Macedonian Economy | Македонска економија

[new wave]

Догодина предвидени 500 милиони денари за изградба на ТИРЗ
30.10.2011 - 15:59 | Бизнис
„Џонсон контролс“ за 10 дена почнува со префрлање на машините во постоечкиот објект на „Македонска“ во Штип и со пробно производство, информира на денешната отворена владина седница Виктор Мизо, директор на Технолошко индустриската развојна зона (ТИРЗ) Бунарџик.


Тој најави дека од почетоткот на наредната година ќе бидат вработени 300 луѓе кои по обучувањето ќе се вклучат во производниот процес на фабриката на „Џонсон контролс“ во Штип.

Во ноември треба да дојде опремата и на кинеската компанија „Хајер“ за склопување монитори и телевизори. Во изминатите денови се оджани состаноци со престваници на „Хајер“ за деталите на инвестицијата.

На седницата беше укажано дека без проблеми течат работите и во врска со другите странски иневстиции кои се реализираат во Македонија.

Мизо информира и дека за 10 дена ќе биде објавен повик за концеционер за јавно-приватно партнерство за ТИРЗ Тетово.

Вицепремиерот и министер за финансии Зоран Ставрески рече дека во Буџетот за 2012 година се издвоени околу 500 милиони денари за ТИРЗ, или за 190 милиони денари повеќе од годинава. Тоа ќе овозможи да се интензивира тековната изградба и да почне реализацијата на планираните зони и другите градови. Такви зони, како што посочи премиерот Никола Груевски, се предвидени и во Гевегелија, Радовиш, Струга, Кичево, Прилеп, Струмица и Ранковце.

[new wave]

Фестивал на органска храна, Македонија лидер на органско производство во регионот
29.10.2011 - 08:45 | Бизнис
Производството на органска храна стана препознатливо земјоделско призводство и се подостапно за граѓаните, рече министерот за земјоделство, шумарство и водостопанство Љупчо Димовски на отворањето на првиот фестивал на органска храна во Македонија што денеска се одржува на плоштадот „Македонија“ во Скопје под мотото „Од природата за мене“, а во организација на Град Скопје и Министерството за земјоделство, шумарство и водостопанство во соработка со Федерацијата на производители на органски производи.


Според министерот Димовски, во Република Македонија евидентиран е континуиран раст и развој на органското производство. - Во 2010 Министерството за земјоделство, шумарство и водостопанство го евидентира најголемиот раст на овој сектор и по бројот на производители и по сертифицираната производствена површина. Од 321 сертифициран производител на органска храна во 2009 година, лани нивниот број достигна 562. Сертифицираната производствена површина само за една година се зголеми повеќе од три пати, односно од околу 1.400 хектари во 2009 на 5.225 хектари минатата година, информира Димовски.

Само за една година, како што рече, за над 2.300 хектари зголемена е површината за органско производство на житни култури. Од 180 на околу 1.000 хектари зголемена е површината за органско производство на фуражни култури, а минатата година евидентирани се дополнителни 50 хектари на градинарски култури во споредба со претходната година.

- За една производствена година голем раст е евидентиран и кај органското лозарство. Во оваа гранка од околу 60,4 хектари во 2009 година, лани површината за органско грозје се зголемила на рекордни 244 хектари. Кај производството на органско овошје забележан е раст од 123 хектари, истакна ресорниот министер.



Голем раст во изминатата година, според него, бил забележан и во делот на органското сточарство. - Во органското говедарство лани, во споредба со 2009 година, бројот на грлата е зголемен за над две илјади, колку што приближно е и зголемувањето на грлата кози кај фармерите кои се сертифицирале и го почнале процесот на сертификација на производството. Рекордно е зголемувањето на бројот на органски овци од 22 илјади на речиси 100 илјади, рече Димовски.

Како резултат на зголемувањето на интересот на органско производство и на бројот на фармери, Владата на Република Македонија и Министерството за земјоделство, шумарство и водостопанство ја зголемува финансиската поддршка. – Во 2010 година, според Програмата за финансиска поддршка во земјоделството на органските производители им беа исплатени субвенции во висина од еден милион и 161 илјади евра. Годинава од буџетот за поддршка на органското производство одвоени се повеќе од еден милион и 780 илади евра, нагласи Димовски.

Тој упати порака на производителите, преработувачите, трговците и на потрошувачите на производи од органско производство дека Република Македонија, со природниот потенцијал со кој раполага за развој на органското производство, но и со посветеноста на земјоделците и институциите на системот за развој на оваа гранка која и во светски рамки е се поатрактивна, оправдано го заслужува епитетот лидер на органско производство во регионот.

На еднодневниот фестивал, што ќе трае до 18 часот, ќе се претстават 30-тина производители на органска храна од земјата и регионот, кои ќе обезбедат вкусна, природна, органска храна за дегустација, а во забавната содржина ќе биде вклучена музичка програма во рамки на која ќе настапи групата „Мама бенд“. Ќе се одржи и кулинарско шоу со Дени и „Четири сезони“, а ќе има и забавна програма за деца.

Целта на Фестивалот е да го нагласи големото значење на природните, органски производи за унапредување на здравјето на сегашните и на идните генерации, но и одржувањето на биодиверзитетот.

[new wave]

Сарачини најави наскоро изградба на Чебрен и Галиште
02.11.2011 - 12:07 | Бизнис
Министерот за економија Ваљон Сарачини денеска изјави дека очекува наскоро да започне процедурата за изградбата на големите хидроцентрали Чебрен и Галиште.


- Верувам дека пролонгираниот рок до 15 декември за апликации на јавниот повик за нивна изградба ќе биде и конечен и оти ќе завршиме со фамозниот проект кој датира од пред 40 години. Рокот беше пролонгиран по барање на потенцијалните апликанти за да подготват поквалитетна понуда. Имаме индиции дека има заинтересирани и очекуваме до 15 декември овој голем проект да се реши, изјави Сарачини на паузата на Работилницата за анализа на енергетската политика и планирање во Македонија, огрганизиарна од УСАИД.

Тој посочи дека имал средба и со хрватскиот експерт Горан Граниќ од институтот „Хрвое Пожар“ за проектот Вардарска долина, кој му пренел дека треба да се подготви предфизибилити студија за прецизно да се утврдат сите карактеристики на проектот. Потоа да се изработи физибилити студија и на крај Владата да ги дефинира конкретните чекори што би ги презела со кинезите со кои беше потпишан Меморандум за соработка за Вардарска долина.

Академик Григор Каневче смета дека роковите зададени во Стратегијата за енергетика за изградба на стратешките енергетски објекти може да се реализираат во дадените рамки кои дозволуваат пролонгирање на изградбата за година или две, но не повеќе. Според него, до 2030 година Македонија нема да може да изгради нуклеарна централа дури и ако веднаш почне со интензивни подоготовки.

- Македонија мора да ги зголеми инвестициите во енергетиката и навреме да се започнат и завршат сите активности предвидени со Стратегијата согласно временскиот план. Не може да очекува да не инвестира во енергетскиот сектор, а цената на енергијата да опаѓа. Напротив мора да се инвестира за цената да опаѓа, а компаниите за да инвестираат мораат да имаат реална цена за енергијата, изјави академик Каневче.

Секое доцнење па макар и од година до две, истакна, би значело значително зголемување на увозот на енергија, а со тоа и зголемување на цената на енергијата.

На денешната Работилница се презентриаа дел од резултатите добиени со пресметки спроведени со МАРКАЛ моделот кој во Македонија се развива со помош на УСАИД.

- Станува збор за моќна алатка што овозможува спроведување на голем број различни анализи за можни развои на енергетиката во Македонија и за цената на одредени сценарија. Покрај тоа, дава оценка за бенефитите кои се добиваат од дадените сценарија како што се поголемото искористување на обновливите извори на енергија, зголемување на енергетската ефикасност и намалување на емисијата на стакленичните гасови во атмосферата со задоволување на потребите од сите врсти на енергија за периодот кој се анализира, појасни академик Каневче.

Во овој момент, нагласи, во Македонија се анализира развојот на енергетиката до 2030 година, а во следната фаза ќе се анализира се до 2050 година.

Џон Герисен од Канцеларијата за енергетика и инфраструктура на УСАИД во Вашингтон рече дека целта на денешната работилница е да се разгледаат резултатите од моделирањето кое беше користено за анализи на трошоците и користите од енергетските политики кои во моментов постојат во Македонија.

- Оваа активност е дел од регионалната програма на УСАИД што се имплементираше во 11 земји членки на Енергетската заеница за зајакнување на нивните капацитети во рамките на стратешкото планирање во секторот енергетика преку користење на софтверската програма МАРКАЛ/ТАЈМС. Таа програма се користи и во повеќе од 70 земји во светот, како и од ЕУ и САД и преку неа можат да се оценат користите и трошоците од енергетските политики и да се направи нивно моделирање, изјави Герисен.

Во Македонија, додаде, моделот го користевме во соработка со Министерството за економија и МАНУ за анлизирање на стратегиите за обновливи извори и за енергетска ефикасност.

[new wave]

Унгарски Телеком ќе инвестира нови 180 милиони евра во Македонија
09.11.2011 - 12:16 | Бизнис
Маџар Телеком наредните неколку години планира да вложи нови 180 милиони евра во Македонија.


Како што соопшти денеска унгарскиот амбасадор Јожев Бенце при посетата на Стопанската комора, исклучително сериозни се заложбите на неговата земја за унапредување на економската соработка со Македонија.

-Унгарија е еден од најголемите инвеститори во Македонија. Светската криза се одрази на билатералната економска соработка, но нашите напори за нејзино интензивирање продолжуваат, рече Бенце.

Телекомуникациите, енергетиката, банкарството, туризмот, земјоделството и гасификацијата се само некои од сферите кон кои ќе се фокусираат идните бизнис активности.

За што подиректна и поефикасна комуникација меѓу бизнисмените и надлежните институции од двете држави, односно нејзино подигнување на највисоко ниво, амбасадорот предлага формирање мешовит стопански комитет.

Бенце од Стопанската комора уште еднаш порача дека Унгарија во целост го поддржува процесот на македонското евроинтегрирање. Македонија, нагласи, мора да ги почне преговорите за членство во ЕУ иако се уште не е надминат проблемот со името. Тоа ќе даде исклучителен импулс за унапредување на економските текови.

- Ќе и дадеме целосна поддршка на Македонија за почеток на преговорите. ЕУ веќе трета година дава согласност дека земјата е подготвена иако се уште не е одреден датум, истакна унгарскиот амбасадор.

Вкупната трговска размена меѓу Макeдонија и Унгарија лани беше 115 милиони евра, а во првите осум месеци од годинава достигна 36,6 милиони долари. Остварен е извоз во вредност од 5,2 милиона, а увозното салдо е 31,4 милиони долари. Според податоците од Стопанската комора, евидентен е негативен биланс од 26,2 милиона долари. Во однос на истиот период од 2010, извозот е зголемен за 11,3 проценти, а увозот е намален за 0,8 отсто. Вкупната размена, пак, бележи раст од 0,8 проценти.

Можности за зголемување на размената постојат во информатиката, управувањето со отпад, третманот со отапдните води, пазарот на недвижност.

Покрај инвестирањето, велат од Комората, двете економии треба да соработуваат и во производството наменето за трети пазари, како и заеднички да наспатуваат пред европските фондови.

[new wave]

Фабриката за амортизери „СТД“ од Нов Дојран ја испорача првата извозна пратка за Централноафриканската земја Буркина Фасо и со тоа направи продор на пазарот од овој континент.


Увозник на првите 420 парчиња хидраулични амортизери, кои претставуваат иновативен дострел на основачот на фирмата „СТД“ Стојче Тасев, е фирмата „ТЦВ Бус“ од Буркина Фасо.

- Соработката со оваа фирма ја почнавме заедно со холандската Амбасада во Македонија и нивната организација „ПУМ консалт “ чии стручни лица посредуваа во бизнис контактите со транспортни фирми од Африка и Јужна Америка. Најбрз одговор за деловен контакт добивме од сопствениците на транспортната компанија „ТЦВ Бус“ кои пред два месеци престојуваа во Дојран со цел да се запознаат со нашето производство и квалитетот на изработката, вели управителката на фабриката - Теодора Каракашева.

Фабриката за амортизери “СТД“ од Нов Дојран постои веќе 28 години и претставува етаблиран извозен бренд од Дојран, со самиот факт што нивната иновација “хидрауличниот телескопски амортизер“ стекна масивна употреба за потребите на големи транспортни компании од земјите на поранешните југословенски простори и Балканот - Србија, Црна Гора, Босна и Херцеговина, Бугарија и Грција.

Годинава, по неколкугодишна соработка со „Македонски железници“ на репарација на нивните амортизери, за првпат почнуваат да произведуваат и испорачуваат специјално изработени амортизери за вагони за потребите на „МЖ“.

Тоа значи усвојување на нова производна линија за железнички транспортни возила, покрај веќе постојните 450 различни видови на амортизери, осовини и специјални делови за сите видови возила што се дел од производниот програм на фабриката „СТД“.

Продорот на африканскиот континент и контактите за соработка со Јужноамерички компании се потврда за веќе добиените домашни и меѓународни признанија: Награда за најуспешна иновација 1985 година и Меѓународна награда за најдобра иновација за 2010 година за што ја доделува Министерството за образование и наука при Владата на Романија.

[new wave]

Скопје сити мол - нова инвестиција во Македонија
11.11.2011 - 14:55 | Бизнис
Седумдесет милиони евра е новата инвестиција што ќе се реализира во Македонија. Скопје Сити мол е нов шопинг центар за кој инвеститорот Балфин МК обезбеди финансиски средства за негова доградба од конзорциум од европски и локални банки.


Средствата ги обезбедува Комерцијална банка, Рајфајзен банка од Албанија и Европската банка за обнова и развој, чии претставници денеска ги потпишаа договорите, а на што присуствуваше и вицепремиерот и министер за финансии Зоран Ставрески.

ЕБОР обезбеди 18,9 милиони евра, 20 милиони евра Рајфајзен банк од Албанија и осум милиони Комерцијална банка АД Скопје.

Според Балфин МК, со денешното потпишување на договорите се осигурува натамошната работа на трговскиот центар, кој зад себе ја остава првата фаза од изградбата. Лоциран е меѓу булеварите „Партизански одреди“ и „Илинденска“.

- Задоволство ни е од обезбедената поддршка од страна на ЕБОР, Рајфајзен банка и Комерцијална банка. Довербата на банките при инвестирањето на значителни финансиски средства потврдува дека идејата и визијата на Балфин МК за инвестирање во Скопје Сити Мол е оправдана и економски издржана. Новото уметничко дело трговски центар од 70 милиони евра ќе стане симбол на просперитет и ново обележје со кое ќе се воспостави патот за идни внатрешни и надворешни инвестиции и промовирање на довербата во економската иднина и просперитет на новата Македонија која доаѓа, рече Питер Варедн, главен извешен директор на Балфин Мк.

Инвестицијата на ЕБОР од 18,9 милиони евра е прва инвестиција во македонскиот сектор на недвижности и малопродажба и според директорот на банката за Западен Балкан Клаудио Виецоли е поддршка на развојот на малопродажната инфраструктура и силен сигнал за банките кои учествуваат.

За Рајфајзен банката од Албанија, ова е, исто така, прв проект кој го поддржува во Македонија и е многу добар сигнал за соработка во банкарскиот сектор. - Учеството во овој меѓународен проект е прво искуство од ваков тип на Рајфајзен банка Албанија и сигурни сме дека ќе биде почеток на успешна и плодна соработка со нашата банка партнер од Македонија, истакна Александер Золнаи, заменик-претседавач на Одборот на директори на Рајфајзен банка Албанија.

Директорот на Комерцијална банка Хари Костов истакна дека е задоволство да се учествува во проектот и со тоа успеале да покажат дека е можна и заедничка соработка и финансирање на еден поголем проект со такви институции како што се ЕБОР и Рајфајзен банка.

Потпишувањето на договорот го поздрави министерот за финансии Зоран Ставрески кој истакна дека оваа инвестиција во Македонија која доби поддршка од конзорциум од меѓународни и домашни банки покажува дека во земјава има добри претприемачи, кои имаат добри идеи и дека има солидна бизнис клима за инвестирање.

Трговскиот центар, кој според инвеститорот ќе биде најмодерен и најголем во Македонија, ќе има 90.000 метри квадратни површина, распределени на три нивоа и катна гаража од 1.300 паркинг места, 150 продажни места со различна големина, потоа простор од 4.600 метри квадратни за хипер маркет во кој ќе биде сместен бренд кој досега не е присутен во Македонија. Ќе има простор за рекреација, кино сали, кугларници, ресторани... Официјално треба да почне со работа следната година во октомври, а ќе отвори нови 1000 работни места.

[new wave]

Странска инвестиција во европски универзитет
11.11.2011 - 17:00 | Македонија
Европскиот универзитете се шѓири со странска инвестиција и станува дел од светски признат универзитет, кој ќе биде партнер на Европски по системот на заеднички вложувања.


Сличен таков пример на универзитет во регионот е Шефилд во Солун. На овој начуин Европскиот УНиверзитет ќе има индекс на домашен и странски универзитет, со на пример овдешните и студентите во Лондон ќе имаат исти права и обврски. За да се постигне стандардот, во СКопје ќе предаваат домашни, но и странски професори.

За реалицаија на овој голем и радикален исчекор во подобрување на приватното високо образование, ЕВропски ќе вложи 12 милиони евра. Дел од овие пари ќе бидат обезбедени како кредити, а дел со продажба на имот, кои се директна или индиректна сопственост на Европскиот Универзитет. За таа цел, ќе се прдоава Телевизија АБ Канал, печатницата АБЦ Принт, како и некои индустриски капацитети, кои се вопственост на Бојо Андрески.

Она што засега е сигурно е дека во Македонија за прв пат како партнер на Европскиот Универзитет ќе се појави Универзитет од Лондон или Универзитет од САД. Со ова, велат од Европски радикално се менува понудата за македонските студенти, која со странски професори дава англиски или американски стандарди, со што по кквалитет образованието ќе се израмни со престижните универзитети, како во Солун, Австрија, Англија, Сад, каде што досега студираа македонски грагани.

Марјан Николовски

[new wave]

Принцот Мајкл од Кент фасциниран од македонското земјоделство
12.11.2011 - 10:38 | Бизнис
Кралските британски семејства се фасцинираат од македонското земјоделство и рударство.


При посетата на премиерот Груевски во Лондон, принцот Мајкл од Кент, активен во бизнисите во Европа и Азија пред британската бизнис заедница, нагласил дека овие сектори се недоволни истражени од инвеститорите.

Груевски при своето обраќање го истакнал инвестицискиот циклус, како и останатите поволности за водење бизнис во земјата.

Како потврда за тоа, посочил премиерот е и последниот извештај на Дуинг бизнис каде Македонија е рангирана на 22-то место, како земја меѓу топ реформатори и поволна бизнис дестинација.

- Владата во континуитет работи на подобрување на бизнис климата и условите за работа, еднакво за домашните и странските компании, и води стабилна макроекономска политика, рече премиерот Никола Груевски.

Премиерот ги презентирал поволностите и за технолошко индустриските развојни зони, ги посочил инвестициите на странските компании.

Дека ова е вистина ги повикал британските бизнисмени сами да се уверат.

На средбата со принцот од Кент, биле разгледани и можности за продлабочување на взаемната соработка на повеќе полиња, меѓу Македонија и Велика Британија..

Марина Доковска

[soncen]

Do you have any post in English language?

[new wave]

Инвестирани нови 15 милиони евра во Шпаркасе Банка Македонија
15.11.2011 - 14:11 | Бизнис
Австриската групација Штаермеркише шпаркасе инвестираше нови 15 милиони евра во Македонија преку зголемување на капиталот на Шаркасе Банка Македонија, со што вкупниот капитал на банката во моментов изнесува 25,4 милиони евра.


Со новата инвестиција, како што соопшти менаџментот на Банката на денешната прес-конференција, ќе се зајакне позицијата на Банката на пазарот, а ќе може да поддржи и повеќе проекти.

- Капиталот сакаме да го искористиме во две цели, за зацврстување на квалитетот на билансот на состојба на Банката и како поддршка на континуираниот раст на Банката зајакнувајќи ја нашата позиција на пазарот како посакуван финансиски партнер за нејзините клиенти, рече првиот човек на Шпаркасе Банка Македонија Срѓан Крстиќ.

Тој додаде дека нивните напори даваат јасни резултати - подобрена е позицијата и банката стана петта банка на пазарот, зголемено е пазарното учество меѓу 4-5 проценти, двојно е зголемен бројот на клиенти на над 110.000. Банката усепа да го зголеми своето кредитно портфолио за 25,3 проценти, како и депозитите на физички лица за 50 отсто. Во последните три години пласирани се кредити во износ од 200 милиони евра, а годинава 80 милиони евра. Ненаплатливите кредити се околу 10 проценти.

Банката, како што истакна Крстиќ, очекува годината да ја заврши со него загуба од 13 милиони евра, кој не е резултат на тековното работерње, туку е акумулиран од претходното работење на банката. Крстиќ потенцира дека таа загуба е покриена со сегашната инвестиција од 15 милиони евра.

Сава Далбоков, член на УО на Штаермеркише Шпаркасе и претседател на Надзорниот одбор на Шпаркасе банка Македонија потенцира дека инвестицијата е неопходна во вакви турбулентни времиња. - Условите на пазарот во исполнети со предизвици и во вакви услови мислиме дека треба да ја зајакнеме нашата банка и да го зголемиме квалитетот на услугите, истакна Далбоков, кој додаде дека загубата нема да влијае негативно врз работењето на Банката.

- Македонија е јадро на пазарот на Штаермеркише во регионот на ЈИЕ. Групацијата тука е пристуна три години и е долгорочен стратешки инвеститор, рече Долбоков.

Групацијата има околу 2 милиона клиенти и 6.000 вработени, а во Македонија бројот на вработени е 299.

[new wave]

Бизнис форум за Македонија во Вашингтон
15.11.2011 - 10:14 | Бизнис
Министерот за странски инвестиции Бил Павлески вчера во Вашингтон учествуваше на бизнис форумот „Македонија – најконкурентна европска бизнис дестинација“,кој го организираше македонската Амбасада во САД.


Министерот Павлески во своето обраќање пред присутните претствници на американски компании ги претстави можностите за инвестирање во Македонија, како и предностите на нашата земја. Тој при тоа потсети на последниот извештај на Светската банка „Водење бизнис 2012“, на најновиот Индекс на економска слобода, како и на други економски показатели кои Македонија ја прават да биде една од најконкурентните бизнис дестинации во Европа. Павлески ги истакна клучните економски индикатори според кои Македонија има економска и финансиска стабилност со висок потенцијал, нема трговски бариери, и има лесен пристап до сите западноевропски земји и до сите пазари.

Министерот исто така нагласи дека во Македонија има високообразована млада работна сила со висок степен на лојалност, а во ондос на инфлацијата потсети дека е стабилна.

Павлески присутните ги запозна и со технолошките индустриски развојни зони преку кои производителите, меѓу другото, можат лесно да се прошират и на други пазари.

Како едни од најатрактнивните сектори за инвестирање министерот за странски инвестиции ги претстави информаичко комуникацискиот сектор, туризмот и енергетскиот сектор.

- Приоритет на Република Македонија во однос на странските инвестиции до сега било главно да привлече што поголеми компании кои би инвестирале во идустриските зони за да се отворат погони за производство воглавно поврзани со автомобилската индустрија, електронската индустрија и машинско-технолошката индустрија. Но Вашингтон е претежно политички и консултанстки регион, нема некоја тешка индустрија и затоа на овој форум понудивме и некои други индустрии во сферата на информатичката технологија, во сферата на финансиската индустрија за развивање „аутсорсинг“ што значи дека некои проекти можат да се донесат во Република Македонија како центар на прилично конкурентна и високообразована работна сила, изјави Павлески по форумот.

Тој додаде дека Македонија има голем потенцијал и за развивање на туризмот, но и за енергетски проекти кои македонската Влада планира да ги сработи во следните години. Нагласувајќи дека Македонија има добра стратешка соработка со американски компании со Владата на САД, Павлески изрази надеж дека добриот имиџ на Џонсон Контролс повеќе ќе се прошири што ќе придонесе за привлекување и на други американски компании кои би инвестирале во нашата земја.

- Во Македонија е можен втор бран инвестиции, односно компании што инвестирале во региони кои нуделе поволни услови пред 10-15 години како што се Полска, Чешка и некои од југоисточните европски земји, тие бенефиции веќе ги немаат затоа што се дел од ЕУ и нивниот животен стандард е доста кренат и така некои од овие комании веќе бараат поатрактивни места за правење бизнис. Македонија е едно од најатрактвните места во регионот што може да им понуди добри услови. Моментално правиме анализа кои би можеле да бидат тие компании и се насочуваме кон нив за да ги привлечеме кај нас, рече Павлески.

На форумот во Вашингтон говореше и директорот на Агенцијата за странски инвестиции Висар Фида кој ги претстави таргет секторите за странски ивестиции: машински и автомобилски компоненти, информатичко комуникацискиот сектор, здравствениот сектор во кој спаѓа и производството на медицински апарати и фармацијата, земјоделството и индустријата за преработка на храна, текстилниот сектор и културниот туризам.

Фида по форумот информира и за средбите што македонската делегација ги има во Вашингтон со потенцијални американски инвеститори. Еден од нив е и европска компанија со седиште во САД која решава проблеми со отпад и во тој процес произведува продукти како алтернативно гориво со што се решаваат два проблеми: отпадот се расчистува и од пластиката се произведува гориво. На форумот се обратија и македонскиот амбасадор во САД Зоран Јолевски, директорот на центарот за меѓународна трговија и економија во фондацијата „Херитиџ“ Тери Милер, експертот од Светска банка Жељко Богетиќ, како и Марк Стакхарт од ОПИК - американска владина агенција која ги субвенционира проектите во странство на американските компании.

По форумот се одржа традиционалниот концерт по повод Денот на благодарноста со кој годинава се одбележаа и 20 години независност на Македонија. На концертот настапија баритонот Борис Трајанов, пијанистот Бобан Мирковски и Венко Серафимов и Александар Икономов на гитари.

[new wave]

Белгиски компании заинтересирани за бизнис во Македонија
19.11.2011 - 13:16 | Бизнис
Белгиски сопственик на текстилна фабрика кон крајот на ноември доаѓа во Македонија со цел да воспостваи конкретни бизнис релации со македонска сестринска фирма, потврди министерот советник на Македонската амбасада во Кралството Белгија Даим Илјази.


Согласно заложбите на Владата на Република Македонија и економските активности на Амбасадата, рече Илјази, од почетокот на годината имаме посетено 70 фирми, од кои десет од изразија итерес за проширување на своите бизниси во Македонија.

Најголем интерес и понатаму има во секторот на градежната индустија, туризмот, хотелијерството и во винарството.

- Во тек се и подготовките на економскиот форум кој ќе се одржи на 6 декември во Брисел, а на кој за погодностите за инвестирање во Македонија ќе говори премиерот Никола Груевски, информира амбасадорот на Република Македонија во Белгија Мухамед Халили, јави дописникот на МИА од Брисел.

Ова е втор економски форум, и кога би се направила компарација со предходниот, кој се оддржа во 2009 година, посочи Халили, овој пат е изненадувачки зголемен бројот на фирмите кои и сами се пријавуваат за учество, несмомнено и пред се поради светскиот терк по кој Владата на Република Македонија ја води економската дипломатија.

[Macedonia]

Austrian, German business communities to be presented with Macedonia's investment conditions


Skopje, 20 November 2011 (MIA) - Macedonia's investment opportunities will be presented on November 21-24 in three European cities by a government delegation, led by Premier Nikola Gruevski.

Investment opportunities will be presented before business communities in Vienna (Austria) and Munich and Dusseldorf (Germany). Activities carried out by the government to improve the business climate, benefits provided by technological and industrial zones are going to be presented as well as activities aiming at promoting Macedonia as an investment destination.

Austria is one of the leading investors in Macedonia with an influx of foreign investments of 371.9 million euros between 1997 and 2010 and takes the prime spot according to the influx of foreign direct investments from 2005 to 2010. This year, the influx of investments stands at 10 million euros. Austrian capital has been invested in telecommunications, banking sector, insurance and other areas.

Interest have been shown for investments in energy sector, agriculture, automotive industry, business services, pharmaceutical industry, construction, tourism and infrastructure.

Trade exchange with Austria in the first seven months of 2011 stands at 98.004.000 US dollars, with deficit on Macedonia side.

German direct investments until 2010 are in amount of 71.370.000 euros i.e. 2.98% of total foreign direct investments in Macedonia. 0.11 million euros have been invested this year mainly in textile and metal industry and transportation.

Germany is expected to invest in Macedonia in several sectors - automotive industry, IT, agriculture, business, energy, tourism, construction and infrastructure - taking into consideration the favourable bilateral trade ties, country's support of Macedonia's economic reforms and its EU accession bid.

Germany is one of Macedonia's most important trade partners. Total trade exchange this year is 1.110.150.000 US dollars with a surplus on Macedonian side.

In Austria, PM Nikola Gruevski will meet with Austrian Chancellor Werner Faymann, President of the Austrian Federal Economic Chamber, Christoph Leitl. He is also scheduled to take part at a Macedonian-Austrian business forum and to address the Vienna Economic Forum.

In Germany, PM Gruevski will deliver addresses at forums in Munich and Dusseldorf and he is expected to hold talks with Bavaria's State Minister for European and Federal Affairs, Emilia Mueller and with Executive Director of the Committee on Eastern European Economic Relations, Rainer Lindner.

Both Austria and Germany are strong supporters of Macedonia and urge a date for start of EU membership talks to be fixed.

PM Gruevski is accompanied by Vice PM for Economic Affairs, Vladimir Pesevski, minister without portfolio Vele Samak, Director of the Agency for Foreign Investments and Export Promotion Visar Fida and Director of the Directorate for Technological and Industrial Development Zones Viktor Mizo.

[Macedonia]

At least 10 Belgian companies interest in expanding their businesses in Macedonia


Brussels, 19 November 2011 (MIA) - Belgian owner of a textile plant is expected to visit Macedonia in late November in order to establish business ties with a sister company from Macedonia, said Daim Iljazi - Minister Counselor at the Macedonian Embassy in Brussels.

"In compliance with government's efforts and embassy's economic activities, we have visited 70 firms this year so far. 10 firms have showed interest to expand their business operations in Macedonia," Iljazi stated.

There is great interest in the field of construction, tourism, hotel management and wine industry.

"Preparations for a business forum, which is to be held on December 6 in Brussels, are under way. Premier Nikola Gruevski is expected to present Macedonia's business opportunities," stated country's Ambassador to Belgium, Muhamed Halili, MIA's correspondent reports.

Brussels hosted the first business forum in 2009. "This year, the number of firms willing to participate is impressive, most likely as a result of how the Macedonian government is running its business diplomacy, Halili said.

[Macedonia]

2012 projection appropriately made, economic growth of 4.5% can be achieved - FinMin

Skopje, 20 November 2011 (MIA) - Next year's projection has been made in an appropriate manner, but everything depends on circumstances within Europe's economy. Provided there are at least stable conditions, since we have shown this year that an economic growth higher than the one projected can be achieved, then a 4.5% growth can be realised in 2012.

This was stated Sunday by Vice PM and Finance Minister Zoran Stavreski, who together with Gjorce Petrov municipal mayor Sokol Mitrevski signed an agreement financing the project "Reconstruction of Old and Construction of New Service Streets" throughout the municipality.

"Nowadays, all mayor economic factors must underline that risks threatening the economic growth exist. The economy of Europe is in question and everything depends on whether adequate solutions to the debt crisis will be found in developed countries. It is expected that Macedonia's economy - with its support from the budget, through capital investments and with direct backing of 150 million euros from the European Investment Bank - can deliver the envisaged economic growth," Stavreski stated.

The budget is mainly funded by taxes, excise tax and duties, the minister told reporters. "In past months, the budget was filled up relatively well i.e. revenues are in compliance with projections. I expect projections to be met by year's end, thus resulting in the envisaged budgetary policy to be realised without problems. In any case, in terms of expenditures capital investments are realised better this year, which creates an additional pressure over the budget, but it's positive pressure," Vice PM Stavreski underlined.

[Macedonia]

Economic cooperation between Macedonia and Russia on the rise


Skopje, 21 November 2011 (MIA) - The economic cooperation between the Republic of Macedonia and the Russian Federation slowly but certainly is on the rise. The trade exchange is close to US$600 million for only nine months of this year, Dejan Besliev, director of the Macedonian - Russian Economic Chamber said in the interview with ITAR-TASS.

- Prior to 2009 crisis, the trade exchange reached overall scope of US$960 million, although the ratio was absolutely in unbalance, Macedonian side participated only with US$30 million export. Afterwards world economic crisis followed which caused huge fall in scope of trade exchange. But in the past two years the cooperation is again on the right track and in just only nine months the trade exchange amounted US$600 million, Besliev said.

He said that inter-governmental commission for trade-economic and scientific-technical cooperation has crucial role in creation of conditions for cooperation.

Besliev said that Macedonia has made significant progress in creation of conditions for attraction of investments.

- Programme for attraction of foreign investments is giving results day after day which leads to increase the number of new investors. We want to encourage potential new investors to consider investing in Macedonia in tourism, wine and agriculture sector, energy and industrial production which has successful tradition in cooperation with Russian partners, Besliev said.

Macedonian-Russian Economic Chamber was formed in 2005. The main difficulties that are facing with are continuous exchange of data with Russian partners in regard to law regulations, business demand and offer by companies in the two countries.

[new wave]

Нова австриска инвестиција во Македонија
22.11.2011 - 15:03 | Бизнис
Владиното роуд шоу во Австрија финишираше со нова инвестиција. Текспорт, компанија која веќе има два погона во Скопје и Кочани, ќе гради фабрика за изработка на заштитна облека во Виница.


Инвестицијата е околу милион евра, а ќе донесе над 200 вработувања.

- Дојдов во 97-та во Македонија кога видов дека има потенцијал на работната сила и потенцијал да произведуаат ваква висококвалитетна облека. Многу сум задоволен од работната сила која ја користам и мислам дека луѓето треба да и натаму да се квалификуваат за да може да се обезбеди натамошниот развој на бизнисот, рече Отмар Шнајдер, директор на Текспорт.

- Овие форуми се јористат за воспоставвување иницијални контакти за анимирање на компаниите во државите во кои доаѓаме и за завршување на преговорите или разговорите кои имаат одлучено да инвестираат во Макдонија. Најавата за инвестиција во Виница е нешто што во предизборието го кажавме и денеска беше објавено дека одлуката на команијата да инвестира е конечна, изјави Владимир Пешевски, вицепремиер за економски прашања.

Реформи, даночни поволности, стабилна макроекономија и ниска задолженост. Овие адути ја прават Македонија привлечна за инвестиции, им порача владиниот тим на околу 140 австриски компании присутни на македонско австрискиот бизнис форум.

- Нашата Влада во изминатите неколку години превзема голем број темелни, сеопфатни и крупни реформи со кои си поставивме за цел да ја направиме Македонија земја со најниски даноци во Европа, намалени трошоците за работење, едни од најлесните процедури за отворање и водење бизнис, држава во која Владата и институциите се вистински партнер и сервис на странските инвеститори, рече Никола Груевски, премиер.

Проекти во изградба на автопатите вредни околу милијарда евра, капитални инвестиции во енергетиката од близу две милијарди евра и туризмот беа некои од инвестициските можности презентирани пред австриските компании.

Други области за кои постои интерес се фармацијата, автомобилските компоненти, медицинските помагала, земјоделството и прехранбената индустрија.

Австриската јавност можеби не е многу запознаена со Македонија, но сосема спротивното важи за австриската бизнис заедница.

Вака од комората го искоментираа големиот број на австриски стопанственици кои денеска дојдоа да слушнат за Македонија како инвестициска дестинација. Тоа го кажуваат и бројките според кои Австрија е водечки инвеститор во Македонија.

Филип Момировски

[new wave]

Bravo Macedonia odlicni postovi na angliski!

[new wave]

Инвестиции во време на криза
17.11.2011 - 19:09 | Бизнис
Европски успех на македонско подрачје. Данскиот бренд ЈУСК го отвори својот прв продажен салон во Скопје.


Инвестицијата која чини повеќе од милион евра ќе им донесе на македонските граѓани голем избор по прилагодливи цени. ЈУСК освен за данскиот бренд отвори можност и за македонските производители да ги пласираат своите производи во овој продажен салон.

Во прво време ќе се вработат 50-тина лица, а во текот на идната година со отворање на уште 10 нови салони оваа бројка ќе надмине 300.

Јуск е распространет во 34 земји низ светот. Денешното отворање на продажниот салон во Скопје е 1876-тата во целиот свет.

[new wave]

Во октомври прометот во индустријата со пораст од 23,2 отсто
16.11.2011 - 13:46 | Бизнис
Прометот во индустријата во септември годинава во однос на септември лани бележи пораст за 23,2 отсто.


Според податоците на Државниот завод за статистика, прометот во индустријата остварен на домашниот пазар бележи пораст од 7,5 отсто, а прометот на странските пазари пораст од 35 отсто.

Гледано по сектори, прометот во индустријата во секторот Рударство и вадење камен бележи опаѓање од 3,1 отсто, а во секторот Преработувачкаиндустрија бележи пораст од 24,7 отсто.

Според главните индустриски групи, прометот бележи пораст кај Енергијата за 19,1 отсто, Интермедијарни производи, освен енергија за 5, отсто, Капитални производи за 186,5 отсто, Трајни производи за широка потрошувачка за 66,5 отсто и Нетрајни производи заширока потрошувачка за 12,7 отсто.

Прометот во индустријата во септември во однос на август 2011 година, бележи пораст од 14 отсто, додека во периодот јануари-септември 2011, a во однос на периодот јануари-септември 2010, прометот бележи пораст од 25,1 отсто.