[MysoreOne]

track all the Gulbarga city transportation news/updates of NEKRTC, Nrupatunga Nagara Sarige etc.. :cheers:

Copyrights:- Binai Sankar

 

[MysoreOne]

Total of Nrupatunga Buses operating is 40+10=50

:cheers:

 

[MysoreOne]

ನೃಪತುಂಗ: ರೂ 20ಕ್ಕೆ ನಗರ ಸಂಚಾರ

ಮಹಾನಗರವಾಗಿ ಬೆಳೆಯುತ್ತಿರುವ ಗುಲ್ಬರ್ಗದಲ್ಲಿ `ನೃಪತುಂಗ ನಗರ ಸಾರಿಗೆ' 50 ಬಸ್ ಆರಂಭಿಸಿ ಸಾಕಷ್ಟು ಗಮನ ಸೆಳೆಯುತ್ತಿರುವ ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯು, ಇದೀಗ ಪ್ರಯಾಣಿಕರ ಅನುಕೂಲಕ್ಕಾಗಿ ರೂ. 20ಕ್ಕೆ ದಿನದ ಬಸ್*ಪಾಸ್ ನೀಡುವ ಯೋಜನೆಯನ್ನು ಡಿಸೆಂಬರ್ 1ರಿಂದ ಜಾರಿಗೊಳಿಸುತ್ತಿದೆ.

ದಿನದ ಬಸ್*ಪಾಸ್ ಪಡೆದುಕೊಂಡ ಪ್ರಯಾಣಿಕರು ನಗರದಾದ್ಯಂತ `ನೃಪತುಂಗ ನಗರ ಸಾರಿಗೆ' ಬಸ್*ಗಳಲ್ಲಿ ಒಂದು ದಿನದಮಟ್ಟಿಗೆ ಎಷ್ಟು ಸಲ ಬೇಕಾದರೂ ಪ್ರಯಾಣಿಸಬಹುದಾಗಿದೆ. ಸೂಪರ್ ಮಾರ್ಕೆಟ್, ಕೇಂದ್ರ ಬಸ್ ನಿಲ್ದಾಣಗಳ ಸಂಚಾರ ನಿಯಂತ್ರಕರಲ್ಲಿ ಹಾಗೂ ನಗರ ಸಾರಿಗೆ ಬಸ್ ನಿರ್ವಾಹಕ ಹತ್ತಿರ ದಿನದ ಬಸ್*ಪಾಸ್ ದೊರೆಯಲಿವೆ.

ಬಸ್ ವೇಳಾಪಟ್ಟಿ: ಎಸ್*ಎಂಎಸ್ ಸೇವೆ
ಗುಲ್ಬರ್ಗ ಕೇಂದ್ರ ಬಸ್ ನಿಲ್ದಾಣದಿಂದ ಹೊರಡುವ ಬಸ್*ಗಳ ವೇಳಾಪಟ್ಟಿಯನ್ನು ಪ್ರಯಾಣಿಕರು ತಮ್ಮ ಮೊಬೈಲ್*ನ್ಲ್ಲಲೇ ಪಡೆದುಕೊಳ್ಳುವ ಸೌಲಭ್ಯವನ್ನು ಜಾರಿಗೊಳಿಸಿದೆ.

ಮೊಬೈಲ್ ಮೂಲಕ ಕಿರು ಸಂದೇಶ ಸೇವೆ(ಎಸ್*ಎಂಎಸ್) ಯನ್ನು ಬಳಸಿಕೊಂಡು ಮಾಹಿತಿ ಪಡೆದುಕೊಳ್ಳಬಹುದಾಗಿದೆ. ಸಂದೇಶ ರವಾನಿಸುವ ವಿಧಾನ ಈ ರೀತಿ ಇದೆ. ಎGET<space>FROMSTATION<space>TOSTATION<space>M ಎಂದು ಟೈಪ್ ಮಾಡಿ ಸಂದೇಶ ಕಳುಹಿಸಬೇಕು.

ದಿನದ ಯಾವ ಸಮಯದ ಬಸ್ ವೇಳಾಪಟ್ಟಿ ಎಂಬುದನ್ನು ತೋರಿಸಲು ಕೊನೆಯಲ್ಲಿ ಅಥವಾ A ಅಥವಾ E ಅಥವಾ A ( M-morning, A-afternoon, E-evening, N-night) ಎಂದು ಟೈಪ್ ಮಾಡಬೇಕು. ಟೈಪ್ ಮಾಡಿದ ಸಂದೇಶವನ್ನು 54646ಗೆ ಕಳುಹಿಸಿದರೆ, ಮಾಹಿತಿ ಲಭ್ಯವಾಗುತ್ತದೆ.

ಜನರು ದಿನದ ಬಸ್*ಪಾಸ್ ಹಾಗೂ ಎಸ್*ಎಂಎಸ್ ಮೂಲಕ ಮಾಹಿತಿ ಪಡೆದುಕೊಳ್ಳುವ ಅನುಕೂಲಗಳನ್ನು ಸದುಪಯೋಗ ಪಡಿಸಿಕೊಳ್ಳಬೇಕು ಎಂದು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ಜಿ.ಎನ್. ಶಿವಮೂರ್ತಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

http://www.prajavani.net

good going NEKRTC & nrupatunga nagara sarige that too without any hype :cheers:

 

[MysoreOne]

ಹೈಟೆಕ್ ಡ್ರೈವಿಂಗ್ ಟೆಸ್ಟ್ ಟ್ರ್ಯಾಕ್' ಶೀಘ್ರ

ಬೈಕ್ ಸೇರಿದಂತೆ ಯಾವುದೇ ವಾಹನ ಚಾಲನಾ ಪರವಾನಗಿ ಪಡೆದುಕೊಳ್ಳುವುದು ಇನ್ನು ಸುಲಭದ ಮಾತಲ್ಲ. ಗುಲ್ಬರ್ಗದಲ್ಲಿ ಅತ್ಯಾಧುನಿಕ ವಾಹನಚಾಲನಾ ಪರೀಕ್ಷಾ ಪಥ (ಹೈಟೆಕ್ ಡ್ರೈವಿಂಗ್ ಟೆಸ್ಟ್ ಟ್ರ್ಯಾಕ್) ಶೀಘ್ರದಲ್ಲೆ ನಿರ್ಮಾಣವಾಗಲಿದೆ. ಇನ್ಮುಂದೆ ಪರೀಕ್ಷಾರ್ಥ ವಾಹನ ಚಾಲನೆ ಮಾಡುವವರ ಮೇಲೆ ಕಂಪ್ಯೂಟರ್ ನಿಗಾ ವಹಿಸಲಿದೆ.

ರಾಜ್ಯದಲ್ಲೆ ಪ್ರಪ್ರಥಮ ಹೈಟೆಕ್ ಡ್ರೈವಿಂಗ್ ಟೆಸ್ಟ್ ಟ್ರ್ಯಾಕ್ ಬೆಂಗಳೂರಿನ ಮಲ್ಲತಹಳ್ಳಿಯಲ್ಲಿ ಉದ್ಘಾಟನೆಗೊಂಡು ಕಾರ್ಯನಿರ್ವಹಿಸುತ್ತಿದೆ. ಇದೀಗ ಗುಲ್ಬರ್ಗ ನಗರಕ್ಕೆ ಈ ಅತ್ಯಾಧುನಿಕ ಸೌಲಭ್ಯ ವಿಸ್ತರಿಸಲು ರೂ. 4.15 ಕೋಟಿ ಯೋಜನೆಗೆ ರಾಜ್ಯ ಸರ್ಕಾರ ಅನುಮೋದನೆ ನೀಡಿದ್ದು, ಈಗಾಗಲೇ ಯೋಜನೆ ಅನುಷ್ಠಾನಕ್ಕೆ ಟೆಂಡರ್ ಕೂಡಾ ಆಹ್ವಾನಿಸಲಾಗಿದೆ. ಯೋಜನೆ ಆರಂಭಗೊಂಡ ಮೊದಲವರ್ಷ ಮೂರು ಕೋಟಿ ವೆಚ್ಚ ಮಾಡುವುದಕ್ಕೆ ಸಂಬಂಧಿಸಿದ ಇಲಾಖೆಗೆ ನಿರ್ದೇಶನ ನೀಡಲಾಗಿದೆ.

ಬೆಂಗಳೂರಿನಲ್ಲಿ ಒಂದೂವರೆ ಎಕರೆ ಜಾಗದಲ್ಲಿ ಲಘು ವಾಹನ ಹಾಗೂ ಬೈಕ್ ಚಾಲನಾ ಪಥಗಳನ್ನು ಮಾತ್ರ ಕಂಪ್ಯೂಟರೀಕರಣಗೊಳಿಸಲಾಗಿದೆ. ಆದರೆ ಗುಲ್ಬರ್ಗದಲ್ಲಿ ಮೂರುವರೆ ಎಕರೆ ಜಾಗದಲ್ಲಿ ಲಘುವಾಹನ, ಭಾರಿವಾಹನ ಹಾಗೂ ಬೈಕ್ ಪಥಗಳನ್ನು ಸಂಪೂರ್ಣ ಕಂಪ್ಯೂಟರೀಕರಣಗೊಳಿಸಲು ಯೋಜನೆ ಸಿದ್ಧವಾಗಿದೆ. ಹೈಟೆಕ್ ಡ್ರೈವಿಂಗ್ ಟ್ರ್ಯಾಕ್*ಗೆ ಸೆನ್ಸಾರ್*ಗಳನ್ನು ಅಳವಡಿಸಲು ಗುಜರಾತ್ ರಾಜ್ಯದ `ಸಾಲ್ಟ್ ವಾಟರ್' ಎನ್ನುವ ಕಂಪೆನಿಗೆ ಮುಂದೆ ಬಂದಿದ್ದು, ಕಾಮಗಾರಿ ಅನುಷ್ಠಾನಗೊಳಿಸುವ ಜವಾಬ್ದಾರಿಯನ್ನು ಈಶಾನ್ಯ ಕರ್ನಾಟಕ ಸಾರಿಗೆ ಸಂಸ್ಥೆಯ ಕಾಮಗಾರಿ ವಿಭಾಗವು ವಹಿಸಿಕೊಂಡಿದೆ.

`ಯೋಜನೆ ಅನುಷ್ಠಾನಕ್ಕೆ ಈಗಾಗಲೇ ಎಲ್ಲ ರೀತಿಯ ನೀಲನಕ್ಷೆ ಸಿದ್ಧಪಡಿಸಿಕೊಂಡು ಅನುಮೋದನೆಯನ್ನು ಪಡೆದುಕೊಳ್ಳಲಾಗಿದೆ. ಕಾಮಗಾರಿ ಕೈಗೊಳ್ಳುವುದಕ್ಕೆ ಈಗಾಗಲೇ ಟೆಂಡರ್ ಆಹ್ವಾನಿಸಲಾಗಿದ್ದು, ಇನ್ನೆರಡು ತಿಂಗಳಲ್ಲಿ ಟ್ರ್ಯಾಕ್ ಅಭಿವೃದ್ಧಿ ಕಾರ್ಯ ಆರಂಭಗೊಳ್ಳಲಿದೆ. ಯೋಜನೆ ಆರಂಭಿಸಿದ ಆರು ತಿಂಗಳಲ್ಲಿ ಪೂರ್ಣಗೊಳಿಸಲಾಗುವುದು' ಎಂದು ಸಾರಿಗೆ ಇಲಾಖೆಯ ಅಧಿಕಾರಿಗಳು `ಪ್ರಜಾವಾಣಿ'ಗೆ ವಿವರಿಸಿದರು.

`ಬೆಂಗಳೂರಿನಲ್ಲಿ ಈ ಯೋಜನೆ ಯಶಸ್ವಿಯಾದ ನಂತರ ಧಾರವಾಡ, ಮೈಸೂರು ಹಾಗೂ ಗುಲ್ಬರ್ಗದಲ್ಲಿ ಹೈಟೆಕ್ ಡ್ರೈವಿಂಗ್ ಟ್ರ್ಯಾಕ್ ಯೋಜನೆ ಜಾರಿಯಾಗುತ್ತಿದೆ. ಗುಲ್ಬರ್ಗ ವಿಭಾಗದಲ್ಲಿ ಈಗಾಗಲೇ ಹುಮನಾಬಾದ್ ಸಾರಿಗೆ ಸಂಸ್ಥೆ ಅಡಿಯಲ್ಲಿ ಬಸ್ ಚಾಲಕರಿಗಾಗಿ ಮಾತ್ರ ಸೆನ್ಸಾರ್ ಒಳಗೊಂಡ ಸಂಪೂರ್ಣ ಕಂಪ್ಯೂಟರೀಕರಣ ಮಾಡಲಾದ ಟ್ರ್ಯಾಕ್ ಅಭಿವೃದ್ಧಿಗೊಳಿಸಲಾಗಿದೆ. ಇದರಿಂದಾಗಿ ಪಕ್ಕಾ ಚಾಲನೆ ತರಬೇತಿ ಪಡೆದುಕೊಂಡು ಚಾಲಕರನ್ನಷ್ಟೆ ಆಯ್ಕೆ ಮಾಡುವುದಕ್ಕೆ ಸಾಧ್ಯವಾಗುತ್ತಿದೆ. ನಗರದೊಳಗೆ ಮತ್ತು ಹೊರವಲಯದ ರಸ್ತೆಗಳಲ್ಲಿ ವಾಹನ ದಟ್ಟಣೆ ಹೆಚ್ಚಾಗಿರುವುದರಿಂದ ಚಾಲಕರು ತುಂಬಾ ಜಾಗರೂಕತೆಯಿಂದ ವಾಹನ ಓಡಿಸುವ ಅಗತ್ಯವನ್ನು ಮನಗಂಡು, ಚಾಲನಾ ಪರವಾನಗಿ ನೀಡುವುದಕ್ಕೆ ವೈಜ್ಞಾನಿಕ ವಿಧಾನ ಅನುಸರಿಸಲಾಗುತ್ತಿದೆ' ಎಂದರು.

ಗುಲ್ಬರ್ಗದ ಕುಸನೂರ ಗ್ರಾಮಕ್ಕೆ ತೆರಳುವ ಮಾರ್ಗದಲ್ಲಿ ರಿಂಗ್*ರಸ್ತೆ ಹತ್ತಿರ ಇರುವ ಟ್ರ್ಯಾಕ್ ಇನ್ನು ಮುಂದೆ ಸಂಪೂರ್ಣ ಹಸಿರು ಉದ್ಯಾನದಿಂದ ಕಂಗೊಳಿಸಲಿದೆ. ಮೂರುವರೆ ಎಕರೆ ಜಾಗದಲ್ಲಿ ವಾಹನಗಳ ನಿಲ್ದಾಣ, ಕಂಪ್ಯೂಟರ್ ಕೋಣೆಗಳು, ವಿವಿಧ ಸಿಗ್ನಲ್*ಗಳು ಹಾಗೂ ಒಟ್ಟು ಎಂಟು ಸಿಸಿಟಿವಿ ಕ್ಯಾಮೆರಾ ಅಳವಡಿಸಲಾಗುತ್ತದೆ. ಬೈಕ್ ಚಾಲನಾ ಪರೀಕ್ಷೆಗೆ `ಎಟ್' ಇಂಗ್ಲಿಷ್ ಅಂಕಿ ಮಾದರಿ ಪಥ, ಲಘು ವಾಹನ ಚಾಲನಾ ಪರೀಕ್ಷೆಗೆ `ಎಸ್' ಇಂಗ್ಲಿಷ್ ಅಕ್ಷರ ಮಾದರಿ ಪಥ ಹಾಗೂ ಭಾರಿ ವಾಹನ ಚಾಲನೆಯ ಪಥಗಳನ್ನು ನಿರ್ಮಿಸಲಾಗುತ್ತದೆ.

ಹೈಟೆಕ್ ಚಾಲನಾ ಪರೀಕ್ಷೆ ಹೇಗೆ:ಪಥದ ಉದ್ದ ಹಾಗೂ ಅಗಲಗಳನ್ನು ವೈಜ್ಞಾನಿಕ ತಳಹದಿಯ ಮೇಲೆ ನಿರ್ಮಿಸಲಾಗುವುದು. ಪ್ರತಿಯೊಂದು ಪಥದ ಬದಿಗೆ ಸೆನ್ಸಾರ್*ಗಳನ್ನು ಅಳವಡಿಸಲಾಗುತ್ತದೆ. ಚಾಲನಾ ಪರೀಕ್ಷೆ ವೇಳೆ ಚಾಲಕರು ವಾಹನದೊಂದಿಗೆ ಚಲಿಸುವಾಗ ಪಥದ ಬದಿಗೆ ಹೊಡೆದರೆ ಅಥವಾ ವಾಹನ ಸ್ಥಗಿತಗೊಳಿಸಿದರೆ ಪರವಾನಗಿ ನೀಡುವುದಕ್ಕೆ ಕಂಪ್ಯೂಟರ್ ವ್ಯವಸ್ಥೆ ನಿರಾಕರಿಸುತ್ತದೆ. ಪಥದಲ್ಲಿ ವಾಹನ ಚಲಿಸುವ ಪೂರ್ವದಲ್ಲಿ ಪ್ರತಿಯೊಬ್ಬ ಅಭ್ಯರ್ಥಿಗೆ ಸಿಗ್ನಲ್ ಹಾಗೂ ಕಂಪ್ಯೂಟರ್ ಪಥದ ಕುರಿತು ಪಾಠ ಮಾಡಲಾಗುತ್ತದೆ.

`ಸಾರಿಗೆ ಇಲಾಖೆ ಅಧಿಕಾರಿಗಳ ಪ್ರಭಾವ ಹಾಗೂ ಅರ್ಧಮರ್ಧ ಚಾಲನಾ ತರಬೇತಿ ಪಡೆದು ಚಾಲನಾ ಪರವಾನಗಿ ಪಡೆದುಕೊಳ್ಳುವ ಸಾಧ್ಯತೆ ಇತ್ತು. ಆದರೆ ಇನ್ನು ಮುಂದೆ ಇದ್ಯಾವುದಕ್ಕೂ ಅವಕಾಶವಾಗದಿರುವುದು ಒಳ್ಳೆಯ ಬೆಳವಣಿಗೆ. ರಸ್ತೆ ಅಪಘಾತಗಳನ್ನು ಕಡಿಮೆಯಾಗುವುದಕ್ಕೆ ವಾಹನ ಸವಾರರು ಸಾಕಷ್ಟು ತರಬೇತಿ ಹೊಂದಿದರೆ ಮಾತ್ರ ಪರವಾನಗಿ ಪಡೆದುಕೊಳ್ಳುವುದಕ್ಕೆ ಕಂಪ್ಯೂಟರ್ ಸಾಫ್ಟ್*ವೇರ್ ಅನುಮತಿ ನೀಡುತ್ತದೆ.

ಪಥದಲ್ಲಿನ ಪ್ರತಿಯೊಂದು ಚಟುವಟಿಕೆಗಳ ಮೇಲೆ ಸಿಸಿಟಿವಿ ನಿಗಾ ಇರುವುದರಿಂದ ತಪ್ಪುಗಳು ಘಟಿಸುವುದಿಲ್ಲ' ಎನ್ನುತ್ತಾರೆ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಈಶ್ವರ ಅವಟಿ.

http://www.prajavani.net

super :cheers:

 

[MysoreOne]

NEKRTC Nrupatunga Nagara Sarige

 

[gentem]

Can anybody upload a licensed pic to http://en.wikipedia.org/wiki/Gulbarga_Ring_Road

 

[Manjunath kasigavi]

Gulbarga City Tour Bus Inaguarated.

 

[sunil.kulkarni]

Gulbarga City Tour Bus Inaguarated

ಗುಲ್ಬರ್ಗ: ಹೈದರಾಬಾದ್ ಕರ್ನಾಟಕ ಪ್ರದೇಶದಲ್ಲಿ ಅನೇಕ ಪ್ರೇಕ್ಷಣೀಯ ಸ್ಥಳಗಳಿದ್ದು ಅವುಗಳನ್ನು ಅಭಿವೃದ್ಧಿ ಪಡಿಸುವ ಮೂಲಕ ಸ್ಥಳೀಯ ಪ್ರವಾಸೋದ್ಯಮಕ್ಕೆ ಪ್ರೋತ್ಸಾಹಿಸಬೇಕಾಗಿದೆ ಎಂದು ರಾಜ್ಯಸಭಾ ಸದಸ್ಯ ಬಸವರಾಜ ಪಾಟೀಲ ಸೇಡಂ ತಿಳಿಸಿದರು.
ಭಾನುವಾರ ನಗರದ ಶರಣಬಸವೇಶ್ವರ ದೇವಸ್ಥಾನದ ಹತ್ತಿರ ವಿಕಾಸ ಅಕಾಡೆಮಿ ಸಹಯೋಗದಲ್ಲಿ ನೃಪತುಂಗ ಟೂರ್ಸ್* ಮತ್ತು ಟ್ರಾವೆಲ್ಸ್ ಆಯೋಜಿಸಿದ `ಗುಲ್ಬರ್ಗ ನಗರ ವೈಭವ ದರ್ಶನ' ಒಂದು ದಿನದ ಪ್ರವಾಸ ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದರು.
ಎಲ್ಲೆಲ್ಲೋ ಪ್ರವಾಸಕ್ಕಾಗಿ ಹೋಗುವ ನಮಗೆ ನಮ್ಮ ಸುತ್ತಲಿನ ಪ್ರೇಕ್ಷಣೀಯ ಸ್ಥಳಗಳ ಪರಿಚಯವೇ ಇರುವುದಿಲ್ಲ. ಸಾರ್ವಜನಿಕರಿಗೆ ಇವುಗಳ ಪರಿಚಯ ಮಾಡಿಕೊಡುವ ಕೆಲಸ `ವಿಕಾಸ ಅಕಾಡೆಮಿ'ಯ ನೃಪತುಂಗ ಟೂರ್ಸ್* ಮತ್ತು ಟ್ರಾವೆಲ್ಸ್ ಮಾಡುತ್ತಿದೆ ಎಂದರು.
ಬೀದರ್, ಬಸವಕಲ್ಯಾಣ ಅಭಿವೃದ್ಧಿ ಪಡಿಸಿರುವುದರಿಂದ ಈಗ ಅವು ಒಳ್ಳೆಯ ಪ್ರೇಕ್ಷಣೀಯ ಸ್ಥಳಗಳಾಗಿವೆ. ಗುಲ್ಬರ್ಗದಲ್ಲೂ ಶರಣಬಸವೇಶ್ವರ ದೇವಾಲಯ, ಬುದ್ಧವಿಹಾರ, ಖಾಜಾ ಬಂದಾ ನವಾಜ್ ದರ್ಗಾದಂತಹ ಸ್ಥಳಗಳು ಜನರನ್ನು ತಮ್ಮತ್ತ ಸೆಳೆಯುತ್ತಿವೆ ಎಂದು ಹೇಳಿದರು.
ವಿಕಾಸದ ಹಾದಿಯಲ್ಲಿ ಸಾವಿರ ಮುಖಗಳಿವೆ. ಈ ನಿಟ್ಟಿನಲ್ಲಿ ವಿಕಾಸ ಅಕಾಡೆಮಿ ಹಾಗೂ ಕೊತ್ತಲ ಬಸವೇಶ್ವರ ಶಿಕ್ಷಣ ಸಂಸ್ಥೆ ವಿವಿಧ ತರಬೇತಿ, ಸಾವಯವ ಕೃಷಿ, ಅನೇಕ ಜನಜಾಗೃತಿ ಕಾರ್ಯಕ್ರಮಗಳನ್ನು ಆಯೋಜಿಸಿ ಜನಮನ ಗೆದ್ದಿವೆ. ಇದರಲ್ಲಿ ಸೇಡಂನಲ್ಲಿ ಆಯೋಜಿಸಿದ ಜಾಗೃತಿ ಜಾತ್ರೆ ಹಾಗೂ ಗುಲ್ಬರ್ಗದ ಕಲ್ಬುರ್ಗಿ ಕಂಪು ಕಾರ್ಯಕ್ರಮಗಳು ಐತಿಹಾಸಿಕ ಕಾರ್ಯಕ್ರಮಗಳಾಗಿವೆ ಎಂದರು.
ಸುಭಾಷ ಬಿರಾದಾರ, ಅಮರನಾಥ ತಡಕಲ್, ಅಶೋಕ ದೇಸಾಯಿ, ವಾಸುದೇವ ಅಗ್ನಿಹೋತ್ರಿ ಮತ್ತಿತರರು ಇದ್ದರು. ಸಂಜುಕುಮಾರ ಸಿರನೂರಕರ್ ಪ್ರಾರ್ಥಿಸಿದರು. ಮಾರ್ಥಂಡ ಶಾಸ್ತ್ರಿ ಸ್ವಾಗತಿಸಿದರು. ಉಮೇಶ ಶೆಟ್ಟಿ ವಂದಿಸಿದರು.

 

[sunil.kulkarni]

ನೃಪತುಂಗ ಪ್ರಯಾಣಿಕರಿಗೆ ಸ್ಮಾರ್ಟ್ ಶೆಲ್ಟರ್

ಗುಲ್ಬರ್ಗ: ನಗರದ ಪ್ರಮುಖ ರಸ್ತೆಗಳಲ್ಲೀಗ ಅತ್ಯಾಧುನಿಕ ಮಾದರಿಯ, ಸುಸಜ್ಜಿತ ಆಸನ ಸೌಕರ್ಯಗಳ ಬಸ್ ಶೆಲ್ಟರ್*ಗಳು ತಲೆ ಎತ್ತಿವೆ. ಈಗಾಗಲೇ ನೃಪತುಂಗ ಸಾರಿಗೆ ಸೇವೆಯೊಂದಿಗೆ ನಗರದ ನಿವಾಸಿಗಳ ಮನಗೆದ್ದಿರುವ ಇಲ್ಲಿನ ಈಕರಸಾ ಸಂಸ್ಥೆ ಇದೀಗ ಸ್ಮಾರ್ಟ್ ಬಸ್ ನಿಲ್ದಾಣಗಳ ನಿರ್ಮಾಣದೊಂದಿಗೆ ಪ್ರಯಾಣಿಕರಿಗೆ ಇನ್ನೂ ಹತ್ತಿರವಾಗಲಿದೆ.

ಸದ್ದಿಲ್ಲದೆ ಕ್ರಾಂತಿ ಮಾಡಿರುವ ನೃಪತುಂಗ ಸಾರಿಗೆಯಿಂದಲೇ ಮನೆಮಾತಾಗಿರುವ ಎನ್*ಇಕೆಆರ್ಟಿಸಿಯ ಬಣ್ಣ ಬಣ್ಣದ, ಆಕರ್ಷಕ ಹಾಗೂ ಸುಖಾಸೀನ ವ್ಯವಸ್ಥೆ ಇರುವ 33 ಬಸ್ ಶೆಲ್ಟರ್*ಗಳು ನಗರ ಸಾರಿಗೆ ಬಸ್ಸಿನ ನಿರೀಕ್ಷೆಯಲ್ಲಿರುವ ಎಲ್ಲರಿಗೂ ಅನುಕೂಲವಾಗಲಿವೆ.

ನಗರದಲ್ಲಿ ರಾಮಮಂದಿರ- ರಾಷ್ಟ್ರಪತಿ ವೃತ್ತ ರಸ್ತೆ, ಸರ್ದಾರ್ ಪಟೇಲ್ ವೃತ್ತದಿಂದ ಮಿಲ್ ರಸ್ತೆ, ಪಟೇಲ್ ವೃತ್ತದಿಂದ ಸೂಪರ್ ಮಾರ್ಕೇಟ್, ಷಹಾ ಬಜಾರ್ ಸಂಪರ್ಕ ರಸ್ತೆ, ಖಾಜಾ ಬಂದೇನವಾಜ್ ದರ್ಗಾ, ಮದೀನಾ ಕಾಲೋನಿ ರಸ್ತೆಗಳು... ಹೀಗೆ ಜನ ಹಾಗೂ ವಾಹನ ದಟ್ಟಣೆಯ ಪ್ರಮುಖ ರಸ್ತೆಗಳ ಇಕ್ಕೆಲಗಳಲ್ಲೆಲ್ಲ ನೃಪತುಂಗ ಸಾರಿಗೆಯ ಬಸ್ ನಿಲ್ದಾಣಗಳು ನಿರ್ಮಾಣಗೊಳ್ಳುತ್ತಿವೆ. ಹಲವೆಡೆ ನಿರ್ಮಾಣ ಕಾರ್ಯ ಪೂರ್ಣಗೊಂಡಿದ್ದು ಜನ ಅದನ್ನು ಬಳಸಲಾರಂಭಿಸಿದ್ದಾರೆ.

ಪ್ರಯಾಣಿಕರ ದಿಲ್ ಖುಷ್: ಹೈ-ಕ ಪ್ರದೇಶದಲ್ಲೇ ಪ್ರಥಮ ಬಾರಿಗೆ ಜಿಪಿಎಸ್ ತಂತ್ರಜ್ಞಾನ ಆಧಾರಿತ ನೃಪತುಂಗ ನಗರ ಸಾರಿಗೆ ಸೇವೆ ಗುಲ್ಬರ್ಗದಲ್ಲಿ ಆರಂಭಿಸುವ ಮೂಲಕ ಇಲ್ಲಿನ ಸಾರಿಗೆ ಸಂಸ್ಥೆ ಹೊಸ ಶಕೆ ಬರೆದಿತ್ತು. ಈ ಬೆಳವಣಿಗೆಯಿಂದಾಗಿ ಬಿಸಿಲೂರಿನ ಸಾರ್ವಜನಿಕ ಪ್ರಯಾಣಿಕರ ಬಹುದಿನಗಳ ಬೇಡಿಕೆಯೂ ಈಡೇರಿದಂತಾಗಿತ್ತು.

ಇದೀಗ ಸಾರಿಗೆ ಸೇವೆಯಷ್ಟೇ ಯಾಕೆ ಮೌಲ್ಯವರ್ಧಿತ ಸೇವೆಗೂ ನಾವು ಸಿದ್ಧ ಎಂದು ಸಾರಿಗೆ ಸಂಸ್ಥೆ ಮಳೆ, ಗಾಳಿ, ಬಿಸಿಲು, ಚಳಿಗೆ ರಕ್ಷಣೆ ಕೊಡುವಂತಹ ವೈಜ್ಞಾನಿಕ ಆಧಾರದ ಹಿನ್ನೆಲೆಯಲ್ಲಿ ನಿರ್ಮಿಸುತ್ತಿರುವ ಸ್ಮಾರ್ಟ್ ಬಸ್ ನಿಲ್ದಾಣಗಳಂತೂ ನಗರ ಸೌಂದರ್ಯಕ್ಕೆ ಕಳೆ ಕಟ್ಟಿವೆಯಲ್ಲದೆ ಪ್ರಯಾಣಿಕರ ಖುಷಿ ಇಮ್ಮಡಿಗೊಳಿಸಿವೆ.

ಡಾ. ನಂಜುಂಡಪ್ಪ ವರದಿ ಅನುಷ್ಠಾನ ಸಮಿತಿಯ ವಿಶೇಷಾಭಿವೃದ್ಧಿ ಯೋಜನೆಯಡಿಯಲ್ಲಿ ಈಶಾನ್ಯ ಸಾರಿಗೆಗೆ ಬಂದಿರುವ 1.50 ಕೋಟಿ ವೆಚ್ಚದಲ್ಲಿ 1 ಕೋಟಿ ಅನುದಾನ ನಗರ ಸಾರಿಗೆ ಬಸ್ ನಿಲ್ದಾಣ ನಿರ್ಮಾಣಕ್ಕೆ ಮೀಸಲಾಗಿಡಲಾಗಿದೆ. ಇದರಿಂದಾಗಿ ನಿಲ್ದಾಣ ಕಾಮಗಾರಿ ಚುರುಕಾಗಿ ಸಾಗಿದ್ದು ಮುಕ್ತಾಯ ಹಂತದಲ್ಲಿದೆ.

ಸೂಪರ್ ಮಾರ್ಕೇಟ್*ನಿಂದ...: ನಗರದಲ್ಲಿ ಸದ್ಯಕ್ಕೆ ಸೂಪರ್ ಮಾರ್ಕೇಟ್ ಕೇಂದ್ರವಾಗಿರುವಂತೆಯೇ ನೃಪತುಂಗ ಸಾರಿಗೆ ಸೇವೆ ವೇಳಾಪಟ್ಟಿ ರಚಿಸಲಾಗಿದ್ದು, ಅದು ಯಶಸ್ವಿಯಾಗಿ ಸಾಗಿದೆ. 13 ಪ್ರಮುಖ ಮಾರ್ಗಗಳಲ್ಲಿ ಈ ವಾಹನಗಳನ್ನು ಕಾರ್ಯಾಚರಣೆ ಮಾಡುತ್ತಿದೆ.

ಸೂಪರ್ ಮಾರ್ಕೇಟ್, ನಗರ ಸಾರಿಗೆ ಹಳೆ ಬಸ್ ನಿಲ್ದಾಣಕ್ಕೆ ಅಂಟಿಕೊಂಡೇ ಇರುವ ಹಳೆ ಜೈಲ್ ಗಾರ್ಡನ್ ಪ್ರದೇಶ ಸಾರಿಗೆ ಸಂಸ್ಥೆ ಪಡೆದುಕೊಂಡಿದ್ದು ಇಲ್ಲಿ ನೃಪತುಂಗ ಬಸ್ ನಿಲ್ದಾಣ ನಿರ್ಮಾಣ ಕಾಮಗಾರಿ ಸಾಗಿದೆ. ಬರುವ ದಿನಗಳಲ್ಲಿ ಇಲ್ಲಿಂದಲೇ ನಗರಾದ್ಯಂತ ಸಾರಿಗೆ ಜಾಲ ವಿಸ್ತಾರಗೊಂಡು ಕಾರ್ಯಾಚರಣೆ ನಡೆಸಲಿದೆ.

______________________________________________________

Always Gulbarga will do ಸದ್ದಿಲ್ಲದೆ ಕ್ರಾಂತಿ

 

[MysoreOne]

good going :cheers:

 

[sunil.kulkarni]

ನಗರದೆಲ್ಲೆಡೆ ನೃಪತುಂಗ ಹೈಟೆಕ್ ಬಸ್ ನಿಲ್ದಾಣ

ಗುಲ್ಬರ್ಗ: ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ವತಿಯಿಂದ ಗುಲ್ಬರ್ಗದಲ್ಲಿ ಪ್ರಥಮ ಬಾರಿಗೆ ಪ್ರಾರಂಭವಾದ ಸುಸಜ್ಜಿತವಾದ ನೃಪತುಂಗ ಸಾರಿಗೆಯ ಪ್ರಯಾಣಿಕರಿಗೆ ಸೌಕರ್ಯ ಒದಗಿಸುವ ದೃಷ್ಟಿಯಿಂದ ಬಸ್ ನಿಲ್ದಾಣಗಳ ನಿರ್ಮಿಸುವ ಕಾರ್ಯ ಭರದಿಂದ ನಡೆದಿದೆ.

ನಗರದೊಳಗಿನ ಜನರಿಗೆ ಸೌಕರ್ಯ ನೀಡುವ `ನೃಪತುಂಗ ಸಾರಿಗೆ' ಈಗಾಗಲೇ ಮನೆಮಾತಾಗಿದೆ. ಈ ಬಸ್ಸುಗಳ ಸೇವೆಯನ್ನು ನೀಡುತ್ತಿರುವ ಸಂಸ್ಥೆಯು ಇದೀಗ ಪ್ರಯಾಣಿಕರ ಅನುಕೂಲಕ್ಕಾಗಿ ಮತ್ತೆ ಜನಪರ ಕೆಲಸಕ್ಕೆ ಮುಂದಾಗಿದೆ.

ನಗರದಲ್ಲಿ ಒಟ್ಟು 33 ಸ್ಥಳಗಳನ್ನು ಗುರುತಿಸಿದ್ದು, ಮೊದಲ ಹಂತವಾಗಿ 12 ಬಸ್ ಶೆಲ್ಟರ್*ಗಳನ್ನು ನಿರ್ಮಿಸುವ ಕಾರ್ಯ ಪ್ರಾರಂಭವಾಗಿದೆ. ನಗರದ ಪ್ರಮುಖ ಬಡಾವಣೆಗಳಲ್ಲಿ ಅತ್ಯಾಧುನಿಕವಾದ ನಿಲ್ದಾಣ ನಿರ್ಮಿಸುವ ಕಾರ್ಯ ನಡೆದಿದೆ. ಸುಸಜ್ಜಿತವಾದ ಆಸನಗಳು, ಸೋಲಾರ್ ದೀಪಗಳು, ಎಲೆಕ್ಟ್ರಾನಿಕ್ ವೇಳಾಪಟ್ಟಿ ಅಳವಡಿಸಲಾಗುತ್ತಿದೆ.

ನಂಜುಂಡಪ್ಪ ವರದಿ ಅನುಷ್ಠಾನ ಸಮಿತಿಯು ವಿಶೇಷ ಅಭಿವೃದ್ಧಿ ಯೋಜನೆಯಡಿಯಲ್ಲಿ ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಗೆ ಸುಮಾರು ಒಂದು ಕೋಟಿ ರೂಪಾಯಿ ಕೊಟ್ಟಿದ್ದು, ಇದರಿಂದ ಈ ಎಲ್ಲ ಕಾಮಗಾರಿಗಳನ್ನು ಕೈಗೆತ್ತಿಕೊಳ್ಳಲಾಗಿದೆ.

`ಹಸಿರು ಮನೆ' ಯೋಜನೆಯಂತೆ ಪರಿಸರಸ್ನೇಹಿ ನಿಲ್ದಾಣಗಳನ್ನು ನಿರ್ಮಿಸುವ ಉದ್ದೇಶ ಹೊಂದಲಾಗಿದೆ.

ಮೊದಲ ಹಂತದ ಬಸ್ ನಿಲ್ದಾಣಗಳು:
ರಾಮಮಂದಿರ, ಜೇವರ್ಗಿ ರಿಂಗ್*ರೋಡ್, ಕರುಣೇಶ್ವರ ನಗರ, ಕನ್ನಡ ಭವನ, ವಿಧಾನಸೌಧ, ಜಗತ್ ಸರ್ಕಲ್, ಓಂನಗರ, ಸಾರ್ವಜನಿಕ ಆಸ್ಪತ್ರೆ ಮತ್ತು ಸೂಪರ್ ಮಾರ್ಕೆಟ್, ಕೋಠಾರಿ ಭವನದ ಬಳಿ ತಲಾ ಎರಡು ಬಸ್ ಶೆಲ್ಟರ್*ಗಳನ್ನು ನಿರ್ಮಿಸಲಾಗುತ್ತಿದೆ. ಇನ್ನುಳಿದವುಗಳ ಜಾಗ ಗುರುತಿಸಲಾಗಿದ್ದು ಶೀಘ್ರವಾಗಿ ಅದರ ಕಾಮಗಾರಿಗಳ ಕೈಗೊಳ್ಳಲಾಗುತ್ತಿದೆ.

ಹೊಸ ಬಸ್*ನಿಲ್ದಾಣ: ರೈಲ್ವೆ ಸ್ಟೇಷನ್ ಹತ್ತಿರ ಇದ್ದ ಹಳೆಯ ಬಸ್*ನಿಲ್ದಾಣವನ್ನು ಕೆಡವಿ ಹೊಸದಾದ ಬಸ್*ನಿಲ್ದಾಣ, ಸುಸಜ್ಜಿತವಾದ ಬಸ್*ನಿಲ್ದಾಣವನ್ನು ಕಟ್ಟಲಾಗಿದೆ. 75 ಲಕ್ಷ ವೆಚ್ಚದಲ್ಲಿ ನಿರ್ಮಾಣವಾದ ಈ ನಿಲ್ದಾಣ ಇನ್ನು ಕೆಲವು ದಿನಗಳಲ್ಲಿ ಸಾರ್ವಜನಿಕರಿಗೆ ಲಭ್ಯವಾಗಲಿದೆ.

ಈ ನಿಲ್ದಾಣದಲ್ಲಿ ಕ್ಯಾಂಟೀನ್, ಕುಡಿಯುವ ನೀರು, ಶೌಚಾಲಯ, ಆಸನಗಳು, ಕೇಂದ್ರೀಯ ಕಚೇರಿ, ವಿಚಾರಣೆ, ವೇಳಾಪಟ್ಟಿ ಹಾಗೂ ಮಳೆ ಬಂದರೆ ಪ್ರಯಾಣಿಕರಿಗೆ ತೊಂದರೆಯಾಗದಂತೆ ಬಸ್ಸನ್ನು ನಿಲ್ದಾಣದ ಒಳಗಡೆ ನಿಲ್ಲಿಸುವ ವ್ಯವಸ್ಥೆಯಿದೆ. ರೈಲ್ವೆ ನಿಲ್ದಾಣದ ಮಾರ್ಗದಲ್ಲಿ ರಸ್ತೆ ಕಾಮಗಾರಿ ಚಾಲ್ತಿಯಲ್ಲಿರುವುದರಿಂದ ಇದರ ಉದ್ಘಾಟನೆ ತಡವಾಗುತ್ತಿದೆ.

ಈ ನಿಲ್ದಾಣದಿಂದ ವಿಶ್ವವಿದ್ಯಾಲಯ, ಸೂಪರ್ ಮಾರ್ಕೆಟ್, ನೆಹರುಗಂಜ್, ಕೆಂದ್ರೀಯ ಬಸ್ ನಿಲ್ದಾಣ, ಎಂ.ಎಸ್.ಕೆ ಮಿಲ್, ಸಂಚಾರಿ ಹೈಕೋರ್ಟ್, ಖಾಜಾ ಬಂದೇ ನವಾಜ್ ದರ್ಗಾ ಮತ್ತಿತರ ಕಡೆ ಬಸ್*ಗಳು ಸಂಚರಿಸುತ್ತವೆ.

ವಿಶ್ವವಿದ್ಯಾಲಯದ ಬಸ್ ನಿಲ್ದಾಣ: ಗುಲ್ಬರ್ಗ ವಿಶ್ವವಿದ್ಯಾಲಯದ ಆವರಣದಲ್ಲಿ 80 ಲಕ್ಷ ವೆಚ್ಚದಲ್ಲಿ ನಿರ್ಮಾಣವಾಗುತ್ತಿರುವ ನಿಲ್ದಾಣದ ಕೆಲಸ ಮುಗಿದಿದ್ದು ಕೆಲವೇ ದಿನಗಳಲ್ಲಿ ಉದ್ಘಾಟನೆಯಾಗುವ ನಿರೀಕ್ಷೆಯಿದೆ. 8 ಬಸ್ಸುಗಳು ನಿಲ್ಲುವಂತೆ ದೊಡ್ಡದಾದ ನಿಲ್ದಾಣ ಮಾಡಲಾಗಿದೆ. ಮಹಿಳೆಯರು ಮತ್ತು ಪುರುಷ ಪ್ರಯಾಣಿಕರಿಗೆ ಕಾಯಲು ಪ್ರತ್ಯೇಕ ಎರಡು ಕೋಣೆ ನಿರ್ಮಾಣಗೊಂಡಿದೆ.

ಇಲ್ಲಿಂದ ಸೂಪರ್ ಮಾರ್ಕೆಟ್, ದರ್ಗಾ, ರೈಲ್ವೆ ಸ್ಟೇಷನ್, ರಾಮ ಮಂದಿರ, ಕೇಂದ್ರೀಯ ಬಸ್ ನಿಲ್ದಾಣ ಮುಂತಾದೆಡೆಗಳಿಗೆ ಬಸ್*ಗಳು ಹೋಗುವಂತೆ ಮಾಡಲಾಗುವುದು.

ಒಂದು ಕಚೇರಿಯೂ ಇಲ್ಲಿದ್ದು, ವಿದ್ಯಾರ್ಥಿಗಳಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಹೊಸ ಆಸನಗಳ ವ್ಯವಸ್ಥೆ ಮಾಡಲಾಗಿದೆ.

ವಿಶ್ವವಿದ್ಯಾಲಯ ಹಾಗೂ ರೈಲ್ವೆ ನಿಲ್ದಾಣದ ಹತ್ತಿರ ಬಸ್*ನಿಲ್ದಾಣಗಳು ಸಿದ್ಧವಾಗಿವೆ. ಈ ಪೈಕಿ ರೈಲ್ವೆ ನಿಲ್ದಾಣದಲ್ಲಿರುವ ಬಸ್ ನಿಲ್ದಾಣ ಬಳಿ ರಸ್ತೆ ಕಾಮಗಾರಿ ನಡೆಯುತ್ತಿರುವುದರಿಂದ ಇಲ್ಲಿಂದ ಬಸ್ ಸಂಚಾರ ವಿಳಂಬವಾಗುವ ಸಾಧ್ಯತೆ ಇದೆ. ಕಾಮಗಾರಿ ಮುಗಿದ ತಕ್ಷಣ ಸಂಚಾರ ಆರಂಭಿಸಲಾಗುವುದು.
- ಜೆ. ಎನ್. ಶಿವಮೂರ್ತಿ, ವ್ಯವಸ್ಥಾಪಕ ನಿರ್ದೇಶಕ, ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ

 

[sunil.kulkarni]

New City Bus Terminal- Gulbarga -- Plan

 

[MysoreOne]

NEKRTC Nrupatunga Nagara Sarige

http://www.facebook.com/KmsCoach

 

[Manjunath kasigavi]

^^ Sooooooooooooooooooper bus :cheers:

 

[pavan9741650414]

NEKRTC Nrupatunga Nagara Sarige

 

[sunil.kulkarni]

Autorickshaw drivers caned in Gulbarga

The police lathi-charged autorickshaw drivers after they were attacked with stones, here on Monday.


The drivers, who were on a day’s strike, were staging a rasta roko outside the Vikasa Soudha.


At least five police personnel were injured in the stone-pelting. Over a dozen auto drivers were taken into custody in connection with the violence that broke out after the lathi-charge.


Trouble broke out when a section of the auto drivers began hurling stones at the police personnel. Several autorickshaw drivers sustained injuries in the lathi-charge.
Senior police officials, including Superintendent of Police N. Satheesh Kumar, visited the spot.


Mr. Kumar said the police maintained restraint despite provocation from auto drivers during their four-hour protest march from the Super Market area to the Deputy Commissioner’s office and then their protest outside the office, and the subsequent rasta roko outside the Vikasa Soudha. They had tried to persuade the drivers to disperse peacefully.


He said leaders of the Autorickshaw Drivers’ Joint Action Committee made provocative speeches against the police. According to an eyewitness, the trouble started after stones were hurled at the police.


The autorickshaw drivers submitted a memorandum, which listed their demands, to the district administration.


Their grouse appears to be against the popular city bus service ‘Nruputunga’, introduced by the North Eastern Karnataka Road Transport Corporation. The drivers feel the bus service has affected their livelihood.

They have also demanded an increase in the number of LPG outlets here.


__________________________________________________________


Autowalas having tough time ... because of Nrupatunga buses which is a big hit in Gulbarga City ... interesting development

 

[sunil.kulkarni]

Good Reply by NEKRTC MD

ಗುಲ್ಬರ್ಗ: ನೃಪತುಂಗ ಸಾರಿಗೆ ಸೇವೆ ಮುಂದಿಟ್ಟುಕೊಂಡು ನಗರದಲ್ಲಿನ ಆಟೋ ಸಂಘಟನೆಗಳವರು ಎತ್ತುತ್ತಿರುವ ಆಕ್ಷೇಪಣೆ, ತಕರಾರುಗಳಿಗೆ ಇದೇ ಮೊದಲ ಬಾರಿಗೆ ಈ.ಸಾ. ಸಂಸ್ಥೆ ವ್ಯವಸ್ಥಾಪಕ ನಿರ್ದೇಶಕ ಜಿ.ಎನ್. ಶಿವಮೂರ್ತಿ ನೇರವಾಗಿ ಸ್ಪಂದಿಸಿದ್ದಾರೆ.

ನೃಪತುಂಗ ಸಾರಿಗೆ ಹೈ-ಕ ನೆಲದ ಬೆಳೆಯುತ್ತಿರುವ ನಗರ ಗುಲ್ಬರ್ಗ ಜನತೆಗೆ ಸೇವೆ ನೀಡುವ ಉದ್ದೇಶದಿಂದ ಆರಂಭಿಸಿರುವ ಸೇವೆಯಾಗಿದೆಯೇ ಹೊರತು ಪರ್ಯಾಯ ಸಾರಿಗೆ ಸೇವೆಗಳಿಗೆ ಪೈಪೋಟಿ ಕೊಡುವ ಉದ್ದೇಶದಿಂದ ಅಲ್ಲ ಎಂದು ಹೇಳುವ ಮೂಲಕ ಆಟೋದವರ ಕಳವಳ- ಆತಂಕಗಳಿಗೆ ಮಾರುತ್ತರ ನೀಡಿದ್ದಾರೆ.

ಈ.ಕ.ರ.ಸಾ. ಸಂಸ್ಥೆಯು ಸರ್ಕಾರದ ಸೇವಾ ಉದ್ಯಮ. ಕಾಲಕಾಲಕ್ಕೆ ಸಾರ್ವಜನಿಕರ ಬೇಡಿಕೆಗನುಗುಣವಾಗಿ ಗ್ರಾಮೀಣ, ಉಪನಗರ, ನಗರ ಹಾಗೂ ದೂರ ಮಾರ್ಗದ ಅನುಸೂಚಿಗಳ ಮೂಲಕ ಕಾರ್ಯಾಚರಣೆ ಮಾಡುತ್ತದೆ.

ರಿಯಾಯ್ತಿ ದರದ ನೃಪತುಂಗ ಸೇವೆ ಗುಲ್ಬರ್ಗ ಜನಮನ ಸೆಳೆದಿದೆ. ಸಾರ್ವಜನಿಕರ ಅನುಕೂಲವೇ ಮುಖ್ಯ ಹೊರತು, ಯಾವುದೇ ಪರ್ಯಾಯ ವ್ಯವಸ್ಥೆಗೆ ಸ್ಪರ್ಧೆ ನೀಡಿ ಸಮಸ್ಯೆ ಹುಟ್ಟುಹಾಕುವುದು ಸಂಸ್ಥೆಯ ಉದ್ದೇಶ ಅಲ್ಲ ಎಂದು ಶಿವಮೂರ್ತಿ ಸ್ಪಷ್ಟಪಡಿಸಿದ್ದಾರೆ.

ನೂತನ ಬಸ್ ನಿಲ್ದಾಣ: ಸೂಪರ್ ಮಾರ್ಕೆಟ್ ಮತ್ತು ರೈಲು ನಿಲ್ದಾಣದ ಹತ್ತಿರ ಪ್ರಯಾಣಿಕರ ಅನುಕೂಲಕ್ಕಾಗಿ ನಗರದಲ್ಲಿ ವಿವಿಧ 32 ಸ್ಥಳಗಳಲ್ಲಿ ಅಗತ್ಯ ಮಾಹಿತಿಯುಳ್ಳ ನೂತನ ನಗರ ಬಸ್*ನಿಲ್ದಾಣಗಳನ್ನು ನಿರ್ಮಿಸಲಾಗುತ್ತಿದೆ. ನಗರದ ಅಗತ್ಯಕ್ಕೆ ಅನುಗುಣವಾಗಿ ಮುಂದಿನ ದಿನಗಳಲ್ಲಿ ಇನ್ನೂ ಹೆಚ್ಚಿನ ನಗರ ಸಾರಿಗೆ ವಾಹನಗಳನ್ನು ಸೇರಿಸುವ ಜೊತೆಗೆ ಹಲವಾರು ಸಾರಿಗೆ, ಮೂಲ ಸೌಕರ್ಯಗಳನ್ನು ಒದಗಿಸುವ ಯೋಜನೆ ಹೊಂದಿದೆ. ಆದರೆ ಯಾವುದೇ ವ್ಯಕ್ತಿ, ಸಂಘಟನೆಗಳೊಂದಿಗೆ ಸ್ಪರ್ಧೆಗಾಗಿ ಇದನ್ನು ಮಾಡುತ್ತಿಲ್ಲ ಎಂಬುದನ್ನು ಎಲ್ಲರೂ ಗಮನಿಸಬೇಕು ಎಂದು ತಿಳಿಸಿದ್ದಾರೆ.

ಇತ್ತೀಚೆಗೆ ಆಟೋ ಚಾಲಕರು ನೃಪತುಂಗ ಸಾರಿಗೆ ಬಸ್ಸುಗಳನ್ನು ಗ್ರಾಮೀಣ ಪ್ರದೇಶಕ್ಕೆ ವಿಸ್ತರಿಸುವಂತೆ ಕೋರಿರುವುದು ಅವಾಸ್ತವ ಮತ್ತು ಅಸಮಂಜಸ. ಈ ಹಿನ್ನೆಲೆಯಲ್ಲಿ ಆಟೋ ಚಾಲಕರೂ ಗುಲ್ಬರ್ಗ ನಗರ ವಾಸಿಗಳಾಗಿರುವ ಕಾರಣ ನೃಪತುಂಗ ಸಾರಿಗೆಯ ಸುಗಮ ಕಾರ್ಯಾಚರಣೆಗೆ ಜನತೆಯ ಜೊತೆಗೆ ಸಹಕರಿಸುವಂತೆ ಶಿವಮೂರ್ತಿ ಕೋರಿದ್ದಾರೆ.

 

[sunil.kulkarni]

NEKRTC MD Reply contd ...

ಆಟೋ ಚಾಲಕರು ಆತಂಕ ಪಡಬೇಕಾಗಿಲ್ಲ: ಮುಷ್ಕರ ಹೂಡುವ ಮೂಲಕ ನೃಪತುಂಗ ಸಾರಿಗೆ ಸೇವೆ ಕುರಿತಂತೆ ಆಟೋ ಚಾಲಕರು ಎತ್ತಿರುವ ತಕರಾರುಗಳು, ಪ್ರಶ್ನೆಗಳಿಗೆ ಶಿವಮೂರ್ತಿ ಈ ರೀತಿಯ ಸ್ಪಷ್ಟೀಕರಣ ನೀಡಿದ್ದಾರೆ.

ಈಗಾಗಲೇ ನಗರದಲ್ಲಿ ನಗರ ಸಾರಿಗೆ ಸೇವೆಯನ್ನು ನೃಪತುಂಗ ನಗರ ಸಾರಿಗೆ ಬಸ್ಸುಗಳ ಮೂಲಕ ಸುವ್ಯವಸ್ಥಿತವಾಗಿ ಆರಂಭಿಸಿ ಪ್ರಯಾಣಿಕರ ಮೆಚ್ಚುಗೆ ಗಳಿಸಲಾಗಿದ್ದು, ಹೊರಹೊಲಯದಲ್ಲೂ ಉಳಿದ ಸಂಸ್ಥೆಯ ಬಸ್ಸುಗಳ ಮೂಲಕ ಅವಶ್ಯ ಸೇವೆ ನೀಡಲಾಗುತ್ತಿದೆ. ಈ ಬಗ್ಗೆ ಆಟೋ ಚಾಲಕರಿಗೆ ಆತಂಕದ ಅವಶ್ಯಕತೆಯಿಲ್ಲ.


ನೃಪತುಂಗ ನಗರ ಸಾರಿಗೆ ವಾಹನಗಳು ನಗರದಲ್ಲಿ ನಿಗದಿತ ಸ್ಥಳದಿಂದ ಪ್ರಯಾಣಿಕರನ್ನು ವಾಹನದಲ್ಲಿ ಕರೆದುಕೊಂಡು ಸಾರಿಗೆ ಸೇವೆಯನ್ನು ಕಲ್ಪಿಸಲಾಗಿದೆ. ಅನಿವಾರ್ಯ ಪ್ರಸಂಗದಲ್ಲಿ ವಯೋವೃದ್ಧರು, ಸ್ತ್ರೀಯರು, ವಿದ್ಯಾರ್ಥಿಗಳು ತುರ್ತು ಸಂದರ್ಭದಲ್ಲಿ ಪ್ರಯಾಣಿಕರು ಕೈತೋರಿದಲ್ಲಿ ನಿಲ್ಲಿಸಿ ಅವರಿಗೂ ಮಾನವೀಯ, ಅನುಕಂಪದಿಂದ ಸೇವೆಯನ್ನು ಕಲ್ಪಿಸಿದ್ದು ನಮ್ಮ ದೃಷ್ಟಿಯಲ್ಲಿ ಸೂಕ್ತವೆನಿಸಿದೆ.

ಹೊರ ವರ್ತುಲ ರಸ್ತೆಯಿಂದ ಗುಲ್ಬರ್ಗಕ್ಕೆ ಪ್ರವೇಶ ಕಲ್ಪಿಸುವ ಮಾರ್ಗದಿಂದಲೂ ಸಾರ್ವಜನಿಕರ ಹಿತದೃಷ್ಟಿಯಿಂದ ಸಾರಿಗೆ ಸೇವೆಯನ್ನು ಕಲ್ಪಿಸಿಕೊಡುವುದರಲ್ಲಿ ಪ್ರಯಾಣಿಕರಿಗೆ ಅನುಕೂಲವಾಗಿದೆಯೇ ಹೊರತು ಯಾವುದೇ ರೀತಿಯಿಂದಲೂ ವ್ಯತಿರಿಕ್ತವಾಗಿಲ್ಲ.

ಜಗತ್ ವೃತ್ತದಿಂದ ಸೂಪರ್ ಮಾರ್ಕೆಟ್ ಮಾರ್ಗವಾಗಿ ಚಲಿಸದೇ ಬಸವೇಶ್ವರ ಕೆರೆಯ ಪಕ್ಕದ ರಸ್ತೆಯಿಂದ ಚಲಿಸಿ ಸೂಪರ್ ಮಾರ್ಕೆಟ್ ಬಸ್ ನಿಲ್ದಾಣಕ್ಕೆ ಹೋಗುವುದರಿಂದ ಅಲ್ಲಿನ ಪ್ರಯಾಣಿಕರಿಗೆ ಈ ಸೇವೆ ಲಭ್ಯವಾಗುವುದಿಲ್ಲ. ಆದ್ದರಿಂದ ಜಗತ್ ವೃತ್ತದಿಂದ ಸೂಪರ್ ಮಾರ್ಕೆಟ್ ಮಾರ್ಗವಾಗಿ ಚಲಿಸುತ್ತವೆ.

ನೃಪತುಂಗ ಸಾರಿಗ ವ್ಯವಸ್ಥೆಯನ್ನು ಸರ್ಕಾರದ ಪೂರ್ವಾನುಮತಿಯಂತೆ ಪ್ರಾರಂಭಿಸಿದ್ದು, ಗುಲ್ಬರ್ಗ ಜನತೆಯ ಬಹುದಿನದ ಆಶೋತ್ತರಗಳು ಇದರಿಂದ ಈಡೇರಿದೆ. ಈಗಾಗಲೇ ಜನತೆ ಮತ್ತು ಪತ್ರಿಕೆ, ವಿವಿಧ ಮಾಧ್ಯಮಗಳು ಬಹಳ ಸಕಾರಾತ್ಮಕವಾಗಿ ಪ್ರತಿಕ್ರಿಯೆ ವ್ಯಕ್ತಪಡಿಸಿರುತ್ತವೆ. ಸಂಸ್ಥೆ ಉದ್ದೇಶ ಈಡೇರಿದೆ ಎಂದೇ ಭಾವಿಸುತ್ತೇವೆ.

ಈಗಾಗಲೇ ಸಂಸ್ಥೆಯಿಂದ 60 ವಾಹನಗಳು ನಗರದಲೆಲ್ಲಾ ಸಂಚರಿಸುತ್ತಿವೆ. ಪ್ರಯಾಣಿಕರ ಸಂತೃಪ್ತಿಯೇ ನಮ್ಮ ಗುರಿ. ಪ್ರಯಾಣಿಕರಿಂದ ಇನ್ನಷ್ಟು ಬೇಡಿಕೆ ಬರುತ್ತಲಿವೆ. ಇನ್ನಷ್ಟು ವಾಹನಗಳ ಕಾರ್ಯಾಚರಣೆ ಮಾಡುವ ಗುರಿಯನ್ನು ಹೊಂದಿದೆ.

ನಗರದ ಜನತೆಗೆ ಆಟೋ ಚಾಲಕರು ಸಹ ಇಂದಿನವರೆಗೂ ಅತ್ಯುತ್ತಮ ಸೇವೆಯನ್ನು ಸಲ್ಲಿಸಿದ್ದಾರೆ. ಬೆಳೆಯುತ್ತಿರುವ ನಗರಕ್ಕೆ ಆಟೋಗಳು ಸಾಕಾಗುತ್ತಿಲ್ಲವೆಂಬ ವಿಷಯವನ್ನು ಮನಗಂಡೇ ಸರ್ಕಾರ ಸಾರಿಗೆ ಸಂಸ್ಥೆಯಿಂದ ನಗರಸಾರಿಗೆ ಸೇವೆಯ ಚಾಲನೆಗೆ ಅನುಮತಿ ನೀಡಿದೆ. ಈ ಕುರಿತು ಆಟೋ ಚಾಲಕರೂ ನಮ್ಮೊಂದಿಗೆ ಪರಸ್ಪರ ಸಹಕಾರದಿಂದ ಇದ್ದರೆ ಎಲ್ಲರಿಗೂ ಒಳಿತು.

 

[MysoreOne]

http://www.deccanheraldepaper.com

 

[sunil.kulkarni]

ಆತ್ಮಾವಲೋಕನಕ್ಕಿದು ಸಕಾಲವಯ್ಯಾ...

ಗುಲ್ಬರ್ಗ: ಆಟೋ ಮುಷ್ಕರ 4ನೇ ದಿನ ಪೂರ್ಣಗೊಳಿಸಿದೆ. ಬೇಡಿಕೆ ಈಡೇರಿಸುವ ವಿಚಾರದಲ್ಲಿ ಜಿಲ್ಲಾಡಳಿತದೊಂದಿಗೆ ಮಾತುಕತೆ ನಡೆಸುತ್ತೇವೆ. ಸೆರೆಯಲ್ಲಿರುವ ಸಹೋದರ ಚಾಲಕರು ಹೊರ ಬರುವವರೆಗೂ ಮುಷ್ಕರ ಮುಂದುವರಿಯುತ್ತದೆ ಎಂಬ ಅವರ ಪಟ್ಟಿನಲ್ಲಿ ಗುರುವಾರ ತುಸು ಸಡಿಲಿಕೆ ಗೋಚರಿಸಿದೆ.

ಕಾನೂನು ಪ್ರಕಾರ ಜಾಮೀನು ಇತ್ಯಾದಿ ಪ್ರಕ್ರಿಯೆ ನಡೆದು ಬಂಧಿತ ಚಾಲಕರು ಹೊರ ಬುರತ್ತಾರೆ. ಆ ಬಗ್ಗೆ ಈಗ ಏನನ್ನೂ ಮಾತನಾಡುವುದಿಲ್ಲ. ಈಗೇನಿದ್ದರೂ ನಮ್ಮಬೇಡಿಕೆಗಳ ಬಗ್ಗೆ ಗೃಹ ಸಚಿವ ಆರ್.ಅಶೋಕ ಅವರ ಜೊತೆ ಮಾತುಕತೆ ನಡೆಸುತ್ತೇವೆ. ಎಂಎಲ್ಸಿ ಅಮರನಾಥ ಪಾಟೀಲ್ ಅವರೇ ಸಚಿವರೊಂದಿಗೆ ತಮ್ಮ ಮಾತುಕತೆ ನಿಗದಿಪಡಿಸಿದ್ದಾರೆ ಎಂದು ಸಂಘಟನೆಯ ಅಧ್ಯಕ್ಷ ಗುರುಶರಣ ದುಧನಿ, ಪ್ರಧಾನ ಕಾರ್ಯದರ್ಶಿ ಹುಳಿಪಲ್ಲೆ ರೇವರ್ಣಸಿದ್ದಪ್ಪ ಹೇಳಿದ್ದಾರೆ.

ಏತನ್ಮಧ್ಯೆ ಆಟೋಗಳಿಲ್ಲದ್ದರಿಂದ ಶಾಲಾ ಮಕ್ಕಳ ಪರದಾಟ ಮುಂದುವರಿದಿದೆ. ಶಾಲೆಗಳಲ್ಲಂತೂ ಮಕ್ಕಳ ದಟ್ಟಣೆ ತಪ್ಪಿಸಲು ಆಡಳಿತ ಮಂಡಳಿಯವರು ಕಟ್ಟುನಿಟ್ಟು ಕ್ರಮ ಕೈಗೊಳ್ಳುತ್ತಿದ್ದಾರೆ. ಸಾರಿಗೆ ಸಂಸ್ಥೆ 90ಕ್ಕೂ ಹೆಚ್ಚು ಬಸ್ಸುಗಳನ್ನು ಬಳಸಿ ಹೆಚ್ಚಿನ ಸೇವೆ ನೀಡುತ್ತಿದೆ. ಕ್ರೂಸರ್ ಇತ್ಯಾದಿ ವಾಹನಗಳ ನಗರ ಪ್ರವೇಶ ನಿಷೇಧ ತೆರವುಗೊಂಡಿದ್ದರಿಂದ ಜನರ ಸಾರಿಗೆ ಅವಶ್ಯಕತೆ ಇನ್ನೊಂದು ರೂಪದಲ್ಲಿ ಈಡೇರಿಕೆಯಾಗುತ್ತಿದೆ.

ಆತ್ಮಾವಲೋಕನ ಕಾಲವಯ್ಯ: ಆಟೋ ರಸ್ತೆಯಿಂದ ಮರೆಯಾಗಿ 4 ದಿನ ಕಳೆದರೂ ಯಾರಿಗೂ ನಮ್ಮ ಅನುಪಸ್ಥಿತಿ ಅನುಭಕ್ಕೇ ಬರುತ್ತಿಲ್ಲವೆ, ನಮ್ಮನ್ನು ಮಾತುಕತೆಗೂ ಕರೆಯುತ್ತಿಲ್ಲ. ಎಸ್ಪಿ, ಡಿಸಿ ಇವರೂ ಏನೂ ಕೇಳಿಲ್ಲ, ನಾವಂದ್ರ ಯಾಕಿಷ್ಟು ತಾತ್ಸಾರ, ನಮ್ಮನ್ಯಾಕೆ ಈ ರೀತಿ ಅಲಕ್ಷಿಸ್ಲಿಕತ್ತಾರ, ಹಿಂದೆಲ್ಲಾ ಆಟೋ ಮುಷ್ಕರ ಇದ್ರ ಜಿಲ್ಲಾಡಳಿತ ಪರೇಶಾನ್ ಆಗ್ತಿತ್ತು. ಈಗ ನೋಡಿದ್ರ ಹಾಗೇನು ವಾತಾವರಣ ಇಲ್ಲ...

- ಮುಷ್ಕರ ನಿರತ ಆಟೋ ಚಾಲಕರ ಸಂಘಟನೆಗಳ ಮುಖಂಡರ ಮಾತುಗಳಿವು. ನೃಪತುಂಗ ಸಾರಿಗೆ ಹಳ್ಳಿಗಾಡಿಗೂ ವಿಸ್ತರಿಸಿ, ಜಗತ್*ನಿಂದ ಸೂಪರ್ ಮಾರ್ಕೆಟ್ ರಸ್ತೆಯಲ್ಲಿ ನಗರ ಸಾರಿಗೆ ಬಸ್ ಓಡಿಸದೆ ಜಗತ್*ನಿಂದಲೇ ಕೆರೆಮಾರ್ಗವಾಗಿ ಬಸ್ ಓಡಿಸಿ ಎಂಬಿತ್ಯಾಗಿ 27 ಬೇಡಿಕೆಗಳೊಂದಿಗೆ ಜಿಲ್ಲಾಡಳಿತದ ಗಮನ ಸೆಳೆಯುವ ಉದ್ದೇಶದಿಂದ ಕಳೆದ ಸೋಮವಾರ ನಡೆದ ಆಟೋ ರ್ಯಾಲಿ ಹಿಂಸಾಚಾರಕ್ಕೆ ತಿರುಗಿ ಇಷ್ಟೆಲ್ಲಾ ರಾದ್ಧಾಂತ ಸಂಭವಿಸಿದ ಹಿನ್ನೆಲೆಯಲ್ಲಿ ಆಟೋ ಚಾಲಕರೇ ಕಂಗಾಲಾಗಿದ್ದಾರೆ.

ಆಟೋ ಚಾಲಕರ ಸಂಘಟನೆಗಳ ಜಂಟಿ ಕ್ರಿಯಾ ಸಮಿತಿ ನಾಯಕರು ತಮ್ಮ ಮನದಾಳದ ನೋವು- ಯಾತನೆ ಹಂಚಿಕೊಳ್ಳಲು ಸುದ್ದಿಗೋಷ್ಠಿ ಕರೆದು ನಾವು ಯಾರಿಗೂ ಬೇಡವಾದಂತಾಗಿದ್ದೇವೆ ಎಂದು ವಿಷಾದಿಸಿದರು.

ನಗರ ಸಾರಿಗೆ ಬಸ್ ಬಂದ್ ಮಾಡುವ ಮಾತನ್ನಾಡಿಲ್ಲ. ರೈತರು- ಕಾರ್ಮಿಕರಿಗೂ ಬಸ್ಸುಗಳ ಸವಲತ್ತು ದೊರಕಲೆಂಬ ಸದುದ್ದೇಶದಿಂದ ನೃಪತುಂಗ ಸಾರಿಗೆ ಹಳ್ಳಿಗಾಡಿಗೂ ವಿಸ್ತರಿಸುವಂತೆ ಕೇಳಿದ್ದೇವೆಯೇ ಹೊರತು ತಮ್ಮ ಆ ಬೇಡಿಕೆಯಿಂದ ಯಾವುದೇ ದುರುದ್ದೇಶವಿಲ್ಲ ಎಂದರು.

ಪೊಲೀಸ್ ದೌರ್ಜನ್ಯ ಖಂಡನೀಯ: ಪೊಲೀಸರು ಮನವಿ ಕೊಟ್ಟು ಮನೆಗೆ ಹೋಗುವಾಗ ಲಾಠಿಚಾರ್ಜ್ ಮಾಡಿದ್ದಾರೆ. ಇದು ಪೊಲೀಸ್ ದೌರ್ಜನ್ಯ. ಇದು ಖಂಡನೀಯ ಎಂದು ಸಂಘದ ಅಧ್ಯಕ್ಷ ಗುರುಶರಣ ದುಧನಿ, ಪ್ರಧಾನ ಕಾರ್ಯದರ್ಶಿ ರೇವಣಸಿದ್ದಪ್ಪ ಹುಳಿಪಲ್ಲೆ, ಉಪಾಧ್ಯಕ್ಷ ಶೇಖ್ ಸಲೀಂ ಪೊಲೀಸ್ ವಿರುದ್ಧ ದೂರಿದರು.

ಸಂಚಾರ ಪೊಲೀಸರು ಆಟೋಗಳನ್ನೇ ಗುರಿಯಾಗಿಸಿ ಶಿಕ್ಷಿಸುತ್ತಿದ್ದಾರೆ. ಉಳಿದ ವಾಹನಗಳಲ್ಲಿ ಕಾನೂನು ಉಲ್ಲಂಘನೆಯಾದರೂ ಸುಮ್ಮನಿರುತ್ತಿದ್ದಾರೆ ಎಂದು ದೂರಿದ ದುಧನಿ, ಮುಷ್ಕರದ ದಿನ ವಯೋವೃದ್ಧ ಚಾಲಕರಿಗೂ ಹೊಡೆಯಲಾಗಿದೆ. ಅವರ ವಯಸ್ಸಿಗೂ ಗೌರವ ನೀಡಲಾಗಿಲ್ಲ ಎಂದು ಸಂಚಾರ ಪೊಲೀಸರ ವರ್ತನೆ, ಕರ್ತವ್ಯ ಲೋಪಗಳ ಬಗ್ಗೆ ಮಾತನಾಡಿದರು.

ಪತ್ರಕರ್ತರು ಆಟೋದವರ ಬೇಡಿಕೆಗಳಲ್ಲಿ ನಗರ ಸಾರಿಗೆ ಕುರಿತಂತೆ ಇದ್ದಂತಹ ಕೆಲವು ಬೇಡಿಕೆಗಳ ಬಗ್ಗೆ ಸ್ಪಷೀಕರಣ ಕೇಳಿ ಪ್ರಶ್ನಿಸಿದಾಗ, ಸಮರ್ಥಿಸುವಂತಹ ಉತ್ತರಗಳು ಅವರಿಂದ ಬರಲೇ ಇಲ್ಲ. ಬದಲಾಗಿ ಆಟೋ ಚಾಲಕರಿಗೂ ಕೇಳುವ ಹಕ್ಕಿದೆ ಎಂಬ ಹಕ್ಕಿನ ಉತ್ತರ ಬಂತೇ ಹೊರತು ಚಾಲಕರು ಮಾಡಬೇಕಾದಂತಹ ಕರ್ತವ್ಯಗಳೇನು ಎಂಬುದರ ಬಗ್ಗೆ ಚರ್ಚೆಗಳಿಗೆ ಸಂಘಟನೆ ಮುಖಂಡರು ಒಲವು ತೋರಲಿಲ್ಲ.

ಚಾಲಕರ ವರ್ತನೆ ಚರ್ಚೆ: ಸುದ್ದಿಗೋಷ್ಠಿಯಲ್ಲಿ ಪತ್ರಕರ್ತರು ಆಟೋ ಚಾಲಕರ ವರ್ತನೆಯ ಬಗ್ಗೆ ಸಾರ್ವಜನಿಕರು ಹೊಂದಿರುವ ಅಭಿಪ್ರಾಯಗಳನ್ನು ಪ್ರಸ್ತಾಪಿಸಿ ಪ್ರಶ್ನಿಸಿದಾಗ ದುಧನಿ, ಹುಳಿಪಲ್ಲೆ ಇವರು ಆ ಮಾತಿಗೆ ಒಪ್ಪಿಗೆ ಸೂಚಿಸಿದರಲ್ಲದೆ ಚಾಲಕರಿಗೆ ವಾರಕ್ಕೊಮ್ಮೆ ಶಿಬಿರ ನಡೆಸುತ್ತಿದ್ದೇವೆ. ಶಿಸ್ತು, ಗ್ರಾಹಕರೊಂದಿಗೆ ಮಾತನಾಡುವ ವೈಖರಿ ಬಗ್ಗೆ ಹೇಳಿಕೊಡಲಾಗುತ್ತಿದೆ. ನಗರದಲ್ಲಿ ಸಂಘಟನೆಯವರು ಖುದ್ದಾಗಿ ಈ ಕೆಲಸಕ್ಕೆ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ ಎಂದರು.

ಗೃಹಸಚಿವರು, ಜಿಲ್ಲಾಡಳಿತ ಜೊತೆ ಚರ್ಚಿಸುತ್ತೇವೆ: ತಮ್ಮ 27 ಬೇಡಿಕೆಗಳ ಪಟ್ಟಿಯ ಬಗ್ಗೆ ಏನೆಲ್ಲ ಈಡೇರಿಸಲಾಗುತ್ತದೆ ಎಂಬ ವಿಚಾರವಾಗಿ ನಗರಕ್ಕೆ ಫೆ.28ರಂದು ಭೇಟಿ ನೀಡಲಿರುವ ಗೃಹ ಸಚಿವರೊಂದಿಗೆ ಚರ್ಚಿಸುತ್ತೇವೆ. ಜಿಲ್ಲಾಧಿಕಾರಿಗಳನ್ನು ಕಾಣುತ್ತೇವೆ. ನಮ್ಮ ಬೇಡಿಕೆಗಳ ಬಗ್ಗೆ ಜಿಲ್ಲಾಡಳಿತದ ಗಮನ ಸೆಳೆಯುತ್ತೇವೆ ಎಂದು ದುಧನಿ ಹೇಳಿದ್ದಾರೆ.

ಆಟೋ ಸೇವೆ ಜನರಿಗೆ ಬೇಕೇಬೇಕು. ಸಾರ್ವಜನಿಕರೂ ಆಟೋದವರ ಬಗ್ಗೆ ಅನುಕಂಪ ತೋರಲಿ. ನಮ್ಮ ಬಗ್ಗೆ, ಬೇಡಿಕೆಗಳ ಬಗ್ಗೆ ಅಪಾರ್ಥ ಮಾಡಿಕೊಳ್ಳದೆ ನಮಗೂ ಬೆಂಬಲಿಸಬೇಕೆಂದು ದುಧನಿ, ಹುಳಿಪಲ್ಲೆ ಮನವಿ ಮಾಡಿದರು.