SkyscraperCity Forum banner
301 - 320 of 358 Posts

·
Macedonia
Joined
·
47,930 Posts
Почна реконструкцијата на улицата „Васко Карангелевски“ во Аеродром

Целосната реконструкција на улицата „Васко Карангелевски" ќе опфати реконструкција на коловозот, промена на целата асфалтна конструкција со санација на рабниците и тротоарите, во вкупна должина од 600 метри. За овој градежен зафат Градот Скопје ќе вложи 7,8 милиони денари, а се очекува градежните работи да завршат до септември.



Градоначалниците на Град Скопје и на општина Аеродром, Коце Трајановски и Ивица Коневски на денешната заедничка прес-конференција официјално го најавија почетокот на реконструкцијата на улицата „Васко Карангелевски“, на потегот од раскрсницата со булеварот Јане Сандански до раскрсницата со булеварот АСНОМ (СЦ „Јане Сандански“ и хотел Русија).



Станува збор за целосна реконструкција на коловозот, промена на целата асфалтна конструкција со санација на рабниците и тротоарите, во вкупна должина од 600 метри.

За овој градежен зафат Градот Скопје ќе вложи 7,8 милиони денари, а се очекува градежните работи да завршат до септември.



Реконструкцијата на оваа улица значително ќе ги подобри условите во сообраќајот на оваа сè пофреквентна сообраќајница и ќе им го олесни пристапот на жителите до зградите, а што е најважно ќе придонесе за зголемување на безбедноста, соопштија од општина Аеродром.

mkd.mk
 

·
Macedonia
Joined
·
47,930 Posts
Целосно реконструирана улицата Васко Карангелевски

Деновиве заврши реализацијата на првата фаза од проектот за реконструкција на улицата Васко Карангелевски во Аеродром.









mkd.mk
 

·
Macedonia
Joined
·
47,930 Posts
Проектот за реконструкција и проширување на дел од улицата Тодор Александров е во завршна фаза и неговата целосна реализација ќе биде комплетирана во наредниов период. Истата ја проширивме од ОУ „Кочо Рацин“ до кракот на оваа улица што води кон Панорама, во должина од околу 600 метри.

Покрај нов коловоз, оваа улица доби нови велосипедски патеки на коловозот, нови тротоари, како и нова атмосферска, водоводна и фекална мрежа.

Заради подобрување на безбедноста на учениците во „Кочо Рацин“, на потегот долж училиштето ќе се превземат дополнителни безбедносни мерки, како што е нова ограда, нова хоризонтална и вертикална сообрачајна сигнализација, како и органичување на брзината со сообраќајот до 30 километри на час.
Коце Трајановски



















 

·
Macedonia
Joined
·
47,930 Posts
Заврши проширувањето на булеварот „Борис Трајковски“ кон Пинтија

По речиси две години од почетокот на градежните работи, Градот Скопје ја заокружи санацијата и проширувањето на булеварот „Борис Трајковски“ кон населбата Пинтија. Станува збор за третата фаза од овој проект, којашто опфати проширување на коловозот на потегот од фабриката Стаклара до влезот во населбата Пинтија, со вкупна должина од 2.200 метри. Долж целата траса се изградени пешачки патеки и велосипедска патека, при што е поставено и ново улично осветлување. За безбедно одвивање на сообраќајот се поставени семафори на две раскрсници.







Со изведбата на третата фаза од овој проект се добива булеварско решение за оваа сообраќајница, која се состои од четири коловозни ленти со должина од 13,7 метри. Најголем дел од проектот вреден 3,7 милиони евра е обезбеден од Европската банка за обнова и развој и од Светската банка, додека помал сегмент од средствата се алоцирани од градскиот буџет.







За целосно поврзување со најисточната урбана средина во Град Скопје, градската администрација во наредниот период ќе треба да ја изгради четвртата фаза од проширувањето на булевар „Борис Трајковски“, која ја опфаќа трасата од населбата Пинтија до населбата Драчево. Надградбата на оваа сообраќајница во булеварски профил започна во 2004 година во мандатот на поранешниот градоначалник Ристо Пенов.

http://build.mk/zavrshi-proshiruvaneto-na-bulevarot-boris-trajkovski-kon-pintija/
 

·
Macedonia
Joined
·
47,930 Posts
Ќе се изготвуваат проекти за нов булевар „Хрватска“ и продолжување на „Љубљанска“ кон Злокуќани

Градот Скопје денеска распиша два одвоени тендери за изработка на значајна проектна документација за нови сообраќајници, со кои би се извела паралелна транзитна рута на скопската обиколница од општина Гази Баба до општина Карпош. Ќе се изготвува инфраструктурен проект, основен градежен проект и сообраќаен проект за булеварот „Хрватска“, на потегот од булеварот „Босна и Херцеговина“ во Чаир до булеварот „Александар Македонски“ во Автокоманда, вклучувајќи ја и новопланираната собирна улица 3. Подготовката на проектната документација е проценето дека ќе чини околу 7,4 милиони денари, а заинтересираните фирми ќе имаат рок до 17 април за да ги достават своите понуди до Град Скопје.

Со вториот тендер се предвидува изработка на инфраструктурен проект, основен градежен проект и сообраќаен проект за продолжување на улицата „Љубљанска“ од крстосницата со булевар „Илинден“, со мост преку реката Вардар, во правец кон Злокуќани, и поврзување со булевар „Словенија“. За изготвување на оваа документација би се издвоиле околу 4,2 милиони денари од буџетот на Град Скопје. Проектантските бироа имаат рок до 16 април за да ги поднесат понудите за учество во тендерската постапка.

http://build.mk/ke-se-izgotvuvaat-proekti-za-nov-bulevar-hrvatska-i-prodolzhuvane-na-lublanska-kon-zlokukani/
 

·
Macedonia
Joined
·
47,930 Posts
Заврши реконструкцијата на булеварот „Партизански одреди“ низ Карпош 1 и 2

Скопскиот булевар „Партизански одреди“ низ населбите Карпош 1 и 2 е оспособен за сообраќај. По цела година измината во одолговлекувања на градежните работи, трасата со должина од околу 900 метри деновиве беше пуштена во употреба. Нанесени се два слоја нов асфалт на коловозот, а поставена е и нова хоризонтална сигнализација на булеварот.



Со реконструкцијата на оваа сообраќајница беше опфатена трасата на потегот од раскрсницата со улицата „Франклин Рузвелт“ до крстосницата со булеварот „8 Септември“. Градежните работи на терен ги изведуваше фирмата „Бауер БГ“ од Скопје, а од градскиот буџет за оваа намена се издвоија 29,2 милиони денари.



Проектот за реконструкција на булеварот „Партизански одреди“ стартуваше на почетокот од 2017 година, кога Градот Скопје го склучи договорот со изведувачот на градежните работи. Претходното градско раководство го започна реконструктивниот зафат на 17 јуни минатата година, ветувајќи дека целокупниот зафат ќе биде готов во рок од 90 дена.

http://build.mk/zavrshi-rekonstruktsijata-na-bulevarot-partizanski-odredi-niz-karposh-1-i-2/
 

·
Macedonia
Joined
·
47,930 Posts
ЗАВРШИ РЕКОНСТРУКЦИЈАТА НА УЛИЦАТА АЛЕКСАНДАР УРДАРЕВСКИ

Деновиве заврши реконструкцијата на коловозот на дел од улицата „Александар Урдаревски“ во Општина Бутел.

Оваа сообраќајница се реконструираше од крстосницата со улица „Бутелска“ до крстосницата која води кон влезот во гробиштата Бутел, во вкупна должина од околу 800 метри.







На овој дел целосно се извади старата и оштетена коцка и се замени со асфалтна површина, а се изградија и нови тротоари со ширина од по 2 метри.

Покрај коловозот, на дел од оваа улица се изгради и нова водоводна, атмосферска и фекална мрежа, се обнови уличното осветлување, а се постави и нова вертикална и хоризонтална сигнализација.



http://skopje.gov.mk/ShowAnnouncements.aspx?ItemID=10070&mid=482&tabId=1
 
301 - 320 of 358 Posts
This is an older thread, you may not receive a response, and could be reviving an old thread. Please consider creating a new thread.
Top