SkyscraperCity Forum banner
81 - 100 of 1718 Posts

·
JoniTTML
Joined
·
3,219 Posts
Stema e Dushmanëve

Principata e Dushmanëve jetoi në shek. XIV-XV duke u shtrirë, kryesisht, në Pultin e Vogël dhe më gjerë. Lekë dhe Pjetër Dushamni morën pjesë në Lidhjen e Lezhës. Pas pushtimit Osman, Dushmanajt i gjejmë, më 1650, në Athinë, duke luftuar kundër Osmanëve. Më pas i gjejmë si Stratiot dhe Kavalierë në Peleponez dhe në ujdhesat përqark tij (domene të Venedikut).

Më 1779 një degë e Dushmanëve e gjejmë në Librin e Artë të familjeve fisnike të ujdhesës së Korfuzit. Stema është e kaltër, ku hyjnë nga e djathta dhe e majta dy krahë të armuar të argjendtë,ku vetëm pëllëmbët janë të zhveshura, që mbajnë së bashku një shpatë ngritur pingul.

Gjin Varfi.



Heraldika Shqiptare Albanian Heraldry
 

·
JoniTTML
Joined
·
3,219 Posts
Stema e Muzajkave Faza e dyte.

Armori i Muzakajve gjatë kohës së lulëzimit të tyre në Shqipëri është : i kuq , me një shqiponjë të artë , dykrenore krahëhapur dhe e kurorëzuar. Në ballë një shqytëz trekëndor i kaltër me një yll të artë gjashtëcepësh. Stema e Muzakajve, ndonëse ka simbole të njëjta me atë të Kastriotëve, ka ngjyra të tjera , gjë që sipas rregullave heraldike përbën një stemë krejt më vete. Këto simbole iu njohën despotit Andrea II Muzaka nga perandoi i Konstandinopojës, Johani V Paleologu.



Heraldika Shqiptare Albanian Heraldry
 

·
JoniTTML
Joined
·
3,219 Posts
Stema e Tivarit është e kuqe me figurën e Shën Gjergjit, veshur me petka të argjendta. Krahëve mban një pelerine të kuqe, rreth kokës një aureole. Shën Gjergji hipur mbi një kalë të argjendtë qëllon me heshtë po të argjendtë një dragua të blertë. Stema gjendet në vulën e gjykatës së Tivarit të shek. XIV. Qarkohet me shkrimin latinisht : “ S.D.L. IJUDICI DA TIVAR”. Ilustrimi që shohim është gravurë e vitit 1896.

Qyteti i Tivarit në shek. IX bëhet qendër arqipeshkvie. Në gjysmën e parë të shek. XIV bëhet Komunë qytetare e tipit të Republikës së Raguzës. Në krye të pushtetit qëndror qëndronte një Kont. Më 1360 bën pjesë në Principatën e Balshajve. Më 1442 Tivari kalon nën Republikën e Venedikut, ku i regjistrohen statutet dhe vulat me stemën e qytetit, pranë Senatit të Republikës së Venedikut. Më 1448 Tivari bën pjesë përkohësisht në Shtetin e Skënderbeut. Në shek. XVI Tivari numëronte 64 familje fisnike, nga të cilat më 1929 kishin mbetur 12.

Gjin Varfi.



Heraldika Shqiptare Albanian Heraldry
 

·
JoniTTML
Joined
·
3,219 Posts
Familja princore Topia është nga familjet fisnike më të hershme dhe më kryesoret. Përmendet për here të pare më 1274, si aleate me Anzhuinët e Napolit. Qendra politike dhe administrative e saj ka lëvizur nga Kruja në Durrës, duke sunduar gjatë shekujve XIV-XV. Më 1444 Andrea Topia bashkë me dy djemtë e tij : Komin dhe Muzakë Topia, si dhe nipin e tij Tanush Topia morën pjesë në Lidhjen e Lezhës.

Stema e hershme e Topiajve është e kaltër me një Luan të artë, të ngritur në dy këmbët e pasme, i cili mban një shpatë po të artë ngritur lart. Në këndin e djathtë të ballit është një zambak i argjendtë.

Gjin Varfi.



Heraldika Shqiptare Albanian Heraldry
 

·
JoniTTML
Joined
·
3,219 Posts
Familja Cernojeviqi (Ziu) është nga familjet më të rëndsishme që sunduan në Malin e Zi.

Përmenden që më 1322. Me kohë kjo familje u sllavizua. Principata e Cernojeviqëve u shtri në Malsinë midis Grykës së Kotorrit dhe qytetit bregdetar Budua, në shek. XIV-XV.Figura më e shquare e saj është Stefan Cernojeviqi. Më 1444, së bashku me djemtë Gjergj dhe Jani (Ivani) morën pjesë në Lidhjen e Lezhës. Gjatë viteve 1451-1465 Principata e tij përjetoi kulmin e lulëzimit dhe të zgjerimit të saj drejt Lindjes.

Qendër politike dhe administrative e Principatës u bë Zhabiaku, buzë liqenit të Shkodrës. Më 1465 në fronin e Principatës hipi Jani (Ivani).

Më 1478 Zhabiaku bie nën sundimin Osman dhe, më 1499 territoret e Principatës së Cernojeviqëve dhe më gjerë përfshihen në sanxhakun e Shkodrës.

Stema e Cernojeviqëve është e kuqe me një shqiponjë të artë dykrenore, e kurorëzuar dhe krahëhapur. Stema rrethohet nga një kurorë floreale që mbahet nga dy engjëj.
Kjo stemë ndodhet në miniature me ngjyra në psalltarin e kishës ortodokse në manastirin e Stranicës 1484. Sot psalltari ndodhet në Primorska Mitropolija ( Mali i Zi ).

Më 1452 stema dhe titulli “ duke” Cernojeviqëve iu njohe nga Sinjoria e Republikës sëVenedikut.













Heraldika Shqiptare Albanian Heraldry
 

·
JoniTTML
Joined
·
3,219 Posts
Vizatim i shekullit te XVI me pamjen e kalase se Shkodres ne te cilen dallohet dhe stema e qytetit. Eshte i ngjashem me relievin qe ndodhet ne shkollen Shqiptare ne Venezia.





Heraldika Shqiptare Albanian Heraldry
 

·
JoniTTML
Joined
·
3,219 Posts
Monedhe e qytetit te Tivarit
BAR (Antivari, Tivar)
·S·GEORG·- ANTIVARI- Shen Gjergji -Tivar.
+·S·MARCVS·VENETI·
Shën Gjergji hipur mbi një kalë qëllon me heshtë një dragua.



Heraldika Shqiptare Albanian Heraldry
 

·
JoniTTML
Joined
·
3,219 Posts
1684 - 1691 ITALI-VENEDIK - DALMA ET ALBAN
Anë e përparme: * SAN * M ARC * ven *, përballet me luanin e Shën Markut, * II *.
Ana e kundërt: * DALMA / ET / ALBAN * (Dalmaci dhe Shqipëri/Arbënia Venedikase ).
Hedhur në qarkullim gjate viteve1684 dhe 1691. (7.26 g, 29mm).
Hedhur ne qarkullim me dekret në dy raste, 17 qershor 1684 dhe 10 shkurt 1691. Njeri nga dy dogjet e venedikut mendohet se ka dhene dekretin, Marcantonio Giustinian 1684- 1688 dhe Francesco Morosini 1688-1694.



Heraldika Shqiptare Albanian Heraldry
 

·
JoniTTML
Joined
·
3,219 Posts
DRISHT (Drivast, Drivasto)
Monedha autonome (Shek.XIV-XV)
Paraqitja e Shën Marisë ulur mbi një fron me një aureolë mbi kokë.
[·DRIVA-STI·]
Paraqitja e Jezusit ulur në prehrin e Shën Marisë me një aureolë mbi kokë.



Heraldika Shqiptare Albanian Heraldry
 

·
JoniTTML
Joined
·
3,219 Posts
Monedha e Ulqinit Mesjetar.

ULQINI (Dulcigno)
Qyteti Autonome
(Shekulli XIV.)
Anë e përparme:
"Paraqitja e Shën Marisë ulur mbi një fron me Jezusin ulur në prehrin e Shën Marisë".
Ana e kundërt:
"Qengji i Perëndisë".
Mbishkrimi:
" [·M·-·DE·DVLCI-G-Ŋ-O]".



Heraldika Shqiptare Albanian Heraldry
 

·
JoniTTML
Joined
·
3,219 Posts
Stema e Jonimajve.

Jonima është një nga familjet princore më të hershme në Shqipëri. Jonimajt përmenden si Sevastë që më 1208.Qendrën e tyre politike dhe administrative e patën në Sebastë, në lindje të Laçit. Emrin e familjes Jonima e ndeshim dhe në trajtën Gjonima, Jonema dhe Gonema.

Ndër figurat më të shquara të kësaj familjeje përmendet bujari Dhimitër Jonima, i cili , më 1389 bashkë me Gjergj II Strazimir Balshën merr pjesë në Betejën e Kosovës. Pas pushtimit Osman, një degë e Jonimajve u vendos në qytetin bregdetar Parga, asaj kohe nën Republikën e Venedikut. Në shek XVI Jonimajt i gjejmë në Librin e Artë të familjeve fisnike të udhjesës së Korfuzit.

Armori i Jonimajve është: i kaltër me një luan të artë dhe të kurorëzuar, ngritur në dy këmbët e pasme, me të përparmet mban një kullë po të artë. Kjo emblem u punua nga H.Ströhl më 1908.



Heraldika Shqiptare Albanian Heraldry
 

·
JoniTTML
Joined
·
3,219 Posts
Stema e Elena Gjikës - Dora d’Istrias

Familja fisnike Gjika Përmendet, më 1735, me princin Grigor Gjika, “ vojvodë “ i Vllahisë dhe më 1755 edhe i Moldavisë.

Elena Massalski Gjika, (1829-1888), princeshë shqitare rumune, është shkrimtare dhe publiciste përparimtare. Mori pjesë gjallërisht në lëvizjen kulturore përparimtare të Evropës. Përkrahu nxehtësisht lëvizjen kombëtare shqiptare, sidomos, në vitet e Lidhjes Shqiptare të Prizrenit.

Stema e saj është e ndarë në të argjendtë dhe të kuq. Në të argjendtë një skifter i zi në fluturim që mban në sqep një kryq të zi. Poshtë një kurorë e artë, e cila është vendosur mbi një kube të blertë. Mbi të kuqe është një kokë kau e argjendtë.

Për shqyt një përkrenare e kurorëzuar dhe për kreshtë përsëten simbolet e shqytit të ngjyrosura në të argjendtë dhe të kuqe.



Heraldika Shqiptare Albanian Heraldry
 

·
JoniTTML
Joined
·
3,219 Posts
Stema e Familjes Meksi.

Familja fisnike Meksi përmendet në dokumente historike në shek. XV. Pas pushtimit Osman, Meksajt luftojnë si stratiotë nëpër repartet e ushtrive të Venedikut. Një degë e kësaj familjeje u vendos në Dalmaci që më 1449. Më 1553 Meksajt i gjejmë në katalogun e familjeve fisnike të Kotorrit, i cili ishte nën Republikën e Venedikut.

Në Shqipëri shquhet Vangjel Meksi nga Labova e Gjirokastrës, mjek, lëvrues i gjuhës shqipe, i cili përktheu për herë të parë në gjuhën shqipe “Dhjatën e re” (1821), e cila u botua pas vdekjes së tij, nën kujdesin e Grigor Gjirokastritit, në Korfuz, më 1827.

Stema e stratiotëve Meksi, që luftuan dhe jetuan në qytetin e Kotorrit, është e kaltër me një brez të artë. Në pjesën e sipërme të shqytit është një pëllumb i argjendtë dhe në pjesën e poshtme dy yje të artë gjashtëcepësh. Mbi shqyt një përkrenare e kurorëzuar, në qafen e së cilës është një kryqth i zi “patent” me pelhurë koke të ojnëzuar , të verdhë nga brenda dhe të kaltër nga jashtë. Për kreshtë ka tri pendë: të kaltër, të verdhë, të kaltër. Ky blazon u punua nga J.B Rietstap, më 1887.



Heraldika Shqiptare Albanian Heraldry
 
81 - 100 of 1718 Posts
Top