Կապանի Օդանավակայան | Kapan Airport - SkyscraperCity
 

forums map | news magazine | posting guidelines

Go Back   SkyscraperCity > European Forums > Euroscrapers > Local discussions > Caucasus Forum > Armenia / Հայաստան


Reply
 
Thread Tools
Old March 4th, 2019, 04:18 PM   #1
EVN ARM
Registered User
 
Join Date: Jun 2018
Location: Gyumri
Posts: 79
Likes (Received): 97

Կապանի Օդանավակայան | Kapan Airport

https://hetq.am/hy/article/99600

Quote:
Կապանի «Սյունիք» օդանավակայանի շենքի շինարարարությունը նախատեսվում է ավարտին հասցնել մինչեւ 2019 թվականի ամառվա վերջ, իսկ թռիչքուղու վերականգնումն առայժմ հայտնի չէ, թե երբ կավարտվի, քանի որ դրա նախագիծը դեռեւս փորձաքննություն էլ չի անցել: Այս մասին մեզ հետ զրույցում հայտնեց աերոդրոմի ինժեներ, շինարար Գեւորգ (Գագիկ) Ղազարյանը:

«Հետքը» հետեւում է Կապանի օդանավակայանի վերակառացուման աշխատանքներին եւ, լինելով տեղում, պարբերաբար անդրադառնում դրանց: Այս ամենից զատ՝ գրել ենք նաեւ 1972-ին շահագործման հանձնված օդանավակայանի պատմության մասին: Հիշեցնենք, որ օդանավակայանում վերակառուցման շինաշխատանքներն սկսվել են 2017-ի մայիսից: Դրանք իրականացնում է «Կապանի Նորոգշին» ՍՊԸ-ն, իսկ նախագծողը երեւանյան ««Տրանսպորտային շինարարության նախագծահետազննական ինտիտուտ «Տրանսնախագիծ»» ՓԲԸ-ն է:

Օդանավակայանի շենքին նախկինում անդրադարձել ենք: Այն անցել է բնապահպանական փորձաքննություն: Շենքը երկու թեւերում միահարկ, իսկ կենտրոնում՝ երկհարկանի կառույց է: Մեր այցի պահին աշխատանքներ էին կատարվում դրա տանիքին: Շենքի ամենաբարձր հատվածում է գտնվում կարգավարների համար նախատեսված դիտման տարածքը, որտեղից երեւում է ամբողջ թռիչքուղին:

Ըստ նախագծի՝ օդանավակայանից նախատեսվում է օրական իրականացնել առավելագույնը 2 չվերթ՝ 35-50 ուղեւորի ներգրավմամբ: Մյուս կողմից՝ Սյունիքի նախկին մարզպետ Վահե Հակոբյանը ժամանակին հայտնել էր, թե նախատեսվում է Կապան-Երեւան-Կապան կանոնավոր չվերթները կատարել երկու օրը մեկ: Օդանավակայանի շահագործման համար գնված առաջին ու դեռեւս միակ «L-410UVP-E20» ինքնաթիռն էլ, որն օգոստոսից կանգնած է «Զվարթնոց» օդանավակայանում, նախատեսված է 19 ուղեւորի համար: Գ. Ղազարյանը «Հետքի» հետ զրույցում անցյալ տարի նշել էր, որ օդանավակայանի նոր շենքը ժամում կարող է սպասարկել մինչեւ 100 հոգու: Չվերթների քանակն ու դրանց ծանրաբեռնվածությունը, բնականաբար, ցույց կտա ժամանակը, միայն ասենք, որ օդանավը շահագործելու է «Atlantis Armenian Airlines» ավիաընկերությունը, որին շուտով կանդրադառնանք առավել մանրամասն:

Բացի դրանից՝ չի բացառվում, որ հետագայում օդանավակայանն օգտագործեն ավելի մեծ տարողություն ունեցող ինքնաթիռներ: Գ. Ղազարյանը ժամանակին մեզ հայտնել էր, որ վերակառուցումից հետո աերոդրոմը սերտիֆիկացվելու է որպես «3C» դասի, ինչը նշանակում է, որ այն կարող է ընդունել մինչեւ 50-80 հոգի տեղավորող օդանավեր:

Հիշեցնենք, որ 2017-ի սեպտեմբերին Կապանի ղեկավարությունը պայմանագիր է կնքել ««Սյունիք» օդանավակայան» ՍՊԸ-ի հետ, որով օդանավակայանը 25 տարով կոնցեսիոն կառավարման է հանձնվել նշված ընկերությանը: Վերջինիս սեփականատերն էլ Սյունիքի մարզի զարգացման եւ ներդրման հիմնադրամն է, որը ստեղծվել է կառավարության կողմից, սակայն կառավարման լիազոր մարմինը Սյունիքի մարզպետարանն է, իսկ հիմնադրամի հոգաբարձուների խորհրդի նախագահը՝ ի պաշտոնե մարզպետը: Օդանավակայանի վերակառուցման ներդրողներ են համարվում այս հիմնադրամը եւ Զանգեզուրի պղնձամոլիբդենային կոմբինատը. վերջինս իր վրա է վերցրել ֆինանսական ծախսերը, մասնավորապես՝ վճարել է չեխական ինքնաթիռի 5,5 մլն եվրո արժեքից 1,5 մլն-ը, իսկ մնացածը մարվելու է օդանավի շահագործումից հետո: Դրանից զատ՝ օդանավակայանի վերագործարկման ծրագիրը գնահատվել է 2 մլն դոլար, բայց անցյալ տարվա դեկտեմբերին Սյունիքի նախկին մարզպետ Վահե Հակոբյանը նշել էր 2,5 մլն-ի մասին:

Մարզպետի պաշտոնում Վ. Հակոբյանին (2016-2018 թթ.) փոխարինած Կարեն Համբարձումյանի (2018-ի հունիս-հոկտեմբեր) օրոք խոսակցություններ կային, որ վերջինս ոգեւորված չէ օդանավակայանի գործարկմամբ եւ հիմնադրամի գործունեությամբ, սակայն մեր հարցմանն ի պատասխան մարզպետարանից հայտնել էին, թե առաջինի շահագործումը մարզի ռազմավարական ծրագրերից է, իսկ երկրորդն էլ շարունակելու է գործել:

Եթե օդանավակայանի շենքի շինարարության ընթացքը կարելի է նորմալ համարել, ապա թռիչքուղու մասով դժվարություններ են առաջացել: Աերոդրոմի ինժեներ Գ. Ղազարյանը «Հետքին» անցյալ տարվա հունիսին հայտնել էր, որ թռիչքուղու ասֆալտբետոնե ծածկն ամբողջությամբ դժվար թե փոխեն, փոխարենը նպատակը բոլոր փոսերն ու անհարթությունները ծածկելն էր: Հերթական հանդիպման ժամանակ, սակայն, նա նշեց, որ երբ քանդել են վերանորոգման ենթակա հատվածները, տեսել են, որ ասֆալտի հիմքում մոլիբդենային մնացորդ է լցված՝ արդեն «պլաստիլին դարձած»: Շինարարն ասում է, որ այդ հիմքը պետք է հանվի, տեղում կատարվի խճապատում, կոպճապատում, ապա նոր՝ ասֆալտապատում:

Չնայած տարբեր աղբյուրներում (այդ թվում՝ պաշտոնական) Կապանի թռիչքուղու երկարությունը նշվում է 1590 մ, փաստացի այն 1747 է, լայնքը՝ 40 մ: Ըստ Գ. Ղազարյանի՝ 750 մ-ը քանդել են: Մյուս կողմից՝ քանի որ թռիչքուղուն կից անվտանգության գոտին պարտադիր պետք է լինի 25-30 մ, իսկ կոյուղու գծերը մոտ են թռիչքուղուն, ստիպված կլինեն գծանշման միջոցով մի քանի մետր նեղացնել 40 մ լայնությամբ վազքուղին, այսինքն՝ ասֆալտի մի մասը եւս կդառնա անվտանգության գոտի: Ինչպես ասվեց վերեւում, թռիչքուղու վերականգնման նախագիծը դեռ փորձաքննություն պիտի անցնի:

Հիշեցնենք, որ Կապանի աերոդրոմում գոնե սկզբնական փուլում չի նախատեսվում տեղադրել վայրէջքը կարգավորող սարքավորումներ, այսինքն՝ օդանավերը վայրէջք են կատարելու վիզուալ թռիչքների կանոններով: Քանի որ, ըստ Սյունիքի մարզպետարանի, սկզբնապես չի լինելու նաեւ լուսազդանշանային համակարգ (պլանավորվում է հետագայում անդրադառնալ հարցին՝ կախված ոչ լուսավոր ժամերին թռիչքների պահանջարկից), հասկանալի է, որ թռիչքները կատարվելու են միայն օրվա ընթացքում:

Լուսանկարները՝ հեղինակի, Սարո Բաղդասարյանի












__________________

Henrich37 liked this post
EVN ARM no está en línea   Reply With Quote
Sponsored Links
Advertisement
 
Old September 1st, 2019, 08:11 PM   #2
Ախպեր
Registered User
 
Join Date: Aug 2019
Posts: 11
Likes (Received): 14





__________________

Henrich37 liked this post
Ախպեր no está en línea   Reply With Quote
Sponsored Links
Advertisement
 


Reply

Thread Tools

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off


Similar Threads
Thread Thread Starter Forum Replies Last Post
Airport Metrolink Greater Manchester Transport Projects 13966 Today 11:55 AM
Kannur | Kannur International Airport | CNN Latheesh_r Aviation and Airports 7254 Yesterday 08:33 AM
CHINA | Urban Transport Compilation km-sh Subways and Urban Transport 917 September 27th, 2019 09:22 PM
MISC | How many and which airports you've been in? TOWERCITY2005 Airports and Aviation 279 September 11th, 2019 12:21 PM


All times are GMT +2. The time now is 12:34 PM. • styleid: 14


Powered by vBulletin® Version 3.8.11 Beta 4
Copyright ©2000 - 2019, vBulletin Solutions Inc.
vBulletin Security provided by vBSecurity v2.2.2 (Pro) - vBulletin Mods & Addons Copyright © 2019 DragonByte Technologies Ltd.
Feedback Buttons provided by Advanced Post Thanks / Like (Pro) - vBulletin Mods & Addons Copyright © 2019 DragonByte Technologies Ltd.

SkyscraperCity ☆ In Urbanity We trust ☆ about us