Skyscraper City Forum banner
181 - 200 of 253 Posts

·
Registered
Joined
·
2 Posts
பொள்ளாச்சி - திண்டுக்கல் நான்கு வழிச்சாலை பணிமூன்று மாதத்தில் துவங்கும் என அதிகாரிகள் உறுதி

உடுமலை:பொள்ளாச்சி - திண்டுக்கல் தேசிய நெடுஞ்சாலை பணி, மூன்றுமாதத்தில் துவங்கும், என அதிகாரிகள் தெரிவித்தனர்.தேசிய நெடுஞ்சாலை ஆணையம் (நகாய்) மூலம், பொள்ளாச்சி - திண்டுக்கல் தேசிய நெடுஞ்சாலை (என்.எச்., 83), 136 கி.மீ., நீளம் உள்ள ரோடு, 2,500 கோடி ரூபாய் செலவில், நான்கு வழிச்சாலையாக மாற்றப்படுகிறது.
தேசிய நெடுஞ்சாலையில், பிரதான ரோடுகளான, மாநில, மாவட்ட சாலைகள் இணையும் பகுதியில், 60 இடங்களில், சுரங்க மற்றும் உயர்மட்ட பாலங்கள் அமைக்கப்படுகின்றன.அமராவதி ஆற்றின் குறுக்கே உயர்மட்ட பாலமும், உடுமலை நகருக்கு, தற்போதுள்ள ரோட்டுடன், புதிதாக ஒரு ரோடு அமைகிறது.இதற்கான அணுகுச்சாலைகள், மூணாறு ரோடு, ஆனைமலை ரோடு, திருப்பூர் ரோடு, தாராபுரம் ரோடு என ரோடுகளை, புற நகரப்பகுதியிலேயே, இணைக்கும் வகையில் ரோடுகள் அமைகின்றன.புதிதாக அமையவுள்ள ரோட்டிலிருந்து, நகர பகுதிக்குள் வரவும், இணைப்பு ரோடுகள் அமைக்கப்படுகிறது. இதற்காக, ரோட்டின் இருபுறமும், 2,429 ஏக்கர் நிலம் கையகப்படுத்த திட்டமிட்டு, சர்வே பணிகளும், நிலத்திற்கான இழப்பீடு, நிலைப்பயிர்கள், கிணறு, போர்வெல் மற்றும் கட்டடங்களுக்கு மதிப்பீடு நிர்ணயிக்கப்பட்டு, நில உரிமையாளர்களுக்கு இழப்பீடு தொகை வழங்கும் பணி நடந்து வருகிறது.

More News:
பொள்ளாச்சி - திண்டுக்கல் நான்கு வழிச்சாலை எப்போது? பணிமூன்று மாதத்தில் துவங்கும் என அதிகாரிகள் உறுதி
இழப்பீடு எப்போது வழங்கப்படும்?
 

·
The Boss
Joined
·
307 Posts
துறை சார்ந்த பல்வேறு திட்டப் பணிகள் முடங்குமா; தொடருமா?கட்டுப்பாடுகளால் ஒப்பந்ததாரர் திணறல்

அரசின் கட்டுமான பணிகளை மேற்கொள்ள, பல்வேறு கட்டுப்பாடுகள் விதித்துள்ளது. இதை கடைபிடித்து, பணிகளை தொடர்வது நடைமுறையில் சாத்தியமா என்ற கேள்வி எழுந்துள்ளது.பொள்ளாச்சி நகராட்சி, நெடுஞ்சாலைகள், ஊராட்சிகளில் அத்தியாவசியம் கருதி கடந்த சில ஆண்டுகளாக பல்வேறு வளர்ச்சி திட்டங்களை அரசு மேற்கொண்டுள்ளது.கோவை நான்கு வழிச்சாலை, பாலக்காடு ரோடு ரயில்வே பாலம், உடுமலை ரோடு லிப்ட் மேம்பாலம், நகரில் பாதாள சாக்கடை திட்டம், கிராமங்களை இணைக்கும் ஒன்றிய ரோடு பணிகள் நடந்தன.இந்நிலையில், திடீரென ஏற்பட்ட கொரோனா பரவல், ஊரடங்கு உத்தரவு ஆகியவற்றதால், வளர்ச்சி திட்ட கட்டுமான பணிகள் கிடப்பில் போடப்பட்டுள்ளன.இந்நிலையில், வளர்ச்சி திட்டங்களில் முக்கியத்துவம் கருதி, கட்டுமான பணிகளை தொடர அரசு பல்வேறு கட்டுப்பாடுகளுடன் அனுமதி அளித்துள்ளது.அரசு அறிவுறுத்தலில் கூறியிருப்பதாவது:கொரோனா பரவல் தீவிரமாக உள்ள பகுதிகளில் பணிகள் துவங்க கூடாது. நெடுந்தொலைவு செல்லும் வழித்தடமாக உள்ள ரோடுகளில் நடக்கும் கட்டுமானங்கள், நிறைவடையும் நிலையில் உள்ள பணிகளுக்கு முக்கியத்துவம் கொடுத்து மேற்கொள்ளலாம்.பணிகளை மாவட்ட கலெக்டர் தேர்வு செய்து அனுமதி கொடுக்க வேண்டும். கலெக்டர் ஒப்புதல் இன்றி பணி துவங்க கூடாது.உள்ளூர் தொழிலாளர்களுக்கு வேலை வாய்ப்பு வழங்கும் நோக்கில், அந்தந்த பகுதியில் இருந்து தொழிலாளர்களை பணியில் அமர்த்த வேண்டும்.சம்பந்தப்பட்ட துறை பொறியாளர்கள் கண்காணிப்பில், ஒப்பந்ததாரர்கள் பணியை மேற்கொள்ள வேண்டும். அதுவும், சிறு, சிறு பணிகளை மட்டுமே ஆரம்பத்தில் துவங்க வேண்டும்.தொழிலாளர்களிடையே, கொரோனா தொற்று, பாதுகாப்பு வழிமுறைகள் குறித்து தீவிரமாக விழிப்புணர்வு ஏற்படுத்த வேண்டும். தொழிலாளர்களுக்கு முகக்கவசம் வழங்கி, சமூக இடைவெளியை கடைப்பிடிக்க வேண்டும். பணித்தளத்தில் சோப் மற்றும் தண்ணீர் வழங்கி, கை கழுவும் வசதி ஏற்படுத்த வேண்டும்.தொழிலாளர்களை வாகனங்களில் கூட்டமாக அழைத்து வரக்கூடாது. உணவு, குடிநீரை பகிர்ந்து கொள்ள அனுமதிக்கக்கூடாது.பணியாளர்கள் விபரங்கள் அடங்கிய பட்டியலை தயாரித்து, சம்பந்தப்பட்ட துறை அதிகாரிகளுக்கு வழங்க வேண்டும்.தொழிலாளர்களில் யாருக்காவது, இருமல், சளி, லேசான காய்ச்சல் இருந்தாலே அவர்களை தனிமைப்படுத்தி, மருத்துவ பரிசோதனைக்கு உட்படுத்த வேண்டும்.

More News:https://www.dinamalar.com/news_detail.asp?id=2533623
 

·
The Boss
Joined
·
307 Posts
ரூ.1.30 கோடி மதிப்பில் சந்திப்பு பகுதி மேம்பாடு

பொள்ளாச்சி - கோவை ரோட்டில், விபத்து அபாயமுள்ள முக்கிய சந்திப்புகளை மேம்படுத்த, 1.30 கோடி ரூபாய் மதிப்பீட்டில் பணிகள் நடக்கிறது.தேசிய நெடுஞ்சாலையான, பொள்ளாச்சி - கோவை ரோட்டில், வடக்கிபாளையம் பிரிவு பகுதி, முக்கிய சந்திப்பாக உள்ளது. அப்பகுதியில், விபத்துகளை தவிர்க்க, சாலை பாதுகாப்பு திட்டத்தில் நிதி ஒதுக்கப்பட்டு, மேம்பாட்டு பணிகள் மேற்கொள்ளப்பட்டுள்ளன.வடக்கிபாளையம் பிரிவில் இருந்து, கோவை வழித்தடத்தில், 450 மீட்டர்; பொள்ளாச்சி வழித்தடத்தில், 450 மீட்டருக்கு, நான்கு வழிச்சாலையின் ஒரு பகுதி, 7.5 மீட்டர் அகலத்தில் இருந்து, 10 - 12 மீட்டர் அகலத்துக்கு விரிவுபடுத்தப்படுகிறது. மேலும், ரோடுகள் சந்திப்பில், வாகனங்கள் ஒன்றுக்கொன்று மோதி விபத்து ஏற்படாத வகையில், 'சென்டர் மீடியன்' அமைக்கப்படுகிறது. இத்திட்டத்தின் மதிப்பீடு, 1.30 கோடி ரூபாய் என, தேசிய நெடுஞ்சாலை துறை அதிகாரிகள் தெரிவித்தனர்



Source:ரூ.1.30 கோடி மதிப்பில் சந்திப்பு பகுதி மேம்பாடு
 

·
The Boss
Joined
·
307 Posts
வடுகபாளையத்தில் பாலம் ரூ.4.83 கோடி ஒதுக்கீடு

கோவை மாவட்டம், பொள்ளாச்சி - - கிணத்துக்கடவு இடையே, வடுகபாளையம் ரயில்வே கேட்டில், பாலம் அமைக்க, 4.83 ரூபாய் ஒதுக்கப்பட்டுள்ளது.

பொள்ளாச்சி -- பாலக்காடு நெடுஞ்சாலை, கேரளாவுக்கு செல்லும் முக்கிய சாலை. இந்த சாலையில், பொள்ளாச்சி -- கிணத்துக்கடவு இடையே, வடுகபாளையம் அருகே ரயில்வே, 'கேட்' உள்ளது. ரயில் போக்குவரத்திற்காக, 'கேட்' அடிக்கடி மூடப்படுவதால், வாகன போக்குவரத்து நெருக்கடி ஏற்படுகிறது. எனவே, இந்த பகுதியில், 40 கோடி ரூபாயில், சாலை மேம்பாலம் அமைக்கப்பட்டு வருகிறது.

இத்திட்டத்தில், ரயில் பாதையின் மீது, தெற்கு ரயில்வே பாலம் கட்டவேண்டும். மேலும், பாதசாரிகள் செல்ல வசதியாக, 3 மீட்டர் அகலத்தில், 2.75 மீட்டர் உயரத்தில், சுரங்கப்பாதை அமைக்க வேண்டும். ரயில் பாதையின் மீது மேம்பாலம் மற்றும் அருகில் சுரங்கப்பாதை அமைக்க, 4.83 கோடி ரூபாயை, தெற்கு ரயில்வே ஒதுக்கியுள்ளது. இந்த பணிகளை, ஓராண்டில் முடிக்க திட்டமிடப்பட்டுள்ளது

Source : வடுகபாளையத்தில் பாலம் ரூ.4.83 கோடி ஒதுக்கீடு
 

·
The Boss
Joined
·
307 Posts
பழநியில் நான்கு வழிச்சாலை பணிகள் துவக்கம்: பொதுமக்கள் மகிழ்ச்சி

தேசிய நெடுஞ்சாலைத்துறை ஆணையம் மூலம் பொள்ளாச்சி-திண்டுக்கல் தேசிய நெடுஞ்சாலையை நான்கு வழிச்சாலையாக அமைக்கும் பணி நடந்து வருகிறது. ரூ.3 ஆயிரத்து 648 கோடி மதிப்பில் நடைபெறும் இப்பணிகள் நடைபெறுகிறது. தேசிய நெடுஞ்சாலைத்துறை ஆணையம் (நகாய்) மூலம் பொள்ளாச்சி-திண்டுக்கல் தேசிய நெடுஞ்சாலை (என்.எச்-83)யில் இப்பணி 131.95 கி.மீ. தூரத்திற்கு நான்கு வழிச்சாலையாக மாற்றப்படுகிறது.

திண்டுக்கல், கமலாபுரம் முதல் ஒட்டன்சத்திரம் வரை 36.50 கி.மீ. தூரம் ஒரு பகுதியாகவும், ஒட்டன்சத்திரத்தில் இருந்து பழநி வழித்தடத்தில் மடத்துக்குளம் வரை 45.38 கி.மீ. தூரம் வரை ஒரு பகுதியாகவும், மடத்துக்குளத்தில் இருந்து பொள்ளாச்சி வரை 50.07 கி.மீ. தூரம் ஒரு பகுதி என 3 பகுதிகளாக டெண்டர் விடப்பட்டு பணிகள் ஒதுக்கீடு செய்யப்பட்டுள்ளது. புதிதாக அமைய உள்ள நான்கு வழிச்சாலை க்கு குறுக்கே வரும் மாநில ஊரகச் சாலைகள் பாதிக்கப்படாமல் இருக்க 60 இடங்களில் கீழ் பாலங்களும், சண்முகநதி மற்றும் அமராவதி ஆற்றின் குறுக்கே உயர்மட்ட பாலமும் அமைக்கப்பட உள்ளது.

நான்கு வழிச்சாலையில் இருந்து நகரங்களுக்குள் நுழைவதற்கு வசதியாக அணுகு சாலைகளும் அமைக்கப்பட உள்ளன. நான்கு வழிச்சாலை பணிக்காக 2 ஆயிரத்து 429 ஏக்கர் நிலங்கள் கையகப்படுத்தப்பட்டு விவசாய நிலங்கள் மற்றும் கட்டிடங்களுக்கு இழப்பீடு வழங்கப்பட்டுள்ளது. ஆங்காங்கு பணிகள் முழுவீச்சில் நடந்து வருகின்றன.

309272


More News & Source:
பழநியில் நான்கு வழிச்சாலை பணிகள் துவக்கம்: பொதுமக்கள் மகிழ்ச்சி
 

·
Registered
Cbe Citizen
Joined
·
1,009 Posts
புதிய வசதிகளுடன் வருகிறது ரூ.5.50 கோடியில் வார சந்தை

அன்னூர்:அன்னூர், ஓதிமலை ரோட்டில், மூன்று ஏக்கரில், வாரந்தோறும், சனியன்று, வார சந்தை செயல்படுகிறது. 100க்கும் மேற்பட்ட கிராமங்களில் இருந்து மக்கள், சந்தையில் பொருள் வாங்கிச் செல்கின்றனர்.வார சந்தை வளாகத்தில், அடிப்படை வசதிகள் இல்லை. வாரச்சந்தையில், கூரையுடன் கூடிய கடைகளும், அடிப்படை வசதிகளும் வேண்டும் என, 20 ஆண்டுகளாக மக்கள் கோரி வந்தனர்.இந்நிலையில், மூலதன மானியத் திட்டத்தில், வார சந்தை வளாகத்தை மேம்படுத்தவும், புதிய வணிக வளாகம் கட்டவும், 5 கோடியே 50 லட்சம் ரூபாய் ஒதுக்கப்பட்டுள்ளது.இதில் சந்தை வளாகம் முழுவதும் தார் ரோடு போடப்படுகிறது. 100 அடிக்கு, 60 அடி, நீள அகலமுள்ள, 6 ஷெட்டுகள் அமைக்கப்பட்டு, அதில், 400 கடைகள் அமைய உள்ளன.ஓதிமலை ரோட்டில், கிழக்கு பார்த்து, தரைத்தளத்தில், 12 கடைகளும், முதல் தளத்தில், 12 கடைகளும் அமைகின்றன. இந்த வார சந்தை அமைவதால், அன்னூர் மக்களின் 20 ஆண்டுகால கோரிக்கை நிறைவேறுகிறது.
 

·
Registered
Cbe Citizen
Joined
·
1,009 Posts
குளத்தில் களம்! அத்திக்கடவு திட்டத்தில் சீரமைப்பு பணி விரைந்து முடிக்க அரசு அறிவுறுத்தல்

595666



அன்னூர்;கொங்கு வட்டார மக்களின், 60 ஆண்டு கால கனவான, அத்திக்கடவு திட்டத்தில், அன்னுார் குளத்தில் பணிகள் துவங்கின.கோவை, திருப்பூர், ஈரோடு மாவட்டங்களில், போதுமான மழை இல்லாமல், 2,000க்கும் மேற்பட்ட குளம், குட்டைகள் வறண்டு போயுள்ளன. நிலத்தடி நீர்மட்டம் குறைந்துள்ளது. இதனால் பல ஆயிரம் ஏக்கர் விவசாய நிலங்கள் தரிசாக உள்ளன. பல நுாறு ஏக்கர் நிலங்கள் 'லே-அவுட்' களாக மாறி விட்டன.குடிநீர் மற்றும் பாசன வசதிக்காக, பவானி ஆற்றில் உபரியாக செல்லும் நீரை பயன்படுத்தி, மூன்று மாவட்டங்களில் உள்ள குளம், குட்டைகளில் நீர் நிரப்ப, அத்திக்கடவு - அவிநாசி திட்டத்தை நிறைவேற்ற வேண்டும் என, பல்வேறு அமைப்புகள், கட்சிகள், 60 ஆண்டுகளாக போராடி வந்தன.கடந்த, 2019 மார்ச்சில், இதற்கான ஆணை பிறப்பிக்கப்பட்டு பணி உத்தரவு வழங்கப்பட்டது. பூர்வாங்க பணிகள் முடிக்கப்பட்டு, கடந்தாண்டு டிசம்பரில், பிரதான பணிகள் துவங்கின. இத்திட்டத்தில், ஆறு நீரேற்று நிலையங்கள் அமைக்கப்பட்டு வருகின்றன. இதில், 105 கி.மீ., துாரத்துக்கு, பிரதான குழாய்களும், 913 கி.மீ., துாரத்துக்கு, கிளை குழாய்களும் அமைக்கப்பட்டு வருகின்றன. இதில் பொதுப்பணித் துறையின், 32 குளங்கள் உட்பட, 1,044 குளங்களில், நீர் நிரப்பப்பட உள்ளது.இரு நாட்களாக...கோவை மாவட்டத்தில், 258, திருப்பூர் மாவட்டத்தில், 428, ஈரோடு மாவட்டத்தில், 358, குளங்களில் நீர் நிரப்பப்பட உள்ளன. அதிகபட்சமாக, அவிநாசி தொகுதியில், 494 குளங்கள் பயன்பெறுகின்றன. அன்னுார் ஒன்றியத்தில், அன்னுார், காட்டம்பட்டி என, இரண்டு குளங்கள் பொதுப்பணித்துறை கட்டுப்பாட்டில் உள்ளன.இதில், 117 ஏக்கர் பரப்பளவுள்ள அன்னூர் குளத்தில், கடந்த இரு நாட்களாக, அத்திக்கடவு திட்டத்தில் குளத்தின் கரைகளை பலப்படுத்தும் பணி நடக்கிறது. அங்கிருந்த புதர்கள், முள்செடிகள், குப்பைகள் அகற்றப்பட்டு வருகின்றன. இதேபோல், 140 ஏக்கர் பரப்பளவுள்ள காட்டம்பட்டி குளத்திலும் பணி துவங்கியுள்ளது.உடனே துவங்கணும்இதுகுறித்து, அத்திக்கடவு திட்ட ஆர்வலர்கள் கூறியதாவது:பொதுப்பணித்துறை குளங்களில், சீரமைப்பு பணி நடப்பது மகிழ்ச்சி அளிக்கிறது. ஆனால், மீதமுள்ள கிராம ஊராட்சிகளில் பயன்பெற உள்ள, 150க்கும் மேற்பட்ட குளங்களில் குப்பை கிடங்குகள் உள்ளன. கரைகள் ஒழுங்கற்று இருக்கின்றன. தினமும் டன் கணக்கில், குப்பைகள் கொட்டப்படுகின்றன.சம்பந்தப்பட்ட ஊராட்சி நிர்வாகங்களும், ஒன்றிய நிர்வாகங்களும், இத்திட்டத்தில் பயன்பெறும் குளங்களிலும், துாய்மை பணியை உடனே துவங்க வேண்டும். சில மாதங்களில் குளங்களுக்கு தண்ணீர் வர இருப்பதால், இப்பணியை இப்போதே துவக்க வேண்டும்.இவ்வாறு, அவர்கள் கூறினர்.இதுகுறித்து, மேட்டுப்பாளையம் பொதுப்பணித்துறை உதவி பொறியாளர் பொங்கியண்ணன் கூறுகையில், ''அத்திக்கடவு திட்டத்தில் பயன்பெற உள்ள, பொதுப்பணித்துறையின், 32 குளங்களில் மதகுகள் சரிசெய்து, முள் செடிகளை அகற்றிக் கரைகளை பலப்படுத்தும் பணிகள் நடக்கின்றன. விரைவில் இப்பணிகளை முடிக்கும்படி அரசு தெரிவித்துள்ளது,'' என்றார்.
 

·
Registered
Cbe Citizen
Joined
·
1,009 Posts
ஆஹா, அருமை! 60 ஆண்டு கால 'அத்திக்கடவு கனவு' நனவாகிறது
அன்னூர் : கொங்கு மண்டல மக்களின், 60 ஆண்டுகால கனவு நனவாகிறது. அன்னூரில், 119 ஏக்கர் குளத்திற்கு, அத்திக்கடவு திட்ட குழாய் பதிக்கும் பணி நேற்று நடந்தது.
781422


கோவை, திருப்பூர், ஈரோடு ஆகிய மூன்று மாவட்டங்களில், பல தாலுகாக்கள் மழை குறைவால் வறட்சிக்கு உள்ளாகியுள்ளன. இந்தப் பகுதியில் நிலத்தடி நீர் மட்டம் 1,000 அடிக்கு கீழ் சென்று விட்டது. பருவமழையும் போதுமானதாக இல்லாததால், பல ஆயிரம் ஏக்கர் விவசாய நிலங்கள் தரிசாக மாறிவிட்டன. பல நூறு ஏக்கர் நிலங்கள், ரியல் எஸ்டேட் பிரமுகர்களுக்கு விற்கப்பட்டு விட்டன. இதனால் விவசாயிகள் பலர் விவசாயத்தை கைவிட்டு, கோவை மற்றும் திருப்பூருக்கு வேலைக்கு செல்கின்றனர். கால்நடை வளர்ப்பும் குறைந்துவிட்டது.
இதற்குத் தீர்வாக பவானி ஆற்றில் உபரியாக சென்று கடலில் கலக்கும் நீரை பயன்படுத்தி, ஈரோடு, திருப்பூர், கோவை மாவட்டங்களில் உள்ள குளம், குட்டைகளில் நிரப்பும் அத்திக்கடவு அவிநாசி திட்டத்திற்காக பல்வேறு அமைப்புகள், திருப்பூர் மற்றும் கோவை மாவட்டத்தில், 60 ஆண்டுகளாக போராடி வந்தன.இதையடுத்து, நான்கு ஆண்டுகளுக்கு முன் விரிவான திட்ட அறிக்கை தயாரிக்கப்பட்டது. 2018ல் நிதி ஒதுக்கப்பட்டது. கடந்த ஆண்டு பணி துவங்கியது. இந்த பணி வருகிற, 2021 டிசம்பரில் முடிவடைய உள்ளது. இத்திட்டத்தில் பொதுப்பணித்துறை, ஊராட்சி ஒன்றியம் மற்றும் ஊராட்சிகளுக்கு சொந்தமான ஆயிரத்து 44 நீர்நிலைகள் பயன்பெற உள்ளன.
கோவை மாவட்டத்தில், அன்னூர், சூலூர், எஸ்.எஸ்.குளம், காரமடை, பெரியநாயக்கன் பாளையம் என ஐந்து ஒன்றியங்கள் பயன் பெறுகின்றன.குறிப்பாக அன்னூர் ஒன்றியத்தில், 155 குளம், குட்டைகள் பயன்பெறுகின்றன. இத்திட்டத்தில் ஆண்டுக்கு, 1.5 டி.எம்.சி., நீர் குளம் குட்டைகளில் நிரப்பப்பட உள்ளது. கடந்த மூன்று மாதங்களாக, அன்னூர் ஒன்றியத்தில் குப்பேபாளையம், குன்னத்தூர் உள்ளிட்ட சில ஊராட்சிகளில் குளங்களுக்கு மெயின் குழாயிலிருந்து, கிளை குழாய் மூலம் நீர் கொண்டு செல்ல, கிளை குழாய் பதிக்கும் பணி நடந்தது.
இதில் அன்னூரில், ஓதிமலை ரோட்டில், உள்ள, 119 ஏக்கர் பரப்பளவுள்ள பெரிய குளத்திற்கு, நீரைக் கொண்டு செல்ல குழாய் பதிக்கும் பணி நேற்று துவங்கியது. இதற்காக ஓதிமலை ரோட்டில், மன்னீஸ்வரர் கோவில் முன்பு நேற்று போக்குவரத்து தடை செய்யப்பட்டு, வாகனங்கள் தர்மர் கோவில் வீதி வழியாக திருப்பி விடப்பட்டன.ஜேசிபி இயந்திரம் மூலம் ஆறு அடி ஆழத்திற்கு, ஓதிமலை ரோட்டில் குழி தோண்டி, குளத்துக்குள் மழைநீர் செல்லும்படி குழாய் பதிக்கும் பணி நடந்தது.பொதுப்பணித் துறை உதவி பொறியாளர் பொங்கியண்ணன் மற்றும் அத்திக்கடவு திட்ட பொறியாளர்கள் இப்பணியை பார்வையிட்டனர்.
அன்னூர் தாலுகாவில், காட்டம்பட்டிக்கு அடுத்தபடியாக அதிக பரப்பளவில் உள்ள 119 ஏக்கர் குளத்திற்கு நீர் செல்ல குழாய் பதிக்கும் பணி நேற்று துவங்கியதை அடுத்து விவசாயிகள், ஆர்வலர்கள் மகிழ்ச்சி அடைந்தனர். ஏராளமானோர் குழாய் பதிக்கும் இடத்தில் திரண்டனர். இதேபோல் இந்தத் திட்டத்தில் ஆறு இடங்களில் நீரேற்று நிலையங்கள் அமைக்கப்படுகின்றன. அன்னூர் அருகே குன்னத்தூராம்பாளையத்தில், 6வது நீரேற்று நிலையம் அமைக்கும் பணி தீவிரமடைந்துள்ளது.'கடையடைப்பு, பாதயாத்திரை, மொட்டை அடிக்கும் போராட்டம், காலவரையற்ற உண்ணாவிரதம் என 60 ஆண்டுகாலம் போராடியது வீண் போகவில்லை' என மகிழ்ச்சியுடன் திட்ட ஆர்வலர்கள் தெரிவித்தனர்.

 

·
Registered
Joined
·
13,157 Posts
கிழக்கில் ஒன்று மேற்கில் ஒன்று; காரமடைக்கு 2 பை-பாஸ்!

கோவையிலிருந்து ஊட்டிக்குச் செல்லும் வாகனங்கள், காரமடை ஊருக்குள் செல்வதைத் தவிர்க்கும் வகையில், 2 புறவழிச்சாலைகள் அமைக்க, மாவட்ட சாலை பாதுகாப்புக்குழு ஒப்புதல் வழங்கியுள்ளது.
.
.
குறைந்தபட்சமாக காரமடைக்குள் செல்வதை, தவிர்ப்பதற்காவது அங்கு புறவழிச்சாலை அமைக்க வேண்டுமென்று எல்லோரும் எதிர்பார்க்கின்றனர்.இதற்கான திட்டம், அரசின் ஒப்புதலுக்கு அனுப்பி வைக்கப்படவுள்ளது. கோவை கலெக்டர் அலுவலகத்தில் சமீபத்தில் நடந்த, மாவட்ட சாலை பாதுகாப்புக்குழுக் கூட்டத்தில், இது தொடர்பான 2 தீர்மானங்களுக்கு ஒப்புதல் அளிக்கப்பட்டது.இதன்படி, காரமடைக்கு மேற்கு புறவழிச்சாலை, கிழக்கு புறவழிச்சாலை என இரண்டு புறவழிச்சாலைகள் அமைக்கப்படவுள்ளன. இதில் மேற்கு புறவழிச்சாலை என்பது, 1.7 கி.மீ., துாரத்திற்கு புதிதாக அமைக்கப்படவுள்ளது.சின்ன மத்தம்பாளையம்-பெள்ளாதி வரையிலான சாலையை, 4 வழிச்சாலையாக விரிவாக்கம் செய்து, கிழக்கு புறவழிச்சாலை அமைக்கும் தீர்மானம் கொண்டு வரப்பட்டு, ஒப்புதல் பெறப்பட்டுள்ளது.மேட்டுப்பாளையம் புறவழிச்சாலை அமைக்கும் பணியையும், இந்தப் பணிகளையும் விரைவு படுத்துமாறு, நெடுஞ்சாலைத்துறை அதிகாரிகளை கலெக்டர் ராஜாமணி அறிவுறுத்தியுள்ளார். இதில் காரமடை புறவழிச்சாலைகளுக்கான பணிகளுக்கு, விரைவில் ஒப்புதல் கிடைத்து, பணிகள் துவங்கும் என்று எதிர்பார்க்கப்படுகிறது.வேஸ்ட் ஆனது பஸ் ஸ்டாண்ட்!காரமடை பஸ் ஸ்டாண்டுக்கு, டவுன்பஸ்களைத் தவிர வேறு எந்த பஸ்களும் வராத நிலை இருந்தது. இப்போது ரயில்வே மேம்பாலம் கட்டிய பின், டவுன்பஸ்களுமே அங்கு சென்று திரும்ப முடியாத நிலை இருப்பதால், தற்போதுள்ள பஸ் ஸ்டாண்ட் எதற்கும் பயன்படாமல் வீணாகவுள்ளதாக, சாலை பாதுகாப்புக் குழுக் கூட்டத்தில், புகார் தெரிவிக்கப்பட்டது.எனவே, பஸ் ஸ்டாண்டுக்கு பஸ்கள் செல்ல வழி ஏற்படுத்த வேண்டும் அல்லது பஸ் ஸ்டாண்டை இடம் மாற்ற வேண்டுமென்று, கோரிக்கை விடுக்கப்பட்டது. இதை ஏற்றுக் கொண்ட கலெக்டர் ராஜாமணி, ''தேசிய நெடுஞ்சாலைத்துறை அதிகாரிகள், ஒரு வாரம் அங்கு ஆய்வு செய்து என்ன செய்யலாம் என்பது பற்றி அறிக்கை தர வேண்டும்,'' என்று உத்தரவிட்டார்.


 

·
Registered
Cbe Citizen
Joined
·
1,009 Posts
'அத்திக்கடவு இரண்டாம் திட்டத்துக்கு விரைவில் அரசாணை வெளியாகும்'

 

·
Registered
Cbe Citizen
Joined
·
1,009 Posts
புறவழிச்சாலைக்கு கல் நடும் பணி தீவிரம்: போக்குவரத்து நெரிசலுக்கு விமோசனம்

அன்னுார்:கோவை சத்தி தேசிய நெடுஞ்சாலையில், அன்னுார் அடுத்த பட்டக்காரன் புதுார் பிரிவில், புறவழிச் சாலைக்கு கற்கள் நடப்பட்டுள்ளன.தமிழகத்தின் முக்கியமான தேசிய நெடுஞ்சாலைகளில் ஒன்றாக என்.எச். 209 உள்ளது. இதில் கோவை சத்தி நெடுஞ்சாலையில் கடும் போக்குவரத்து நெரிசல் நிலவுகிறது.

இந்தப் பகுதியில் புறவழிச்சாலை அமைக்க வேண்டும் என, 25 ஆண்டுகளாக அன்னூர், புளியம்பட்டி மக்கள் கோரி வருகின்றனர்.கடந்த, 2019ல் தேசிய நெடுஞ்சாலை ஆணைய உத்தரவின்பேரில், தனியார் நிறுவனம் விரிவான திட்ட அறிக்கை தயாரித்தது. கோவில்பாளையத்திற்கு, மேற்கே இரண்டு கி.மீ., தொலைவில் துவங்கி, அன்னூர், புளியம்பட்டி, சத்தி, பண்ணாரி வழியாக கர்நாடக எல்லை வரை 98 கிலோ மீட்டர் துாரத்திற்கு புதிய சாலை அமைக்க திட்டமிடப்பட்டுள்ளது. இதில் 60 மீட்டர் அகலத்தில் சாலை அமைக்கப்பட உள்ளது.சில இடங்களில் ஏற்கனவே உள்ள சாலையை அகலப்படுத்தியும், பெரும்பாலான இடங்களில் புதிய புறவழிச் சாலை அமைக்கவும் திட்டம் வடிவமைக்கப்பட்டுள்ளது. கோவை, ஈரோடு மாவட்டத்தில் இதற்காக 731 ஏக்கர் நிலம் கையகப்படுத்த வேண்டி உள்ளது.இதில் குரும்பபாளையம், அன்னுார், புளியம்பட்டி, சத்தி ஆகிய நான்கு இடங்களில் புறவழிச் சாலை அமைய உள்ளது. நிலம் கையகப்படுத்த 620 கோடி ரூபாய் செலவாகும். மொத்த மதிப்பீடு ஆயிரத்து 200 கோடி என மதிப்பிடப்பட்டுள்ளது.விரிவான திட்ட அறிக்கை, கடந்த மார்ச் மாதம் தேசிய நெடுஞ்சாலை ஆணையத்தால் அரசுக்கு அனுப்பி வைக்கப்பட்டது. மத்திய அரசு இந்த திட்டத்திற்கு ஒப்புதல் அளித்துள்ளது.இரு வாரங்களுக்கு முன் எஸ்.எஸ்.குளம் ஒன்றியம், கொண்டையம்பாளையம் ஊராட்சியில் கற்கள் நடும் பணி நடந்தது. 'ட்ரோன்' கேமரா வாயிலாக சாலை அளவீடு செய்யப்பட்டது.
அன்னூர் அடுத்த காரேகவுண்டன்பாளையம் ஊராட்சியிலும் கற்கள் நடப்பட்டன.அன்னூரில் இருந்து சிறுமுகை செல்லும் சாலை, ஓதிமலை சாலை மற்றும் சத்தி சாலையில், எந்த இடத்தில் தேசிய நெடுஞ்சாலையில் இணைகிறது என அன்னூர் வட்டார மக்கள் ஆர்வமாக தேசிய நெடுஞ்சாலை துறை ஆணைய அலுவலகத்தில் நேரிலும் தொலைபேசி வாயிலாகவும் விசாரித்த வண்ணம் இருந்தனர்.இந்நிலையில் இரண்டு நாட்களுக்கு முன் அன்னுார் சிறுமுகை சாலையில், கவுண்டம்பாளையம் காலனி முடியும் இடத்தில், கற்கள் நடப்பட்டுள்ளன.
ரோட்டின் வடக்கே ஒரு கல்லும் ரோட்டுக்கு தென்மேற்கில் ஒரு கல்லும் 400 அடி இடைவெளியில் நடப்பட்டுள்ளன.இதேபோல் அன்னூரில் இருந்து சத்தி செல்லும் பாதையில், பட்டறை பஸ் ஸ்டாப்புக்கும் பசூர் பஸ் ஸ்டாப்புக்கும் இடையில் உள்ள பட்டக்காரன் புதூர் பிரிவில் ஒரு கல் நடப்பட்டுள்ளது. அதிலிருந்து 400 அடி தொலைவில் மேற்கே பட்டக்காரன் புதூர் ரோட்டில் மற்றொரு கல் நடப்பட்டுள்ளது.

எனவே கோவில்பாளையத்தை அடுத்த குரும்பபாளையத்தில் துவங்கி அன்னுார் அடுத்த பட்டக்காரன் புதுார் பிரிவில் புறவழிச்சாலை முடிவடைவது உறுதியாகியுள்ளது. 20 ஆண்டுகாலமாக போக்குவரத்து நெரிசலில் தவிக்கும் அன்னூர் மக்களுக்கு கற்கள் நடும் பணி மகிழ்ச்சி தந்துள்ளது.
 

·
Registered
Joined
·
1,616 Posts
News surfacing in social Media:


புதிய மாவட்டமாக உதயமாகிறது பொள்ளாச்சி :

கோவை மாவட்டம் பிரிக்கப்பட்டு வால்பாறை சின்னகல்லாறு சின்கோனா ஆனைமலை சோலையாறு ஆகிய பகுதிகளை உள்ளடக்கிய பொள்ளாச்சி தனி மாவட்டமாக உதயமாகவுள்ளது. ஓரிரு நாளில் அறிவிப்பு வெளியாகவுள்ளது.
 

·
Registered
Joined
·
1,886 Posts
News surfacing in social Media:


புதிய மாவட்டமாக உதயமாகிறது பொள்ளாச்சி :

கோவை மாவட்டம் பிரிக்கப்பட்டு வால்பாறை சின்னகல்லாறு சின்கோனா ஆனைமலை சோலையாறு ஆகிய பகுதிகளை உள்ளடக்கிய பொள்ளாச்சி தனி மாவட்டமாக உதயமாகவுள்ளது. ஓரிரு நாளில் அறிவிப்பு வெளியாகவுள்ளது.
THey should also include Udumalai taluk from Tirupur district.
 

·
The Boss
Joined
·
307 Posts
ஏறி குதிச்சு ஓடுறாங்க! ஆபத்துகள் நிறைந்த நான்கு வழிச்சாலை:ரோட்டை கடக்க தடுமாறும் பொதுமக்கள்

பொள்ளாச்சி - கோவை நான்கு வழிச்சாலை திட்டப்பணிகள், 2016ல் துவங்கப்பட்டது. இந்த திட்டத்தில், பொள்ளாச்சி ஆச்சிபட்டியில் இருந்து, ஈச்சனாரி வரையிலும் நான்கு வழிப்பாதையாக மேம்படுத்தப்பட்டுள்ளது.இதில், முள்ளுப்பாடியில் ரயில்பாதையை கடக்க, அரை வட்ட வடிவில் இரும்பு பாலம் அமைக்கப்பட்டுள்ளது. அதையடுத்து, கிணத்துக்கடவில், 1.5 கி.மீ., தொலைவுக்கு நான்கு வழிப்பாதை பாலம் அமைக்கப்பட்டுள்ளது.அதையடுத்து, ஒத்தக்கால்மண்டபம், ஈச்சனாரி ஆகிய இடங்களில் மேம்பாலம் அமைக்கப்பட்டுள்ளது. நான்கு வழிச்சாலை முழுவதும் கான்கிரீட் பாதை அமைக்கப்பட்டு, முக்கிய சந்திப்புகளில், ஒளிரும் பட்டைகள் பொருத்தப்பட்டு, சிக்னலும் அமைக்கப்பட்டுள்ளது.மேம்பாலம், முக்கிய சந்திப்பு பகுதிகளில் மின் விளக்குகள் அமைக்கப்பட்டுள்ளது. ஆச்சிபட்டி, கோவில்பாளையம், தாமரைக்குளம், கிணத்துக்கடவு, ஒத்தக்கால்மண்டபம், மலுமிச்சம்பட்டி, ஈச்சனாரி பகுதிகளில் சர்வீஸ் ரோடு அமைக்கப்பட்டுள்ளது. இதனால், நான்கு வழிச்சாலையில் போக்குவரத்து வசதிகள் மேம்பட்டுள்ளன.

அதே நேரத்தில், கண்ணிமைக்கும் நேரத்தில் வாகனங்கள் அதிவேகமாக 'பறந்து' செல்வதால், விபத்துகளும் அதிகரிக்க துவங்கியுள்ளது. நான்கு வழிச்சாலையில் மையத்தடுப்பு அமைத்ததால், ரோட்டின் இருபகுதிக்கான மக்கள் போக்குவரத்து துண்டிக்கப்பட்டுள்ளது.குறிப்பாக, கிராமங்கள், முக்கிய சந்திப்புகளில் ரோட்டை கடந்து செல்ல மக்கள் அவதிப்படுகின்றனர். ஆச்சிபட்டி, கோவில்பாளையம், தாமரைக்குளம், கிணத்துக்கடவு, பிரிமியர் மில்ஸ், மலுமிச்சம்பட்டி போன்ற பகுதிகளில் நான்கு வழிச்சாலையை, மக்கள் கடந்து செல்வதை தடுக்க சிமென்ட் தடுப்பு வைக்கப்பட்டுள்ளது.
இரு பகுதியில் இருக்கும் மக்களும், தடுப்புகள் மீது ஏறிக் குதித்து, ஓட்டமும், நடையுமாக ரோட்டை கடந்து செல்கின்றனர். வாகனங்கள் வைத்திருப்பவர்கள் பெரும்பாலும், 'யுடேர்ன்' வழியாக சுற்றி செல்கின்றனர். ஆனால், நடந்து செல்லும் பொதுமக்கள் திக்திக் மனநிலையில் ரோட்டை கடக்கின்றனர்.இதில், வயதானவர்கள் ரோட்டில் உள்ள தடுப்புகளை தாண்ட முடியாமலும், அதி வேகமாக வாகனங்கள் வரும் போது, ரோட்டில் தடுமாறுகின்றனர். அத்தியாவசிய தேவைக்காக கடந்து செல்ல வேண்டுமானால், ஆட்டோ பிடித்து செல்ல வேண்டிய சூழ்நிலை உள்ளது.
மேலும், தாமரைக்குளத்தில், கிட்ஸ்பார்க் மேல்நிலைப்பள்ளி, ஏலுார் பிரிவில் உள்ள விவேக் வித்யாலயா மெட்ரிக் மேல்நிலைப்பள்ளியும் உள்ளது. இப்பகுதியில், பள்ளி நேரங்களில் ஏராளமான மாணவ, மாணவியர்கள் நான்கு வழிச்சாலையை கடந்து செல்ல சிரமப்படுகின்றனர்.இப்பிரச்னையை தீர்க்க, தேசிய நெடுஞ்சாலைத்துறையினர் நான்கு வழிச்சாலையை கடக்க, தேவையான இடங்களில், நடைபாதை இரும்பு மேம்பாலம் அமைக்க நடவடிக்கை எடுக்க வேண்டும், என, பொதுமக்கள் வேண்டுகோள் விடுத்துள்ளனர்.

Source: ஏறி குதிச்சு ஓடுறாங்க! ஆபத்துகள் நிறைந்த நான்கு வழிச்சாலை:ரோட்டை கடக்க தடுமாறும் பொதுமக்கள் - Dinamalar Tamil News
 

·
The Boss
Joined
·
307 Posts
இது தானா சார் உங்க 'டக்கு!' மேம்பாலம் கட்டும் பணியில் ஆமை வேகம்:போக்குவரத்து மாற்றம் செய்தும் பயனில்லை

மேட்டுப்பாளையம் ரோட்டில், மேம்பாலம் கட்டுவதற்காக, வாகன போக்குவரத்து வேறு வழித்தடத்தில் மாற்றி விடப்பட்டுள்ளது. இதில், பொதுமக்கள் கடுமையான அவதிக்குள்ளாகி வரும் சூழலில், மேம்பாலம் கட்டும் பணி, சுறுசுறுப்பின்றி, ஆமை வேகத்தில் நடப்பது, பெரும் அதிர்ச்சியளிப்பதாக உள்ளது.கோவை, மேட்டுப்பாளையம் ரோட்டில், கவுண்டம்பாளையம் சந்திப்பில் ஹவுசிங் யூனிட் முதல் ராமசாமி திருமண மண்டபம் வரை, 1.20 கி. மீ., நீளத்தில், 66 கோடி ரூபாய் மதிப்பில் மேம்பாலம் கட்டுமானப் பணியும், மற்றும் ஜி.என்.மில் சந்திப்பில், 41 கோடி ரூபாய் மதிப்பில் மேம்பால கட்டுமான பணியும், 2019 மார்ச் மாதம் தொடங்கியது.பாலம் கட்டுமான பணிக்காக கடந்த, 8ம் தேதி முதல் போக்குவரத்து மாற்றம் அறிவிக்கப்பட்டு, செயல்பட்டு வருகிறது. இதன்படி, மேட்டுப்பாளையம் ரோட்டில் பஸ்கள், கார்கள் உள்ளிட்ட நான்கு சக்கர வாகனங்கள் மாற்றுப்பாதையில் இயக்கப்படுகின்றன. இதனால் வெள்ளக்கிணர் பிரிவு, துடியலூர் கணுவாய் உள்ளிட்ட பகுதிகளில் கடும் போக்குவரத்து நெரிசல் ஏற்பட்டு உள்ளது.

மேம்பால பணிகளை விரைந்து முடிக்க வேண்டும் என்பதற்காக, வாகன போக்குவரத்தில் மாற்றம் செய்யப்பட்டது. 'எப்படியோ, பாலம் சீக்கிரம் கட்டி முடிக்கட்டும்' என்று, பொதுமக்களும், அந்த மாற்றத்தை ஏற்றுக்கொண்டனர்.ஆனால், போக்குவரத்து வேறு வழித்தடத்துக்கு மாற்றப்பட்ட நிலையில், பாலம் கட்டும் பணி, ஆமை வேகத்திலேயே நடக்கிறது. பெயரளவுக்கு ஒன்றிரண்டு பேர் மட்டுமே வேலை செய்கின்றனர். இதைக்கண்டு, வழித்தட மாற்றத்தை, வேதனையுடன் ஏற்றுக்கொண்ட அனைவரும் பெரும் அதிர்ச்சி அடைந்துள்ளனர்.மாற்றுப்பாதையில் பயணம் செய்து வரும் வாகன ஓட்டிகள் கூறுகையில், 'தற்போது கவுண்டம்பாளையம் பகுதியில் உள்ள மேட்டுப்பாளையம் ரோட்டில் இரு சக்கர வாகனங்களுக்கு மட்டும் அனுமதி அளிக்கப்படுகிறது. அதிலும், சில இடங்களில் தடுப்பு வைக்கப்பட்டு, எந்த வாகனங்களும் செல்ல முடியாத நிலை உள்ளது. இதனால் மக்கள் பெரும் அவதிக்கு உள்ளாகி வருகின்றனர்.'போக்குவரத்து மாற்றம் செய்யப்பட்டதால், மேம்பால பணிகள் அசுர கதியில் நடக்கும் நடக்கும் என எதிர்பார்த்தோம். ஆனால், மந்தகதியில் நடக்கிறது' என்று புகார் கூறினர்.தேசிய நெடுஞ்சாலை துறை அதிகாரிகள் கூறுகையில், 'போக்குவரத்து மாற்றம் செய்யப்பட்ட பின் பணிகள் வேகமாக நடக்கின்றன. திட்டமிட்டபடி பணிகள் முடிவடையும் என எதிர்பார்க்கிறோம்' என்றன

Source:இது தானா சார் உங்க டக்கு! மேம்பாலம் கட்டும் பணியில் ஆமை வேகம்:போக்குவரத்து மாற்றம் செய்தும் பயனில்லை
 

·
Registered
Cbe Citizen
Joined
·
1,009 Posts
அத்திக்கடவு திட்டத்தில் 72 சதவீத பணிகள் நிறைவு: அடுத்த மாதம் 61 குளங்களில் நீர் நிரப்ப திட்டம்

அன்னூர்:'அத்திக்கடவு - அவிநாசி திட்டத்தில், 72 சதவீத பணிகள் முடிந்துள்ளன; அடுத்த மாதம் பெருந்துறையில், 61 குளங்களில் நீர் நிரப்பப்பட உள்ளது' என, அதிகாரிகள் தெரிவித்தனர்.அத்திக்கடவு - அவிநாசி திட்டத்தில், ஆறு நீரேற்று நிலையங்கள் அமைக்கப்படுகின்றன. இதில் ஆறாவது நீரேற்று நிலையம், அன்னுார் அருகே குன்னத்துாராம்பாளையத்தில் கட்டப்பட்டு வருகிறது. பணியை, சபாநாயகரும், அவிநாசி எம்.எல்.ஏ., வுமான தனபால் ஆய்வு செய்தார். அத்திக்கடவு திட்ட பொறியாளர்கள் கூறியதாவது:பவானி ஆற்றில், ஈரோடு மாவட்டத்தில், காலிங்கராயன் அணைக்கட்டின் கீழ் புறத்தில் இருந்து, ஆண்டுக்கு, 1.5 டி.எம்.சி., உபரி நீர் நீரேற்று முறையில் நிலத்தடி குழாய் வாயிலாக, கோவை, திருப்பூர், ஈரோடு மாவட்டங்களில் உள்ள, 1,044 குளம், குட்டைகளில் நிரப்பப்பட உள்ளது. இதன் வாயிலாக, 24 ஆயிரத்து 468 ஏக்கர் நிலம் பயன்பெறும்.இதுவரை, 550 கி.மீ., துாரத்துக்கு குழாய் பதிக்கும் பணிகள் முடிக்கப்பட்டுள்ளன. முதற்கட்டமாக, அடுத்த மாதம் திருப்பணை மற்றும் முதல் மூன்று நீரேற்று நிலையங்களில் பணி முடித்து, பெருந்துறையில் பகுதியில் உள்ள, 61 குளம், குட்டைகளில், நீர் நிரப்ப திட்டமிடப்பட்டுள்ளது. திட்டத்தில் இதுவரை, 1,137 கோடி ரூபாய் செலவிடப்பட்டுள்ளது; 72 சதவீத பணிகள் முடிவடைந்துள்ளன.அவிநாசி தொகுதியில், அன்னுார் ஒன்றியத்தில், 186 குளம், குட்டைகளும், அவிநாசி ஒன்றியத்தில், 255 குளம், குட்டைகளும் என, 441 குளம், குட்டைகளில் திட்டத்தில் நீர் நிரப்பப்பட உள்ளது.இதன் வாயிலாக, 9,480 ஏக்கர் நிலங்கள் பயன்பெறும். அன்னுாரில் உள்ள நீரேற்று நிலையத்தில், 35 சதவீத கட்டடப் பணிகள் முடிக்கப்பட்டுள்ளன.இவ்வாறு, அவர்கள் தெரிவித்தனர்.நேற்று முன் தினம் பணிகளை பார்வையிட்ட, சபாநாயகர் தனபால், விரைந்து முடிக்கும்படி அதிகாரிகளிடம் அறிவுறுத்தினார். 'திட்டமிடப்பட்ட 24 மாத காலத்துக்குள் முழுமையாக பணிகள் முடிக்கப்படும்' என, அதிகாரிகள் தெரிவித்தனர்.இதுவரை, 550 கி.மீ., துாரத்துக்கு குழாய் பதிக்கும் பணிகள் முடிக்கப்பட்டுள்ளன. முதற்கட்டமாக, அடுத்த மாதம் திருப்பணை மற்றும் முதல் மூன்று நீரேற்று நிலையங்களில் பணி முடித்து, பெருந்துறையில் பகுதியில் உள்ள, 61 குளம், குட்டைகளில், நீர் நிரப்ப திட்டமிடப்பட்டுள்ளது. திட்டத்தில் இதுவரை, 1,137 கோடி ரூபாய் செலவிடப்பட்டுள்ளது; 72 சதவீத பணிகள் முடிவடைந்துள்ளன.

 
181 - 200 of 253 Posts
Top