjes së tregut nga kompanitë serbe, importi po e mbytë vazhdimisht eksportin e vogël të vendit tonë. Sipas të dhënave të doganave të Kosovës, karburantet, cigaret dhe një numër i madh i ushqimit po vazhdon të importohet, ka raportuar KTV.

Vendet të cilat po vazhdojnë të shënojnë ngritje të eksportit në Kosovë duke zëvendësuar prodhimet serbe në Kosovë janë Shqipëria, Italia, Gjermania dhe Turqia. /Telegrafi/

Source: http://www.telegrafi.com/ekonomi/mal...-46-12167.html

[Rrenimi]

Kosova pa përmirësim ekonomik dhe social


Qytetarët e Kosovës edhe për një periudhe shumë të gjatë nuk mund të presin që gjendja e tyre ekonomike e sociale do të përmirësohet, pasi që zhvillimi ekonomik i Kosovës nuk po reflekton rritje të mjaftueshme ekonomike, vlerësojnë ekspertë të çështjeve ekonomike në Prishtinë.

Rritja ekonomike për vitin 2012, e cila ishte parashikuar të jetë mbi 5 për qind ka rënë në 3.8 për qind, sipas raportit të fundit të Bankës Qendrore të Kosovës.

Përderisa gjatë vitit 2011 rritja ekonomike në Kosovë ishte 5 për qind.

Sekretari i Odës Ekonomike të Kosovës, Berat Rukiqi, thotë për Radion Evropa e Lirë, se në perspektivën afatshkurtër, kjo rritje ekonomike nuk është e mjaftueshme, duke pasur parasysh, siç thekson Rukiqi, që Kosova ka nevojë për dyfishin e rritjes ekonomike aktuale.

“Unë, gjithmonë duke pasur një optimizëm të matur, mendoj që mbajtja e ritmit të rritjes është me rëndësi, po duhet përfundimisht të bëhen përpjekje që të dyfishohet kjo, dhe tash perspektiva mund të jetë në implementimin e suksesshëm të projekteve në energji dhe telekomunikacion, perspektiva mund të jetë në anëtarësimin në BERZH, për shkak se anëtarësimi në BERZH mundëson qasjen e fondeve zhvillimore”, thotë Rukiqi.

Raporti i fundit i Bankës Qendrore të Kosovës kishte treguar trend negativ në ekonominë e Kosovës. Gjatë gjysmës së parë të këtij viti, sipas BQK-së, ka pasur rënie të eksporteve për 24.4 për qind, ngritje të importeve, rënie të dërgesave të emigrantëve për 4.8 për qind, e po ashtu rënie të investimeve të huaja direkte prej 27.6 për qind.

Sipas Rukiqit, këto të dhëna janë treguesi më i mirë për gjendjen, në të cilën ndodhet ekonomia e Kosovës. Kjo rritje ekonomike, thotë Rukiqi, nuk mund ta zbusë papunësinë. Rënia e remitencave, rënia e investimeve ndikojnë që Kosova edhe për një kohë të gjatë të ketë këtë gjendje të vështirë ekonomike, shton Rukiqi.

“Duke pasur parasysh tani që ne kemi nevojë për dyfishim të rritjes ekonomike në mënyrë që të mund ta akomodojmë numrin e madh të punëkërkuesve në një anë, që mund të jenë potencial për destabilizim në nivele apo në aspektin social, dhe të njëjtën kohë të kemi një rritje të të ardhurave dhe të mos mbetet vendi me të ardhurat më të vogla për kokë banori në këtë pjesë të Evropës”, thekson Rukiqi.

Trendët aktual makroekonomikë edhe sipas ekspertit të çështjeve ekonomike Ismail Kastrati nuk janë të favorshme. Rënia e remitencave dhe investimeve të huaja direkte, kanë ndikuar në ngadalësimin e zhvillimit ekonomik të Kosovës.
Në gjendje të keqe do të jenë kategoria sociale dhe pensionistët, por edhe të tjetër sa i përket mirëqenies ekonomike dhe sociale.

“Kjo detyrimisht ndikon në rrjedhat ekonomike, e në veçanti në situatën sociale, e cila dita-ditës po rëndohet nga shkaku se papunësia jo që po zvogëlohet, por nuk po mund t’i inkuadrojë as kontingjentin e ri të punëtorëve. Në gjendje të keqe do të jenë kategoria sociale dhe pensionistët, por edhe të tjetër sa i përket mirëqenies ekonomike dhe sociale”, vlerëson Kastrati.

Në Kosovë, sipas të dhënave të fundit të Bankës Botërore, në vitin 2009, varfëria ishte 34 për qind e gjithë popullsisë.

Sipas këtij raporti, pak më shumë se një e treta e popullsisë jetonin nën vijën e varfërisë absolute me 1.55 euro në ditë, ndërsa 12 për qind jetonin nën vijën e varfërisë së skajshme me 1.02 euro.

Ndërkaq, papunësia thuhet të jetë mbi 48 për qind.

Kastrati thekson se edhe për një kohë të gjatë Kosova do ta ketë këtë gjendje.

“Angazhimi i strukturave qeverisëse nuk është në favor të zhvillimit të qëndrueshëm ekonomik, por kryesisht është i interesuar të realizojë privatizimin e ndërmarrjeve publike dhe investime në sektorin publik, të cilët nuk kanë punësim të qëndrueshëm, por e zgjedhin përkohësisht problemin e punësimit dhe atë në parametra mjaft të vegjël”, potencon Kastrati.

http://www.botasot.info/def.php?gjuh...y=23&id=182459

[Rrenimi]

Birra e Pejes per her te par ne shitore te gjigantit zvicran "Coop" e kam pa me 21.08.2012. Ni 0.5L Dose po kushtojke 1.60 Frang. Eshte kan ne lajme por perpara skam pa kurr.

[JoniTTML]

Kosovë-Turqi, nisin bisedimet për marrëveshjen e tregtisë së lirë



Ankara-Ministrja kosovare e Tregtisë dhe Industrisë, Mimoza Kusari Lila dhe ministri i Ekonomisë së Republikës së Turqisë, Zafer Caglayan, lancuan sot zyrtarisht në Ankara negociatat për marrëveshjen e tregtisë së lirë në mes të dy vendeve.
Zv/kryeministrja Kusari – Lila, sipas zyrës së saj, tha se këto negociata janë në interes të dy vendeve dhe shenjë e thellimit të bashkëpunimit ekonomik në mes të Kosovës dhe Turqisë. “Ne shpresojmë se negociatat me Turqinë janë hap i mbarë për tregtinë e Kosovës para se të fillojmë negociatat për marrëveshjen e tregtisë së lirë me Bashkimin Evropian, që presim të fillojnë vitin e ardhshëm”, theksoi ajo.
Ministrja Kusari-Lila tha se ekonomia e Kosovës në krahasim me ekonominë e Turqisë është e vogël dhe për këtë arsye Kosova do të ketë nevojë për mbrojtjen e disa sektorëve strategjikë për një periudhë disavjeçare.
Ministrja Kusari-Lila po ashtu kërkoi që Qeveria e Turqisë të krijojë një fond të posaçëm për përkrahjen e investitorëve turq që duan të investojnë në Kosovë. Nga ana e tij, ministri i Ekonomisë së Turqisë, Zafer Caglayan, tha se “marrëveshja e tregtisë së lirë është në interes të zhvillimit ekonomik të dy vendeve tona. Ky është një hap i rëndësishëm për të ardhmen e marrëdhënieve tona tregtare”.
Ministri Caglyan tha se Turqia gjatë negociatave do të marrë parasysh të gjitha kërkesat e Kosovës, duke përfshirë këtu mbrojtjen e sektorëve strategjikë të Kosovës dhe përfshirjen e shërbimeve në negociata. Tre muaj më parë Kosova dhe Turqia nënshkruan marrëveshjen për mbrojtjen dhe promovimin e investimeve. Ndërsa së shpejti Kosova dhe Turqia do të nënshkruajnë edhe marrëveshjen për eliminimin e tatimit të dyfishtë

http://www.lajmeshqip.com/ekonomia/k...egtise-se-lire

[Plisat]

Mrekullia kosovare në Bursën e Londrës


Për më se dy javë Kosova ka përjetuar një ndryshim imazhi në shtypin anglez dhe botëror. Vendi i mbytur me raporte korrupsioni e krimi, po e fut një kompani të saj në Bursën e Londrës (AIM).

Një kompani që do të punojë në Kosovë me mermerin e saj, Fox Marble është pranuar që të tregtojë në Berzë, e para jo vetëm nga vendi, por edhe nga rajoni.

Pranimi i “Fox Marble” në Bursën e Londrës u përcoll me shkrime të shumta nga mediumet botërore si: Financial Times, The Daily Express, London Evening Standard, The Business Desk etj.

Mermer i shtrenjtë

“Mermeri i Kosovës është më i shtrenjtë sesa që mund të vlerësoni. Mermeri i zi është shumë i kërkuar në SHBA”, shprehej ditë më parë për mediet e huaja Christopher Gilbert, kryeshef ekzekutiv i kompanisë, duke shtuar se këto gurore të mermerit vlerësohet se kanë rezerva prej rreth 300 milionë metra kub mermer.

Gilbert është një biznesmen i njohur, i cili ka ngritur dhe shitur shumë kompani nëpër botë në sektorë të ndryshëm, e sidomos në sektorin e muzikës me kompani të incizimeve.

Pjesë e kësaj kompanie është edhe ish-ylli i emisionit televiziv të BBC-së “Dragon’s Den”, James Caan, përmes kompanisë së tij “Hamilton Bradshaw Capital Partners”.

Lidhur me fillimin e tregtimit të aksioneve në AIM, Gilbert ka thënë se ky është një hap i madh në zhvillimin e “Fox Marble”.

“Unë do të doja t’i mirëpres të gjithë aksionarët tanë të rinj dhe të shohim se Fox Marble bën përparim të shpejtë drejt prodhimit dhe përpunimin e mermerit cilësisë më të lartë", ka potencuar ai.

Fox Marble është një Holding Kompani angleze, të cilës i është dhënë licenca minerare për pesë gurore të mermerit të mbuluara me një sipërfaqe prej rreth 239.000 metra katrorë në Kosovë, përkatësisht në rajonin e Pejës, Rahovecit etj.

Drejtuesit e kompanisë planifikojnë të fillojnë operacionet fillimisht në dy guroret e grupit, për të ndërtuar një fabrikë të përpunimit të mermerit dhe të zhvillojnë rrjetin e shitjes së mermerit, ndërsa dy gurore tjera planifikohet të hapen në gjysmën e parë të vitit 2014.

“Grupi synon të shesë një sasi të kufizuar të blloqeve mermerit të papërpunuara për të gjeneruar rrjedhje të hershme të parasë, ndërsa ndërtimi i fabrikës për përpunimin e mermerit parashihet të zgjasë 10 muaj.

Grupi do të përqendrohet kryesisht në shitjen e pllakave të mermeri të lëmuar, të cilët do të kenë destinim industrinë e ndërtimit dhe atë dekorative në të gjithë botën”, bëhet e ditur nga drejtuesit e “Fox Marble”.

Mjedis atraktiv për investime

Një raport i përgatitur nga Associates Golder Limited nga Mbretëria e Bashkuar bënë të ditur se këto gurrore posedojnë mermer të cilësisë së lartë.

Tregu i Kosovës po ashtu shihet atraktivë për investitorët e huaj, pikërisht si një mjedis me kosto relativisht të ulët prodhimit.

Në menaxhmentin e Fox Marble, përpos Christopher Gilbert, është edhe ish kryeshefi ekzekutiv i PTK-së, Etrur Rrustemi, si drejtor menaxhues, i cili tashmë e ka ndërruar mbiemrin në Albani(Etrur Albani).

Drejtore financiar është Fiona Hadfield e diplomuar në Oxford University. Ajo ka punuar më herët në kompaninë e njohur “Deloitte”.

Ndërsa pjesë e Bordit joekzekutiv të kompanisë janë: Andrew Allner, kryesues i Marshall Plc, Sir Colin Terry KBE CB DL, kryesues i Meggitt Plc dhe Roy Harrison OBE, kryesues i “ Renew Holdings Plc”, një ortakëri private që këshillon për investime në Mbretërinë e Bashkuar në sektorin e materialit ndërtimor.

/Zeri/

http://www.eciks.org/shqip/lajme.php...s&main_id=1761

[Lum Lumi]

Eksportohet kontingjenti i parë i këpucëve “Made in Kosova” për në BE


Publikuar: 25.09.2012 - 14:50

Suharekë, 25 shtator - Aleanca Kosovare e Bizneseve ka marrë pjesë në përcjelljen e kontingjentit të parë të këpucëve për eksport në Itali, nga fabrika e këpucëve “Solid SHPK” nga Suhareka. Kjo kompani ka 150 punëtorë dhe kapacitete prodhuese 2000 palë këpucë në ditë.

Kjo kompani, përveç që prodhon këpucë për tregun vendor, pretendon të jetë edhe në tregun rajonal dhe në atë evropian. Nga ambientet prodhuese ajo sot nisi kontingjentin e pestë të këpucëve për eksport, kësaj radhe për tregun italian, për kompaninë prestigjioze “GEOX”.

http://koha.net/?page=1,3,116550

[Ermir]

Atehere po kaloj njehere ne Janar te shitorja e GEOX qe kam me afer

[Arbenit]

Originally Posted by Lum Lumi

http://koha.net/?page=1,3,116550

Para disa vjeteve, ne Benaf, i kom pase ble nje pale kepuce te Solidit te Suharekes - 25 euro. M'pat pelqy dizajni. Tre vjet i kom mbathe intenzivisht. Shume/shume i knaqun me to u pata nda.

[Lum Lumi]

Originally Posted by Arbenit

Para disa vjeteve, ne Benaf, i kom pase ble nje pale kepuce te Solidit te Suharekes - 25 euro. M'pat pelqy dizajni. Tre vjet i kom mbathe intenzivisht. Shume/shume i knaqun me to u pata nda.

Une s'paskam ndegju kurre per kete firme, po nashta i blej edhe une vec me i provu. Nese e kane kualitetin e pranueshem per GEOX, e kane edhe per mu.

[Pejoni]

Lajm i mir, kepucat Geox jan kualitet.

[Plisat]

ASK Food ka fillu me Export ne Suedi
https://www.facebook.com/photo.php?f...type=3&theater

[Plisat]

Originally Posted by Lum Lumi

Une s'paskam ndegju kurre per kete firme, po nashta i blej edhe une vec me i provu. Nese e kane kualitetin e pranueshem per GEOX, e kane edhe per mu.

Keta Lumi kane bere edhe cizme/mbathje per TMK e tani per Forcat e Sigurise...