[RKS] Rrugë dhe Autoudhë | Highways and Motorways

[Bohem]

Originally Posted by Pejoni

A qysh nuk e more me veti.

+1

[shpirtkosova]

qysh me doket ka me kan si shpejti nje pune e lodhshme per Buddyin kur ja fillon autostrada! Duhet donacione, gjithqka eshte e mirepritshme... benzina nuk eshte fal kto dit jo!

[Buddy Holly]

M2 Prishtine - Mitrovice (drejtimi per ne Prishtine).

Kah fundi i videos shihet nje majmun me automjet qe shkon ne ANEN E KUNDERT ne rruge kombetare edhe mendon se e ka mire...

[Kosovaar]

Vijat e rruges hala nuk i paskan shtrue a ?

[Buddy Holly]

Jo, i kane bo po jon fshi.. plus qe jon te perkohshme, se rruges do ti shtrohet edhe nje shtrese asfallt.

[Kosovaar]

Ahh, ok

[Pejoni]

Tilifar budall neper rruge, flm per video Buddy!

[shpirtkosova]

Tulifar katundari si Locoos tu shetit udhve tkosoves.

[berkut777]

Abducted, it is damn, God looks at all

[Buddy Holly]

Dosja e tenderit parasheh 659 milionë euro për “Bechtel-Enkan”

Prishtinë, 1 prill - Ministria e Transportit sipas dosjes së tenderit për autostradën Vërmicë - Merdar duhet t’i paguajë konsorciumit “Bechtel-Enka”, 659 milionë e 813 mijë e 400 euro e 38 centë. Ky konsorcium është shpallur fitues nga Qeveria e Kosovës më 26 mars të këtij viti.
Kjo shifër është publikuar përmes Njoftimit për dhënie të Kontratës në Komisionit Rregullativ të Prokurimit Publik (KRPP), shkruan sot Koha Ditore. Kjo ka qenë edhe oferta më e favorshme sipas Ministrisë së Transportit. Oferta tjetër, ajo e kompanisë austriake “Strabag” ka qenë 1 miliard e 337 milionë e 955 mijë euro.
Në Ministrinë e Transportit thonë se shumën e pagesës për “Bechtel-Enkan” mund ta ndryshojë vendimi për ndryshimin e trasesë, i cili do të merret kur buldozerët e ‘Bechtelit’ t’i jenë afruar Qafës së Dules.
“Përllogaritja është bërë në paramasën e projektit. Ashtu siç është specifikuar në kontratë edhe pagesa do të bëhet segmente-segmente”, ka theksuar Xhevdet Pozhari, zëdhënës në Ministrinë e Transporteve. Sipas tij një kompani e specializuar do të përzgjidhet për të bërë vlerësimin se nga duhet t’i bjerë traseja e autostradës.
“Kjo kompani do të vendosë se a do të bëhen shpime në Qafën e Duhlës apo do të përdorën forma alternative”, ka thënë Pozhari duke shtuar se kjo mund të ndryshojë koston e projektit të autostradës Vërmicë-Besi.
Qeveria është futur në këto bisedime me ‘Bechtelin’ që të negociohet me këtë konsorcium që një kilometër autostradë të paguhet prej 7,5 deri në 8 milionë euro. Për çështjen e asfaltimit të rrugës më të madhe në Kosovë, Qeveria ka negociuar për dy muaj rresht me përfaqësuesit e konsorciumit amerikano-turk “Bechtel-Enka”. Derisa qeveritarët i kanë rënë në fije se sa duhet t’i paguajnë për ndërtimin e autostradës, ata ende nuk kanë skenarin se si do t’i sigurojnë mjetet për ta paguar kontraktuesin.
“Do të angazhojmë financim nga të hyrat e rregullta, nga të hyrat e njëhershme gjatë procesit të privatizimit dhe formave të koncesionit si dhe do të përpiqemi dhe jemi dakord për forma të tjera mundësisht të buta nga sektorët financiar ndërkombëtarë”, ka qenë deklarata e Ahmet Shalës, ministër i Ekonomisë e Financave.
Ndërkaq, sipas kreut të Ministrisë të Transportit, Fatmir Limaj, në fillim të muajit maj pritet të nisin punimet në ndërtimin e autostradës Vërmicë-Besi. Kohëzgjatja e punimeve të këtij projekti pritet të shkojë deri në 36 muaj ditë siç e kanë paraparë qeveritarët.
“Ne kemi arritur që kontratën me ‘Bechtel & Enka’ ta bëjmë segment pas segmenti, që nënkupton varësisht nga mundësitë tona financiare, varësisht nga mundësit tona teknike, për aq sa kemi para për aq e vazhdojmë projektin e rrugës deri në Qafë të Duhlës”, ka deklaruar ministri Limaj të premten kur u mor vendimi për nënshkrimin e marrëveshjes me konsorciumin amerikano-turk.

http://www.koha.net/index.php?cid=1,5,16619

[Buddy Holly]

Originally Posted by Buddy Holly

Rrethrrotullimi i madh ne Lakrishte. Fotot jane te sotit, 4 Prill 2010.

Po punohet ne anen tjeter tani. Ka perparim te dukshem...

[shpirtkosova]

Sot pritet nënshkrimi i kontratës për autostradën Morinë Merdar

Ndërmjet Qeverisë së Republikës së Kosovës dhe konzorciumit amerikano turk "Bechtel Enka", sot në orët e pasdites do të bëhet nënshkrimi i kontratës për projektin e Autostradës Morinë Merdar. ...

Qeveria e Kosovës kishte bërë të ditur nga fundi i muajit të kaluar përfundimin e negociatave me kompaninë amerikano turke "Bechtel & Enka", për fillimin e punimeve për ndërtimin e autostradës Vërmicë - Merdar. Autostrada do të ndërtohet segment pas segmenti dhe do të fillojë të punohet në ndërtimin e segmentit të parë dhe të dytë, nga Vërmica deri në Qafë të Dulës, ka thënë Ministri i Transportit dhe Postë Telekomunikacionit, Fatmir Limaj, më herët, duke shpjeguar detaje lidhur me marrëveshjen për fillimin e ndërtimit të autostradës Vërmicë Merdar. Autostrada Vërmicë Prishtinë Merdar do të jetë autostradë hyrje dalje, në gjerësi prej 28 metrash, ku do të jenë dy shirita qarkullues me nga 3.75 metra, një shirit ndihmës emergjent 2.5 metra dhe brezi i gjelbër në mes me gjerësi 3 deri në 4 metra. Sipas parashikimeve, autostrada në segmentin e parë dhe të dytë mund të fillojë të ndërtohet më së largu deri në maj të këtij viti, mirëpo ende asgjë nuk është përfundimtare.




www.rtklive.com

[SkaNdErBeG]

Limaj: Ëndrra e kosovarëve po bëhet realitet



Nga Express më 12.04.2010 në ora 11:38
(E plotësuar)
Ministri i Transportit dhe Post-Telekomunikacionit, Fatmir Limaj dhe zyrtarët e Konzorciumit “Bektel & Enka”, të hënën kanë nënshkruar marrëveshjen për ndërtimin e autostradës Vërmicë-Merdare, e cila njihet ndryshe edhe si “rruga e kombit”. Kryeministri i Republikës, Hashim Thaçi ka thënë se ky është një moment historik për shtetin tonë, pasi po realizohet ëndrra e qytetarëve të Kosovës.

Në këtë ceremoni të nënshkrimit të kësaj kontrate, përveç kabinetit të Qeverisë së Kosovës, kanë marr pjesë ambasadori i SHBA-ve në Kosovë, Kristofer Dell, ai i Britanisë së Madhe, Andy Sparks dhe ai Turqisë, Metin Husrev Unler.

Me këtë rast kryeministri i Republikës, Hashim Thaçi ka thënë se nënshkrimi i kësaj kontrate është moment historik për Kosovë, ndërsa ndërtimi i autostradës do të hap mijëra vende të reja të punës.

“Ky është një moment historik për shtetin tonë. Pra po realizohet ëndrra e qytetarëve të Kosovës. Është projekti më i madh në historinë e deritashme të vendit tonë. Ky projekt i ndërtimit të autostradës Vërmicë-Prizren-Prishtinë-Merdare, i ndihmon qytetarët, duke krijuar mundësi të reja të lëvizjes së lirë. E integron shtetin e Kosovës fuqishëm në rajon. Ndërtimi i autostradës do të krijon me mijëra vende të reja pune. Është autostrada me standardet më të larta ndërkombëtare që do të modernizojë shtetin tonë”, ka thënë kryeministri Thaçi.

Sipas tij realizimi i këtij projekti dëshmon se shteti i Kosovës ka krijuar një ambient për investime dhe për realizim për projekte kapitale. Ky projekt do të mundësojë investimin e rreth 700 milionë eurove, që sipas shefi të ekzekutivit të vendit këto para do të sigurohen nga buxheti i Kosovës, nga donatorët potencial si dhe në rast nevoje nga kreditë e favorshme.

Nga ana tjetër ambasador i SHBA-së në Kosovë, Kristofer Dell ka theksuar se ky projekt është i rëndësishëm, duke shtuar se do të sjellë Kosovën më afër tregjeve botërore, më afër detit, që përfundimisht do ta ofrojë edhe më afër fqinjëve të tjerë evropian.

Ambasadori Dell ka shtuar se ndërtimi i kësaj autostrade dëshmon edhe njëherë lidhjen mes SHBA-ve dhe Kosovës.

“Është një projekt që është afër 1 miliard dollarë amerikan. Është një projekt madhor, është edhe një matje e shtetit të Kosovës dhe institucioneve të saj. Kjo autostradë do të jetë një simbol që simbolizon lidhjet e ngushta mes Amerikës, Kosovës dhe “Bektel”-in, ju keni njërën nga kompanitë më të njohura”, ka theksuar Dell.

Duke folur për Kompaninë “Bektel”, ambasadori Dell ka thënë se kualitetin e punës së kësaj kompanie, kosovarët kanë mund të shohin në Shqipëri dhe në Kroaci.

Sipas tij ky projekt ka treguar që Kosova ka marr hapa vendimtar drejt proceseve të drejta, që do të ndikojnë në tërheqjen e investitorëve ndërkombëtar, gjithashtu ai ka shtuar se kjo kontratë me “Bektel & Enka”, nuk është projekti më i madh i Kosovës, por është projekti më kompleks.

Ndërsa, ministri i Transportit dhe Post-Telekomunikacionit, Fatmir Limaj, kryesues i Komitetit drejtues ndërministror për ndërtimin e autostradës Vërmicë-Merdare, ka deklaruar se ëndrra e qytetarëve të Kosovës sot u kthye në realitet.

“Kam kënaqësinë që sot të ju deklarojmë qytetarëve të Republikës së Kosovës se ëndrra e tyre u kthye në realitet. Sot ne nënshkruam kontratën për realizimin e projektit më të madh infrastrukturor në Republikën e Kosovës, dhe investimi më kapital që është bërë ndonjëherë në vendin tonë. Sot mbyllim me sukses të gjitha fazat ligjore dhe teknike lidhur me autostradën. I dhamë vetes kohën e duhur për realizuar negociata intensive me ofertuesin më të mirë, Konzorciumin “Bektel & Enka”, për të qenë të sigurt në rezultatin final”, ka potencuar Limaj.

Ai ka shtuar se po nis puna për ndërtimin e korridorit të lëvizjes së lirë të qytetarëve të Kosovës drejt Evropës, dhe siç tha ai, kjo autostradë në zemër të Kosovës, bëhet një udhëkryq i fuqishëm për gjithë rajonin.

Edhe presidenti të Konzorociumit “Bektel & Enka”, Mike Adams kanë shprehur kënaqësinë me rastin e nënshkrimit të kësaj kontrate, i cili ka theksuar se mirëpret bashkëpunimin me Qeverinë e Kosovës.

“’Bektel’-i sjellë njohuri dhe eksperiencë të papara në botë. Kemi punuar së bashku, kemi përfunduar projekte të suksesshme në Evropë, në Azi dhe në shumë vende. Ne mirëpresim të bashkëpunojmë me Qeverinë për këtë projekt të rëndësishëm për zhvillimin e Kosovës dhe për zhvillimin e ekonomisë së Kosovës”, ka deklaruar ai.

Po ashtu edhe Sinan Tara, president i “Enka”-së, ka deklaruar se kjo autostradë do të jetë shtyllë kyçe për zhvillimin e infrastrukturës së Kosovës.

“Ne jemi shumë të kënaqur të nënshkruajmë këtë kontratë sot për të ndërtuar këtë autostradë të rëndësishme. Kjo autostradë do të jetë një shtyllë për zhvillimin e infrastrukturës të Kosovës, duke dalë Kosova në tregjet ndërkombëtare dhe ne jemi krenar që të luajmë një rol kaq të rëndësishëm në këtë projekt”, ka thënë Tara.

Në garë për ndërtimin e autostradës kanë qenë 7 kompani ndërkombëtare, ndërsa është përzgjedhur Konzorciumi “Bektel & Enka”.

Autostrada do të ketë 4 korsi dhe nis nga Vërmica e deri në Merdare. “Bektel & Enka” do të jetë përgjegjëse për menaxhimin e dizajnimit, prokurimit dhe ndërtimit. Projekti do të nisë gjatë këtij muaji.

“Bektel & Enka” ka përfunduar me sukses projekte infrastrukturore në Evropë dhe Azi duke përfshirë më shumë se 28 mijë kilometra autostradë dhe rrugë, 100 tunele dhe 25 projekte të rëndësishme urash. Kjo kompani ka ndërtuar edhe autostradën Durrës-Morinë, që lidhë Shqipërinë me Kosovën /kosovapress/


http://www.gazetaexpress.com/web/ind.../28522/C4/C14/

[RolexAL]

[RolexAL]

[G.C.F]

a pe shihni "kosovareve" kjo tregon qarte qe kombi "kosovar" eshte krijuar.

Bravo rrnoft kombi kosovar.

falimderit per informacion.

[SkaNdErBeG]

Brenda dy jave nisë ndërtimi i autostradës
Publikuar: Sot, më 13 prill 2010





Prishtinë, 13 prill - Brenda dy javësh, do të fillojnë punimet në ndërtimin e autostradës Vërmicë-Merdare, ka deklaruar pronari i Kompanisë “Enka”, Sinan Tara. Sipas tij, më mirë është të ndërtohet rruga pa tunele, pasi ato sjellin rrezikun e ngritjes së kostos, që është parashikuar të jetë 700 milionë euro.
“Brenda dy jave do të mbahet ceremonia e vënies së gurthemelit. Dhe, menjëherë duhet të fillojmë në mënyrë që edhe t’i shfrytëzojmë këto ditët e bukura pranverore”, thotë Tara, raporton për Radio Blue Sky.
Miliarderi i njohur edhe nga revista prestigjioze Forbes, Sinan Tara, është i njohur me diskutimet që po bëhen në Kosovë në lidhje me trasenë e autostradës. Ai, shprehet se, më mirë është që autostrada të ndërtohet pa tunele.
“Mendimi im është se më mirë është të gjendet një zgjidhje e ndërtimit të rrugës pa tunele, sepse, tuneli edhe kushton më shtrenjtë edhe nuk po dihet sakt kostoja. Pra, rruga me tunele është një zgjidhje që përmban rrezikun e ngritjes së çmimit”, ka shpjeguar Tara.
Tara shprehet se makineritë e para do të vijnë nga Shqipëria, pasi është më afër, përderisa, do të sillen edhe të reja nga Turqia.
“Do të sjellim nga Shqipëria menjëherë ato çka mund të sillen, por, normalisht, nuk do t’i sjellim vetëm nga Shqipëria, do të sjellim edhe makina të reja nga Turqia, pastaj, mund të sjellim edhe nga Rumania”.
Ai i vlerëson pozitivisht kushtet e punës dhe të investimit në Kosovë. Për sa i përket terrenit, ai thotë se në Kosovë terreni është më i përshtatshëm se në Shqipëri.
“Në këtë aspect, këtu, është më lehtë. Terreni natyror në Shqipëri ishte shumë i vështirë. Kjo ishte edhe arsyeja pse me mijëra vjet atje nuk është ndërtuar rruga. Çarja e maleve ka qenë shumë e vështirë. Pra, në anën teknike, atje, ka qenë shumë vështirë. Projekti i këtushëm, në aspektin teknik është më i lehtë”.
Tara thotë se rruga do të kushtojë rreth 700 milionë euro. Kur të dalin projektet në detaje, kjo shifër mund të lëviz nga pak, më poshtë ose më lartë. Mirëpo, nuk mendon se do të ketë ndryshime të mëdha. Ndryshe, prejardhja e këtij miliarderi është nga këto troje. Babai i tij, Sarik Tara, ka lindur në Shkup.

http://www.koha.net/index.php?cid=1,5,17874

[Ermir]

Originally Posted by SkaNdErBeG

Sipas tij, më mirë është të ndërtohet rruga pa tunele, pasi ato sjellin rrezikun e ngritjes së kostos, që është parashikuar të jetë 700 milionë euro.

Miliarderi i njohur edhe nga revista prestigjioze Forbes, Sinan Tara, është i njohur me diskutimet që po bëhen në Kosovë në lidhje me trasenë e autostradës. Ai, shprehet se, më mirë është që autostrada të ndërtohet pa tunele.
“Mendimi im është se më mirë është të gjendet një zgjidhje e ndërtimit të rrugës pa tunele, sepse, tuneli edhe kushton më shtrenjtë edhe nuk po dihet sakt kostoja. Pra, rruga me tunele është një zgjidhje që përmban rrezikun e ngritjes së çmimit”, ka shpjeguar Tara.
http://www.koha.net/index.php?cid=1,5,17874

Une s'kam qene andej lart...si eshte terreni? Ka ndonje vend ku mund te duhet tunel?

[Buddy Holly]

Po ekziston nje pjese e madhe rreth 30-40km qe quhet Qafa e Duhles. Eshte terren i veshtire dhe aty ka qene plani te behen tunele. Po... me variantin e propozuar nga Bechtel-Enka andej nuk do kalohet dhe rruga do te ri-drejtohet nga Arllati dhe Komorani, keto dy te fundit jane fshatra ne rrugen kombetare M9 Prishtine - Peje.

[Buddy Holly]

Limaj: Autostrada Prishtinë–Merdare fillon të ndërtohet më 25 prill

Publikuar: Sot, më 14 prill 2010

Prishtinë, 14 prill - Autostrada Prishtinë-Merdare zyrtarisht do të fillojë të ndërtohet më 25 prill, kanë bërë të ditur zyrtarët e lartë të Ministrisë së Transportit dhe Postë-Telekomunikacionit.
Ministri i Transportit dhe Postë-Telekomunikacionit Fatmir Limaj, gjatë një konference për media, të mërkurën, paraqiti edhe disa detaje rreth ndërtimit të autostradës, duke e paralajmëruar nisjen në një ceremoni rasti, saktësisht në orën 13:00.
“Kontrata për ndërtimin e autostradës është kontratë e rregullt ndërkombëtare. Jemi krenarë të themi se kjo është kontrata më e mirë në regjion.”, tha Limaj, i cili nënvizoi se kjo kontratë ka garanci, raporton KosovaLive.
Duke folur për vijën Duhle-Shtime, Limaj tha se për gjashtë muaj do të bëhet projektimi për të cilin do të vendosë Qeveria e Kosovës, duke theksuar se “do të bëhet e pamundura që të mos ketë tunele.”
Sipas ministrit, primare për shtetin është krijimi i një agjencie të pavarur të rrugëve, e cila do të merrej me menaxhimin e gjithë infrastrukturës rrugore, me caktimin e taksave dhe me mirëmbajtjen e rrugëve.
Autostrada është paraparë të jetë e gjerë 28 metra me 4 shirita qarkullues dhe çdo qendër do të mund të kyçet në të, ndërkohë që parashihet shpejtësia e qarkullimi deri në 120km/h.

http://www.koha.net/index.php?cid=1,5,18014