[Gjin Tonikaj]

^^
7º Reggimento fanteria "Cuneo"

 

[JoniTTML]

Stema e hershme e Muzakajve.

Familja Muzaka sundoi reth viteve 1286-1343 dhe më 1372-1417. Në dokumentet historike Muzakajt përmenden që më 1279.Pushtetin e saj politik dhe administrative e shtriu kryesisht në Toskëri me qender Beratin. Kulmin e lulëzimit principata e arriti në kohen e despotit Andrea II Muzaka. Më 1372 Kosturi bën pjesë në Principatën e Muzakajve. Teodorë Koronë Muzaka, Gjin Muzaka morën pjesë në Lidhjen e Lezhës.

Stema e hershme e Muzakave është e vendosure në murin e një vile në rrugën “San Giovani” në qytetin e Francavilla Fontanës ( Brindizi –Itali). Paraqitja artistike e kësaj steme është relativisht e vonë. Stema e hershme është e kaltër me një burim të argjendtë, i cili rjedh nga të dyja anët dhe me nga një pishtar po të argjendtë.

Gjon Muzaka në librin e tije “ Storia e Genealogia della casa Musacchia”, shkruar në emigracion, i përshkruan simbolet e kësaj steme “….Qysh nga kohët antike stema e derës sonë ka qenë një burim I gjallë, i cili rridhte në tokë me dy rrjedha në dy anë dhe ky ishte burim i Epirit, për të cilin kanë shkruar shumë autorë, që njëri shuan një pishtar dhe tjetri të shuarin e ndez”.

Heraldika Shqiptare Albanian Heraldry

 

[JoniTTML]

Stema e Muzajkave Faza e dyte.

Armori i Muzakajve gjatë kohës së lulëzimit të tyre në Shqipëri është : i kuq , me një shqiponjë të artë , dykrenore krahëhapur dhe e kurorëzuar. Në ballë një shqytëz trekëndor i kaltër me një yll të artë gjashtëcepësh. Stema e Muzakajve, ndonëse ka simbole të njëjta me atë të Kastriotëve, ka ngjyra të tjera , gjë që sipas rregullave heraldike përbën një stemë krejt më vete. Këto simbole iu njohën despotit Andrea II Muzaka nga perandoi i Konstandinopojës, Johani V Paleologu.

Këto simbole i gjejmë dhe në stemën e Muzakajve, që gjendët e skalitur në gurë, në Kishen e Santa Maria della Misericordia, në ( Brindizi – Itali). Shqyti është në të kuq dhe në të kaltër. E para, në të djadhtë, mbi të kuqe një shqiponjë e artë, dykrenore, krahëhapur dhe e kurorëzuar, në ballë një shqytëz trekëndor i kaltër me një yll të artë gjashtëcepësh.E dyta, në të majtë, mbi të kaltër me një luan i artë , ngritur në dy këmbët e pasme, i cili mban lart një shpatë po të artë, në ballë, nga e djathta, një zambak i argjendtë . Peja e dytë mbanë simbolet e Topiajve.

Mbi shqyt një Kurorë e Lartë e zbukuruar me trëndafilë, si kurora e Skënderbeut. Shqyti ne ted y krahët shoqërohet nga armët e kalorësit; në të djathtë të shqytit: një lance (hushtë), një shpatë dyluftimi, një sëpatë dhe një përkrenare me një kokëreth. Nga e majta e shqytit një hark me tufën e shigjetave. Ngjyrat per armët që shoqërojnë shqytin në të dy krahët nuk ja të vërtetuara.

Heraldika Shqiptare Albanian Heraldry

 

[JoniTTML]

Stema e stradiotëve me mbiemrin Muzaka e njohurë nga perandori gjerman Karli V. Stema përbëhet nga një shqyt i kaltërt me dy yje të artë gjashtëcepësh të vendosur vertikalisht, njëri pas tjetrit të cilët ndahen prej tyre nga një brez i artë mbi të cilën paraqitet një gjysmëhënë e argjendtë.

Heraldika Shqiptare Albanian Heraldry

 

[JoniTTML]

Stratiotë Shqiptare- Ushtarake të kalorësisë së lehtë.

Stema e stradiotëve me mbiemrin Muzaka e njohurë nga perandori gjerman Karli V. Stema është : e kaltër me një qiparis të blertë e qarkuar me dy luanë të artë përballë njëri–tjetrit me nga një shpatë të ngritur lart. Në ballin e artë të shqytit qëndron një shqiponjë e zezë dykrenore. Mbi mburojë qëndron një përkrenare stratioti.

Heraldika Shqiptare Albanian Heraldry

 

[JoniTTML]

Stema e Krujës është e kuqe me një yll të argjendtë , tetëcepësh. Kjo stemë mbështetët në simbolin e kroit të Krujës, i cili ndodhet në veri të kalasë së qytetit.Kroi u ndërtua ndërtua më 1466. Skalitjet u bënë gjatë periudhës së rindërtimit të tij, më 1811, nën kujdesin e Vezirit të Madh, Gazi Evrenosit, kushtuar dhuratë këtij qyteti. Nuk mund të thueht me siguri, se në cilën kohë u pëdor kjo stemë.

Simboli I qytetit të Krujes u keqpërdor pa të drejtë nga qeveria separatist e Esat Pashë Toptanit e quajtur “ Pleqësia e Esat Pashë Toptanit”. Qyteti I Krujës është një nga qytetet me histori të lavdishme në Shqipëri. Në vitin 879 ka qenë qendër Ipeshkvie.

Në vitet 1190-1216 Kruja u bë qendër politike dhe administrative e Principatës së Arbrit (Progoni, Gjini, Dhimitri), duke qenë njëkohësisht dhe qyteti i pare në Shqipëri që fiton pavarësinëpolitike. Në vitet 1359-1368 bëhet qendër e Principatës së fuqishme të Karl Topisë. Më 1431 bëhet qendër vilajeti. Në vitet 1443-1478 bëhet kryeqyteti i shtetit shqiptar, gjatë epopesë së Heroit tonë Kombëtar, Gjergj Kastriot Skënderbeut.

Më 1450, 1466 dhe 1467 Kruja u bëri ballë tri rrethimeve të tmerrshme që i bënë ushtritë e Perandorisë Osmane. Më 1478 Kruja përfundimisht pushtohet nga Perandoria Osmane.

Heraldika Shqiptare Albanian Heraldry

 

[gjergjkastrioti]

^^
7º Reggimento fanteria "Cuneo"

Perkrenarja e famshme e Skenderbeut , ju dhurua atij nga Duka Sforza i Milanos si simbol i luftes kunder turqve , praktikisht Skenderbeu nuk e vuri ndonjehere ne koke si helmete apo kurore (ato jane legjenda dhe fantazi piktoresh apo skulptoresh) .

 

[JoniTTML]

Pas pushtimit Osman, Avlonitët gjenden në Pargë me titullin “kapitan” në ushtritë e Republikës së Shën Markut , duke marrë për mbiemër emrin e vendorigjinës së tyre, Avloniti (Vlonjati). Më 1477 Avlonitët i gjejmë në Librin e Artë të familjeve fisnike në Korfuz.

Stema është e kuqe me një luan të artë ngritur me dy këmbët e pasme dhe hipur në një gjysëmhënë të shtrirë po të artë.Luani mbane një flamur . Në këndin e majtë të ballit një yll I artë, gjashtëcepësh. Flamuri që mban luani ka një kryq të bardhë në sfond të kaltër, përdorur prej dukëve të Ravenës, të cilët sunduan dhe në fronin e Bizantit, më 1059-1078.

Heraldika Shqiptare - Gjin Varfi.

 

[JoniTTML]

Monedha dhe stema e Shasit mesjetare.
Datimi: fundi i shekullit të XIV; përshkrimi: kështjella e Shasit, kater harqe në katin e poshtëm, dy harqe në të sipermin, kullë sipër sajë; Muret me bedena të larta rreth kështjellës është e shenuar CIVITAS SOVACIA - Zamir Tafalica, arkeolog, Muzeu Historik – Shkoder

Heraldika Shqiptare Albanian Heraldry

 

[JoniTTML]

Stema e stratiotit Joan Mavromati.

Pas pushtimit Osman, familjen Mavromati e gjejmë në komunitetet arbëreshe në Thesali. Ishte një nga familjet më aktive në luftën kundër Perandorisë Osmane. Sot ndeshin ne Thesali vendbanim me emrin Mavromati. Ndër figurat ma të shquara të kësaj familjeje është Joan Mavromati. Stema e stratiotit Joan Mavromati u njoh nga Perandori Gjerman Karli V (1519).

Stema është e kuqe me tri koka Turqish të pështjella me çallma të argjendta vendosur përballë 2-1.Në ballorin e artë një shqiponjë e zeze dykrenore. Mbi shqyt një përkrenare e argjendtë e kokërrethëzuar me pelhurë koke të ojnëzuar, të artë nga brenda dhe të kuqe të jashtë. Për kreshtë një shqiponjë e zezë dykrenore.

Heraldika Shqiptare Albanian Heraldry

 

[JoniTTML]

Stema e De Radajve.

Familja e De Radajve është një familje arbëreshe në Kalabri (Itali). Nga kjo familje ka dale poeti, publicist, folkloristi, mësuesi, përfaqësuesi I letërsisë dhe i cultures arbëreshe Jeronim De Rada (1814-1903). De Rada është poeti i parë që ngjiz në letërsinë shqiptare kulturën heraldike, duke e përdorur si mjet identifimi të qenësisë shqiptare.

Stema është e argjendtë me një rrip të ndarë trish, në të kuq-zi-kuq, në ballë dy yje të artë gjashtëcepësh, poshtë një fletë dushku e blertë. Stema gjendet e gdhendur në gurë, në shtëpinë e poetit Jeronim De Rada në Makia të Kalabrisë, si dhe vjen e përshkruar, pjesërisht, e paplotë nga vetë poeti: me fushë të argjendtë, me dy yje vendosur sipër rripit të kuq (më pas ngjyra e rripit të mesit do të bëhej kuq-zi-kuq) dhe mbi majë dushku i Dodonës.

Heraldika Shqiptare Albanian Heraldry

 

[JoniTTML]

Emblema e Gjergj Durazzos.

Durazzo është një familje fisnike e larguar nga qyteti i Durrësit më1388 (në kohën kur vdes sundimtari i Principatës së Topiajve, Karl Topia, në Durrës). Gjergj Durazzo emigron në Gjenovë, duke u quajtur nga gjenovezët me mbiemrin Durazzo (Durrësi). Kjo familje arrin titullin fisnik “patrik gjenovez” (patrizio Genovese). Me 1533 nga kjo familje del një degëzim me Xhovani Batistën.

Emblema është e kuqe me tri breza të argjendtë. Në ballor të kaltër tri zambakë të artë të radhitur njëri pas tjetrit.

Heraldika Shqiptare Albanian Heraldry

 

[JoniTTML]

Stema e hershme e Shqiperise nga veprat e Jerome de Bara,
Titulli : Le Blason des armoiries, auquel est monstrée la manière de laquelle les anciens et modernes ont usé en icelles... reveu... par l'auteur (Jérôme de Bara) avec augmentation de plusieurs armoiries, tant anciennes que modernes.
Viti: 1581
Burimi:Bibliothèque nationale de France, département Réserve des livres rares, RES-V-626

Heraldika Shqiptare Albanian Heraldry

 

[JoniTTML]

Heraldika Shqiptare Albanian Heraldry

 

[JoniTTML]

Heraldika Shqiptare Albanian Heraldry

 

[JoniTTML]

Pas pushtimit Osman të Shqipërisë, familjen fisnike Kosova e gjejmë në Republiken e Raguzës, ku gëzonte titullin fisnik “kalorës”, duke marrë për mbiemër emrin e origjinës së tyre, Kosova.

Stema është e kaltër me një rrip të argjendtë me tre zogj të kuq të vendosur nga një kokëreth (kurorë kavalieri), me një kryq të madh “të ndarë trish” mbi fytyrë. Në qafë të përkrenarës një kryqth i zi patent. Përkrenarja ka një pëlhurë koke të kapur në të dyja anët dhe përfundon me dy xhufka . Për kreshtë ka një tors luani të ngritur lart, të kurorëzuar me tri pendë të mëdha të vendosura në shpinë të luanit. Kjo stemë u punua nga Corienich-Neorich më 1595.

Gjin Varfi.

Heraldika Shqiptare Albanian Heraldry

 

[JoniTTML]

Stema përbëhet nga një shqiponjë dykrenore, krahëhapur. Në ballë (të stems) kryeson një yll gjashtëcepësh. Stema gjendet në vulen e Skënderbeut. Për sa u takon ngjyrave të stems së Skënderbeut jemi bazuar:

Së pari: Në pohimin e Barletit se Shqiponja qëndron në sfond të kuq.

Heraldika Shqiptare Albanian Heraldry

 

[JoniTTML]

Vula “sekrete” e Gjergj Kastriotit Skënderbeut ishte në dyllë të kuq. Ajo ka formë elipsoidale me zhvillim nga poshtë-lart.

Në të paraqiten : nga e djathta një grua, pare nga shpina ( mbretëresha Leda), që po mbështillet me pëlhurë dhe në të majtë një mjelmë( Zeuzi i shndërruar). Vula nuk qarkohet me ndonjë mbishkrim,siç ishte e zakonshme në atë kohë, gjë që tregon se kemi të bëjmë me një formë të hershme vule.

Vulën e ndeshim në dokumente të firmosura nga Gjergj Kastrioti Skënderbeu që më 1458.

Heraldika Shqiptare Albanian Heraldry

 

[JoniTTML]

Stema e Kastriotëve faza e dytë.

Në armorin e Kastriotëve, ky ngjyrat i gjejmë të dokumentuara në gjuhën heraldike. Shqyti është i artë me një shqiponjë të zezë, dykrenore të kurorëzuar. Në ballë të shqytit gjendet një shqytëz trikëndor, i kaltër, me një yll të artë, gjashtëcepësh. Ky armor ëshë blazon i shek.XVI, i cili paraqete emblemën që u skalit rreth vitit 1500, në Napoli, mbi varrin e Konstandin Kastriotit, nipit të Skenderbeut, nën kujdesin e Donika Kastriotit.

Heraldika Shqiptare Albanian Heraldry

 

[JoniTTML]

Stema e Kastriotëve

Emblemën e Kastriotëve e ndeshim në një stad të dytë. Kjo emblem është miniature me ngjyra në një liber Uratash (O.B.M.V), i cili u punua për t’iu dhuruar Skënderbeut, nga ana e Alfonsit V të Aragonës dhe të Napolit. Viti i punimit dhe i dhurimit të këtij libri duhet të lidhet me vitin 1451 kur, në Gaeta (Mbretëria e Napolit), u nënshkrua një traktat aleance dypalësh, midis Gjergj Kastriot Skënderbeut dhe Alfonsit të Napolit.

Armori është i ndarë në të artë dhe të kaltër. Mbi të artë një shqiponjë e zezë, dykrenore e kurorëzuar, krahëhapur. Në ballë një shqytëz i kaltër trikëndor me një yll të artë, gjashtëcepësh. Mbi të kaltër një luan i artë i ngritur në dy këmbët e pasme, i cili mban lart një shpatë po të artë. Në këndin e djathtë të ballit një zambak i argjendtë. (Këto simbole, mendoj se lidhen me Topiajt, të panjohura prej Mbretërisë së Napolit si Principatë më e hershme se Principata e Kastriotëve).

Shqyti mbahët nga dy engjëj, të cilët mbështeten mbi dy brirët e Kushtrimit, dhe vetë brirët mbahen nga tre engjëj secili.

Gjin Varfi.

Heraldika Shqiptare Albanian Heraldry